މިހާރު ފުވައްމުލައް ސިޓީަގއި ކުރިޔަށްދާ ޔޫތު މިކްސް ވޮލީ ޗެމްޕިއަންޝިޕް 2019 ގެ ފުރަތަމަ ދެމެޗުން އެމްޖޭއެސް އާއި ޑްރީމް ކިލަރސް މޮޅުވެއްޖެއެވެ. އިއްޔެ ފެށި މިމުބާރާތް ކުޅެވެނީ ފުވައްމުލަކު އިޖުތިމާއީ މަރުކަޒުގެ ބޭގައިއޮތް ވޮލީ ކޯޓްގައެވެ.
މެޗުތައް ކުޅެވޭނީ ފުވައްމުލަކު އިޖުތިމާއީ މަރުކަޒުގައެވެ.
މިމުބާރާތުގެ ފުރަތަމަ މެޗުގައި އިއްޔެ ހަވީރު ބައްދަލުކުރީ މުހައްމަދު ޖަމާލުއްދީން ސްކޫލް (އެމްޖޭއެސް) ޓީމާއި ދަޑިމަގު ޒުވާނުންގެ ޖަމްއިއްޔާ ޓީމެވެ. މިމެޗު 3 ސެޓް 0 ސެޓުން ކާމިޔާބުކުރީ އެމްޖޭއެސްގެ ޓީމެވެ.
އިއްޔެގެ ދެވަނަ މެޗުގައި ރޭ ބައްދަލުކުރީ ފުވައްމުލައް ސިޓީ ޕޮލިސް ޓީމާއި ޑްރީމް ކިލަރސް ޓީމެވެ. މިމެޗު 3 ސެޓް 1 ސެޓުން ކާމިޔާބުކުރީ ޑްރީމް ކިލަރސްއެވެ. މެޗުގެ މޮޅު ކުޅުންތެރިއަކަށް ހޮވިފައި ވަނީ ޑްރީމް ކިލަރސް ގެ ޖާޒީ ނަމްބަރު 11 އަހުމަދު މުއާޒެވެ.
ފުވައްމުލަކު އިޖުތިމާއީ މަރުކަޒުން އިސްނަގައިގެން ފުވައްމުލައް ސިޓީ ކައުންސިލާއި ގުޅިގެން ކުރިޔަށް ގެންދާ މި މުބާރާތުގައި މިއަދުވެސް ދެ މެޗުވެއެވެ.
މިއަދު ހަވީރު ބައްދަލުކުރާނީ އެމްޖޭއެސް ޓީމާއި ފުވައްމުލައް ސިޓީ ޕޮލިސް ޓީމެވެ. މެޗު ފަށާނީ ހަވީރު 4:30 ގައެވެ.
މިރޭގެ މެޗުގައި ބައްދަލުކުރާނީ ދަޑިމަގު ޒުވާނުންގެ ޖަމްއިއްޔާ އާއި ޑްރީމް ކިލަރސް އެވެ. ރޭގަނަޑުގެ މެޗު ފަށާނީ 8:15 ގައެވެ.
މުބާރާގެ މެޗުތައް ކުޅެން ހަމަޖެހިފައި ވަނީ ކޮންމެ ޓީމެއް އެހެން ޓީމުތަކާއި ވާދަކުރާ ގޮތަށް، އެންމެ މޮޅުވާ ޓީމެއް މުބާރާތުގެ ފައިނަލަށް ދާ ގޮތަށެވެ. ދެ ވަނަ އަދި 3 ވަނަ ޓީމު ސެމީފައިނަލުގައި ވާދަކޮށް މޮޅުވާ ޓީމެއް ފައިނަލަށް ދާ ގޮތަށެވެ.
މުބާރާތުގެ ފައިނަލް މެޗު ކުޅެވޭނީ މި ޑިސެމްބަރު މަހު 10 ވަނަ ދުވަހުއެވެ.
ޚިޔާލުތައް