ތައިލެންޑާއި ކެމްބޯޑިއާ ގުޅޭ ސަރަޙައްދީ ރޮނގުކައިރީގައި ދެޤައުމުގެ ސިފައިން ހަމަލާ ބަދަލުކޮށް 10 މީހުން މަރުވެއްޖެއެވެ.
މަރުވި މީހުންގެ ތެރޭގައި އާންމު ރައްޔިތުންވެސް ހިމެނެއެވެ. ތައިލެންޑްގެ އަސްކަރިއްޔާއިން ބުނީ ފުރަތަމަ ހަމަލާ ދިނީ ކެމްބޯޑިއާ ސިފައިން ކަމަށެވެ. ނަމަވެސް ކެމްބޯޑިއާގެ މިނިސްޓްރީ އޮފް ނޭޝަނަލް ޑިފެންސް އިން ބުނީ އެގައުމުގެ ސިފައިން ހަމަލާދީފައިވަނީ ތައިލެންޑް ސިފައިންގެ ހަމަލާތަކުގެ ދިފާޢުގައި ކަމަށެވެ.
ދެ ޤައުމުގެ ދެމެދުގައި ސަރަޙައްދީ އިމާ ގުޅިގެން އުފެދިފައިވާ ޒަމާންވީ ހަމަނުޖެހުން މިދިޔަ މޭ މަހުގެ ތެރޭގައި އަނެއްކާވެސް ވަނީ ބޮޑުވެފައެވެ. އަދި ބޯޑަރުގެ އެކި ހިސާބުތަކުގައި ދެ ޤައުމުގެ ދެމެދުގައި އަންނަނީ ހަމނުޖެހުންތައް އިތުރުވަމުންނެވެ.
މިއަދުގެ ހަމަލާ ބަދަލުކުރުމާ ގުޅިގެން ތައިލެންޑުންވަނީ ކެމްބޯޑިއާގައި ހުރި އެ ޤައުމުގެ ސަފީރު އަނބުރާ ގެންގޮސްފައެވެ، އަދި ކެމްބޯޑިއާއިންވެސް ވަނީ ތައިލެންޑުގައި ތިބި އެ ޤައުމުގެ ހުރިހާ ޑިޕްލޮމެޓުން އަނބުރާގެންގޮސް، ކެމްބޯޑިއާގައި ތިބި ތައިލެންޑުގެ ހުރިހާ ޑިޕްލޮމެޓުން އެ ޤައުމުން ބޭރުވާން އަންގާފައެވެ.
ޚިޔާލުތައް