މިދިޔަ އަހަރުގެ އޮކްޓޯބަރު މަހުގެ ހަތް ވަނަ ދުވަހުން ފެށިގެން މެދުއިރުމަތީގައި 17،000 އަށް ވުރެ ގިނަ ހަމަލާގެ ޒިންމާ އިސްރާއީލުން ވަނީ އުފުލާފައެވެ. މިމުއްދަތުގައި އިސްރާއީލުން ދީފައިވާ 17 ހާހަށްވުރެ ގިނަ ހަމަލާ އަމާޒުވެފައިވަނީ އިސްރާއީލުން ހިފާފައިވާ ފަލަސްތީނުގެ ސަރަހައްދުތަކަށާއި، ލުބުނާނާއި، ސީރިއާއާއި ޔަމަނުގެ އިތުރުން އީރާނަށެވެ. މިހަމަލާތަކުގެ 60 އިންސައްތަ އަށްވުރެ ގިނަ ހަމަލާ ކަމަށްވާ 10،389 ހަމަލާ އަމާޒުވެފައިވަނީ ފަލަސްތީނަށެވެ. މީގެ އިތުރުން އިސްރާއީލުން ލުބުނާނަށް 6،544 ހަމަލާ (38 ޕަސެންޓް) ދީފައިވާއިރު، ސީރިއާއަށް 144 ހަމަލާދީފައިވާ ކަމަށް ރެކޯޑްކުރެވިފައިވާ ކަމަށް އަލްޖަޒީރާ ނޫހުން ހާމަކުރެއެވެ.
މީގެ އިތުރުން، މިއަހަރު މިހާތަނަށް 8 ލީޑަރަކު ޓެރަރިސްޓް އިސްރާއީލުންވަނީ ޝަހީދުކޮށްލާފައެވެ. އެއީ؛
2024، ޖުލައި 31: އިސްމާއީލް ހަނިއްޔާ – ހަމާސް ޖަމާއަތުގެ ސިޔާސީ ލީޑަރު، ޝަހީދުކޮށްލާފައިވަނީ އީރާނުގެ ވެރިރަށް ތެހެރާނުގައި
2024، ޖުލައި 30: ފުއާދު ޝުކުރު – ހިޒުބްﷲ ޖަމާއަރުގެ ކޮމާންޑަރު، ޝަހީދުކޮށްލާފައިވަނީ ލުބުނާނުގެ ވެރިރަށް ބެއިރޫތުގައި
2024، އެޕްރީލް 8: އަލީ އަހުމަދު ހުސެއިން – ހިޒުބްﷲގެ ޖަމާއަތުގެ ކޮމާންޑަރެއް، ޝަހީދުކޮށްލާފައިވަނީ ލުބުނާނުގެ އައްސުލްތާނިއްޔާގައި
2024، އެޕްރީލް 2: މުހައްމަދު ރިޒާ– އީރާނުގެ އިސްލާމިކް ރިވޮލޫޝަނަރީ ގާޑުންގެ ކޮމާންޑަރެއް، ޝަހީދުކޮށްލާފައިވަނީ ސީރިއާގެ ވެރިރަށް ދިމިޝްގުގައި
2024، އެޕްރީލް 2: މުހައްމަދު ހާދީ – އީރާނުގެ އިސްލާމިކް ރިވޮލޫޝަނަރީ ގާޑުންގެ ކޮމާންޑަރެއް، ޝަހީދުކޮށްލާފައިވަނީ ސީރިއާގެ ވެރިރަށް ދިމިޝްގުގައި
2024، މާރިޗު 31: އިސްމާއީލް އައްޒިން – ހިޒުބްﷲ ޖަމާއަތުގެ ކޮމާންޑަރެއް، ޝަހީދުކޮށްލާފައިވަނީ ލުބުނާނުގައި
2024، ޖެނުއަރީ 8: ވިސާމް އައްތާވީލް – ހިޒުބްﷲ ޖަމާއަތުގެ ކޮމާންޑަރެއް، ޝަހީދުކޮށްލާފައިވަނީ ލުބުނާނުގައި
2024، ޖެނުއަރީ 2: ސާލިހް އަލްއަރޫރީ – ހަމާސް ޖަމާއަތުގެ ސިޔާސީ ގޮފީގެ ލީޑަރުގެ ނާއިބު، ޝަހީދުކޮށްލާފައިވަނީ ލުބުނާނުގެ ވެރިރަށް ބެއިރޫތުގައި.
ޓެރަރިސްޓް ދައުލަތް އިސްރާއީލުން މިހާގިނަ ހަމަލާތައް ދެމުންދާއިރުވެސް ދުނިޔޭގެ އެއްވެސް ޖަމިއްޔާއަކުން ނުވަތަ ދައުލަތަކުންވެސް ވަނީ ޓެރަރިސްޓް އިސްރާއީލާއި ދެކޮޅު ފިޔަވަޅެއް އެޅުމަށް ނުކުޅެފިއެވެ.
ޚިޔާލުތައް