މުހައްމަދު ޝިހާބް މިހާރު މަޖުލިހުގެ ކޮމެޓީ މަރުހަލާގައިވާ ވަޒީފާގެ ގާނޫނަށް އިސްލާހު ހުށަހަޅާފައިވާ ބިލުގައި ރިޒޯތްތަކުގައި މަސައްކަތްކުރާ މުވައްޒަަފުންގެ ކަންބޮޑުވުން ފާޅުކުރުމަށް އެއްވުމެއް މާދަމާ ބެއްވުމަށް ނިންމައިފިއެވެ.
މަދަމާ، 21 ޖޫން 2020 ވާ އާދީއްތަ ދުވަހު ހަވީރު ފުވައްމުލަކު މާނޭރު ސަރަހައްދުގައި ބޭއްވުމަށް އަންނަނީ ތައްޔާރުވަމުންނެވެ. މިކަމާއި ގުޅިގެން ނެރުނު ނޯޓިސްގައި ވާގޮތުން ވަޒީފާއާއި ބެހޭ ގާނޫނަށް ގެންނަން ހުށަހަޅާފައިވާ އިސްލާޙުތަކުގެ ސަބަބުން ރިޒޯޓްތަކުގައި މަސައްކަތް ކުރާ އެތައް ހާސް މުވައްޒަފުންގެ ހައްގުތައް ގެއްލިގެން ދާކަމަށް ވެއެވެ. މިހާރު ހުށަހެޅިފައިވާ އިސްލާހުތަކުގެ ސަބަބުން އެހެން ދާއިރާތަކުގެ މީހުންގެ ހައްގުތައްވެސްް ގެއްލި އިތުރު ގެއްލުމާއި ނުރައްކަލަށް ހުށަހެޅިގެން ދާކަމަށެވެ. މާދަމާ މިބާއްވާ އެއްވުމުގެ ބޭނުމަކި މިަކުމގައި ހުރި ކަންބޯޑުވުންތައް ފާޅުކރުުން ކަމަށް ވެއެވެ.
މި ކަންބޮޑުވުންތައް ފާޅުކުރުމުގެ ގޮތުން އިއްޔެ ފުވައްމުލަކު ތުނޑީ ސަރަހައްދުގައި އެއްވުމެއް ބާއްވައި އަޑުއުފުލާފައި ވެއެވެ. މާދަމާ ބައްވަނީ އަޑުއުފުލުމުގެ ސައިކަލްު ބުރެއް ކަަމަށްވެސް ބައެއް މީހުން ބުނެއެވެ.
ވަޒީފާއާއި ބެހޭ ގާނޫނަށް ހުށަހެޅިފައިވާ އިސްލާހުގެ ކަންބޮޑުވުން ފާޅުކުރުމަށް މާދަމާ ބާއްވާ އެއްވުމުގެ ނޯޓިސް 21 ޖޫން 2020
މިކަލް ނޫހާއި ވާހަކަ ދެއްކި ރިޒޯޓު މުވައްޒަފަކު ހާމަކުރި ގޮތުގައި އެމީހުން ހާލަތު ދަށްވެފައިވާ މިދުވަސްކޮޅު ވަޒީފާއާއި ބެހޭ ގާނޫނަށް ބަދަލުގެނައުމަކީ ރަނަގޅު ގޮތް ނޫންކަމަށެވެ. މީގެ ސަބަބުން އެމީހުން އިތުރަށް ނިކަމެތި ވެގެންދަނެކަމަށެވެ. ވާޒީފާ ދޭ ފަރާތްތަކަށް ބޭނުންއިރަކު މަސައްކަތްތެރިްނ ވަޒީފާއިން ވަކިކޮށްލުމުގެ ފުރުސަތު ލިބިގެންދާނެ ކަމަށެވެ.
ވަޒީފާއާ ބެހޭ ގާނޫނަށް ހުށަހަޅާފައިވާ އިސްލާހުތަކުގެ ތެރޭގައި ވަޒީފާގެ އެއްބަސްވުން ފެށޭ ތާރީޚާއި، އުޖޫރަ ދެވޭ މިންގަނޑާއި އުޖޫރަ ހިސާބު ކުރެވޭނެ ގޮތާއި، އުޖޫރަ ދިނުމަށް ކަނޑައަޅާ މުއްދަތުތަކާއި ޗުއްޓީ ލިބޭނެ ގޮތާއި، މުވައްޒަފުންގެ އަހުލާގާއި ގުޅޭ ގޮތުން އެ މުވައްޒަފަކަށް ފިޔަވަޅު އެޅިދާނެ އުސޫލުތައް އުނިކުރުން ހިމެނޭއިރު މުވައްޒަފު ބަލިވެގެން ސަލާމް ބުނާ އުސޫލަށް ވެސް ވަނީ އިސްލާހު ހުށަހަޅާފައެވެ.
ރާއްޖޭގެ އެންމެ ގިނަ މީހުން ވަޒީފާ އަދާކުރާ ދެވަނަ ދާއިރާ ކަމަށްބެލެވޭ ރިޒޯޓު މުވައްޒަފުންގެ މިންގަނޑުތައް ބަލަހައްޓާނެ ކޮމިޝަނެއް ސިވިލް ސާވިސް ކޮމިޝަނެކޭ އެއްގޮތަށް ހުންނަން ޖެހެ ކަމަށެވެ. ނަމަވެސް އެމީހުންގެ ހައްގުތައް ހިމާޔަތްކޮށް އެމިންގަނޑުތައް ބަލަހައްޓާނެ ދައުލަތުގެ އިދާރާއެއް މިއަދު ނެތް ކަމަށް ބުނެ ކަންބޮޑު ވުން ފާޅުކުރިއެވެ.
ނަމަވެސް ވަޒީބެހޭ ހުރިހާ ކަމެއްގައި ވެސް ލޭބާ ރިލޭޝަން އޮތޯރިޓިގެ އެހީތެރިކަން ހޯދޭނެކަމަށް އެއިދާރައިން ހާމަކޮށްފައި ވެއެވެ. އަދި ވަޒީއަދާކުރުމުގައި އުސޫލާއި ޚިލާފުވެއްޖެނަމަ ވަޒީފާއާއި ބެހޭ ޓްރައިބިއުނަލަށް މައްސަލަ ހުށަހަޅައިެގްނ ބެލޭނެ އިންތިޒާމު ވަނި ހަމަޖެހިފައެވެ.
މިއަދު ފުވައްމުލަކުގެ ގިނަ އާއިލާތަކަކަށް އާމްދަލީ ލިބޭ ރިޒޯޓު މުވައްޒަފުން މިވަނީ ވަޒީފާއިން ވަކިކޮށް ނޫނީ ވަކިމުއްދަތަކަށް މުސާރަނުދީ ގޭގައި ބާތިއްބާފައި ކަމަށް އޭނާ ހާމަކުރިއެވެ. އަލުން ވަޒީފާއަށް ދެވޭނެ ދުވަހެއް ވެސް ނޭނގޭ ކަމަށާއި ބައެއް ކުދިންނަށް މިހާރު މަހެއްގެ މައްޗަށް އެންމެ 1000 ރުފިޔާ ދޭގޮތަށް ހަމަޖައްސާފައިވާއި އިރު އެއްބަޔަކަށް އެއްވެސް އެއްޗެއް ނުލިބާކަމަށެވެ. ޚާއްސަކޮށް ދިވެހި އޯނަރުންގެ ކުންފުނިތަކުން މަސައްކަތްތެރިްނޏާއި ދޭތެރޭ ކަންތައް ކުރި ގޮތް ވަރަށް އިހާނެތިކަމަށް އޭނާ ބުންޏެވެ.
ފާއިތުވި 24 އަހަރު ދުވަހު ރިޒޯޓު ވަޒީފާ އަދާކުރަމުން އައިނަމަވެސް މިއަދު މިވަނީ އަނބި ދަރިންނަށް ކާންބޯން ދެވޭނެ މިންވަރުގެ އެއްޗެއް ވެސް ނުލިބިފައި ކަމަށް އޭނާ ބުންޏެވެ. ސަރުކާރުން ދޭން ބުނި އެލަވަންސް ވެސް ބައެއް ކުދިންނަށް އެއްމަހު ލިބިފައި އަދި އިތުރު އެއްޗެއް ނުލިބޭ ކަމަށެވެ. އަދި އެއިނާޔަތް ހޯދުމަށް އުފުލަންޖެހޭ ދަތި ބޮޑުކަމާއި، ފޮމާއެކު ހުށަހަޅަން ޖެހޭ ޑޮކިއުމެންޓްތައް ރިޒޯޓުތަކުން ނުލިބޭކަމަށް ވެސް އޭނާ ބުންޏެވެ.
ވަޒީފާއާއި ބެހޭ ގާނޫނަށް ހުށަހެޅިފައިވާ އިސްލާހުގެ ކަންބޮޑުވުން ފާޅުކުރުމަށް ބޭއްވި އެއްވުން؛ ފުވައްމުލަކު ތުނޑި. 19 ޖޫން 2020
ރިޒޯޓު މުވައްޒަފުންގެ ހައްގުތައް ހިމާޔަތް ކުރުމުގެ ގޮތުން އެމީހުން އެދޭ އެއްކަމަކީ އަލަށް އިސްލާހުކުރެވޭ އެގާނޫނުގައި މިހާރު އޮޕްޝަނެއްގެ ގޮތުގައި ހިމަނާފައިވާ ސާވިސްޗާޖު ނެގުން ގާނޫނުގައި ލާޒިމުކަމެއްގެ ގޮތުގައި ހިމެނުމަށެވެ. އެގޮޮތަށް ހަދައިގެން ނޫނީ ސާވިސްޗާޖު ހަމަމަގުން އެމީހުނަށް ލިބޭނެ ގޮތެއް ނެތްކަމަށެވެ. ސާވިސްޗާޖު ދިނުމުގައި ބައެއް ރިޒޯޓުތަކުން އޮޅުވާލާ ކަމަށާއި އަދި ގާނޫނުގައި މިހަރު އިންނަ ލޫޕް ހޯލްގެ ބޭނުންކޮށްގެން ސާވިސްޗާޖު ރިސޯޓް ވެރިންނަގާކަމަށެވެ.
ޚިޔާލުތައް