އިބްރާހިމް ލަތީފް ކޮވިޑާއި ގުޅިގެން ޔޫތު މިނިސްޓްރީއިން މަޑުޖައްސާލި ޕްރޮޖެކްޓްގެ ތެރެއިން ކުރިއަށް ގެންދެވެންހުރި ޕްރޮޖެކްޓްތައް ކުރިއަށް ގެންދާނެކަމުގެ ޔަގީންކަން ޔޫތު މިނިސްޓަރު ދެއްވައިފިކަމަށް ފުވައްމުލަކު މެދު ދާއިރާގެ މެންބަރު ހުސެއިން މުހައްމަދު ދީދީ ވިދާޅުވެއްޖެއެވެ. ހުސެއިން މިހެން ވިދާޅުވެފައިވަނީ މިދިޔަ ބުރާސްފަތި ދުވަހު ޔޫތު މިނިސްޓަރާއި ބައްދަލު ކުރެއްވުމަށްފަހުގައެވެ. ޔޫތު މިނިސްޓަރާއި ބައްދަލު ކުރެއްވި މިބައްދަލު ވުމުގައި ފުވައްމުލަކު ތިން މެންބަރުންވެސް ބައިވެރިވެވަޑައިގަތެވެ.
މިއަހަރުގެ ބަޖެޓުގައި ފުވައްމުލަކު ޓާފު ދަޑެއްވެސް އެޅުމަށްވެސް ވަނީ ހިމެނިފައެވެ. އަދި ފަތާ ފެންގަނޑެއްގެ ވާހަކަވެސް ވަނީ ދެކެވިފައެވެ. ނަމަވެސް މި ޕްރޮކެޓްތައް ކުރިއަށް ގެންދެވޭނެ ކަމުގެ ސީދާ ވާހަކަފުޅެއް ދެއްކެވި ކަމަށް ހުސެއިން ވިދާޅެއްނުވެއެވެ. ބަޖެޓު ހެދިފައިވަނީ ލިބޭނެ އާމްދަނީ އަށް ބަރޯސާވެގެން ކަމަށްވާއިރު ލިބޭނެ އާމްދަނީ ކަމަށް ލަފާކުރި އާމްދަނީގެ ބޮޑުބައެއް ނުލިބޭނެކަމަށް ބެލެވިފައިވާއިރު އެފަދަ ޕްރޮކްޓްތައް ކުރިއަށް ގެންދާނެ ގޮތަކާއިމެދު ބައެއް ފަރާތްތަކުން ސުވާލު އުފައްދައެވެ.
ޚިޔާލުތައް