މުހައްމަދު ޝިހާބް މާލިއްޔަތު ގަވާއިދަށް އައިސްފައިވާ ބަދަލުތަކާއި ގުޅޭގޮތުން ފުވައްމުލައް ސިޓީ ކައުންސިލް ހިމެނޭ ގޮތުން މައުލޫމާތު ދިނުމުގެ ސެޝަނެއް ލޯކަލް ގަވަމެންޓް އޮތޯރިޓީއާއި، މިނިސްޓްރީ އޮފް ފައިނޭންސް ގުޅިގެން ބާއްވައިފިއެވެ.
އޮންލައިންކޮށް ކުރިޔަށްގެންދިޔަ މިސެޝަނުގައި ފުވައްމުލައް ސިޓީގެ އިތުރުން ދެކުނުގެ ހުރިހާ އަތޮޅަކުންހެން ބައިވެރިފައި ވެއެވެ. އެގޮތުން ތ. އަތޮޅު، ލ. އަތޮޅު، ގއ، ގދ، ފުވައްމުލައް ސިޓީ، އައްޑޫ ސިޓީގެ އިތުރުން މާލެ ސިޓީ އިން ވެސް މިބައްދަލުވުމުގައި ބައިވެރިވެފައި ވެއެވެ.
ދެކުނުގެ އަތޮލުތަކަށ ބޭއްވި ޕަބްލިކް ޕްރޮކިއުމެންޓަށް އަންނަމުންދާ ބަދަލުތަކުގެ މައުލޫމާތު ހިއްސާކުރުމުގެ ބައްދަލުވުން 2020
މިސެޝަނުގައި މައުލޫމާތު ދެވުނު ކަންކަމުގެ ތެރޭގައި ބިޑް ސެކިއުރިރިޓީ ގެ ގޮތުގައި ބަހައްޓާ އަދަދު 250،000 (ދެލައްކަ ފަންސާސް ރުފިޔާ) އިން 500،000 (ފަސް ލައްކަ) އަށް ބޮޑުުކުރެވިފައިވާ ކަމާއި،
ސިންގަލް ސޯސް ޕްރޮކިުމެންޓް (10.25) ގެ ދަށުން އަދި ބިޑުކުރުމުގެ ދައުވަތަކާއި ނުލައި މަސައްކަތް ހަވާލުކުރުން (10.27) ގެ ދަށުން ބިޑް ސެކިއުރޓީ ނެގުމަކީ ލާޒީމުކަމެއް ނޫން ގޮތަށް ބަދަލުވެފައި ވާކަމަށާއި،
ބިޑް ސެކިއުރިޓީ ނަގަން ޖެހޭނީ އަންދާޒާ އަގުގެ %0.05 އާއި %1 އާއި ދެމެދުގެ މިންވަރެއް ކަމަށް ބަދަލުގެނެވިފައިވާ ކަމާއި،
ކޮންސަލްޓެންސީ ފިޔަވައި 5 ލައްކަ ރފިިޔާއަށް ވުރެ ބޮޑެެތި ހުރިހާ ޕޮރޮކިއުމެންޓްއަކުން ޕާފޯމަންސް ގެރެންޓީ ނަގަން ޖެހޭނެ ގޮތަށް ހަމަޖެހިފައިވާކަމުގެ މައުލޫމާތު ވެސް ހިމެނެއެވެ.
މީގެ އިތުރުން ރިޓެންޝަން ފައިސާ ނުވަތަ މަސައްކަތެއް ކުރުވުމަށް ފަހު ވަކި މުއްދަތަކަށް ބެހެއްޓޭ ފައިސާ ދޫކުރުމުގެ އުސުލާއި ގުޅޭ މައުލޫމާތު ވެސް ހިމެނެއެވެ. އެގޮތުން:
ރިޓެންޝަން ފައިސާ ނަގަން ވާނީ ކުރުވާ މަސައްކަތަކަށް އެކަނި ކަމަށް ބަދަލުކުރުމާއި،
ކުރިން 2 ލައްކަ 50 ހާސް ރުފިޔާއިން ފެށިގެން މަތިން ރިޓެންޝަން ފައިސާ ބަހައްޓަން ޖެހޭއިރު މިހާރު އެ އަދަދު ވަނީ 5 ލައްކަރުފިޔާއަށް އަށް ބޮޑުކޮށްފައެވެ. ވުމާއެކު 5 ލައްކަ ރުފިޔާއަށް ވުރެ ކުޑަ ބިޑު ތަކުގެ ރިޓެންޝަންގެ ފައިސާ ބަހައްޓަން ނުޖެހޭގޮތަށް ބަދަލުކުރުން ހިމެނެއެވެ.
ރިޓެންޝަން ފައިސާ ހިފަހައްޓާ މުއްދަތުގެ މިންވަރަށް ވަނީ ބަދަލުގެނެސްފައެވެ. އެގޮތުން މިހާރު 6 މަސް ދުވަހަށް ފައިސާ ހިފަހައްޓާނީ 5 ލައްކަ އާއި 5 މިލިޔަނާއި ދޭތެރޭގެ ޕްރޮޖެޓް ތަކުގައެވެ. އަދި އެއް އަހަރު ދުވަހަށް ފައިސާ ހިފަހައްޓާނީ 5 މިލިޔަނަށް ވުރެ ބޮޑެތި އަދަދުތަކުގައި ކަމަށް ވެއެވެ.
އަދި 5 މިލިޔަނަށް ވުރެ ބޮޑެެތި ޕްރޮޖެކްޓްްތަކުގެ ރިޓެންޝަނަށް ހިފަހައްޓާ ފައިސާއާއި އެއްވަރުގެ ސެކިއުރިޓީއެއް ހުށަހެޅުުމުން އެފައިސާ ދޫކުރާގޮތަށް ވެސް ލުއިދީފައި ވެއެވެ.
ލޯކަލް ގަވަމެންޓް އޮތޯރިޓީގެ މަސައްކަތް
ޚިޔާލުތައް