މުހައްމަދު ޝިހާބް ފާއިތުވި ހަފުތާ (25 ސެޕްޓެމްބަރު އަށް) ނިމުނު އިރު ފުވައްމުލައް ސިޓީގައި ކޮވިޑް-19 ގެ ހޯމް ކަރަންޓީނުގައި 46 ގެއެއްގައި މީހުން ތިބިއިރު 58 ގެއަކުން މީހުން ދޫކޮށްލާފައި ވެއެވެ. ފާއިތުވި ހުކުރު ދުވަހު ފުވައްމުލައް ސިޓީ ކައުންސިލުން އާއްމުކުރި، މައުލޫމާތުގައި ވާގޮތުން ހޯމް ކަރަންޓީނަށް އެދުވަހު (ހުކުރު) މީހުން އައިސްފައި ވަނީ ދިގުވާޑު، ހޯދަޑު، މާދަޑު، ފުނާޑު މާލެގަން އަދި ދޫނޑިގަމުން 2 ގެއަކަށެވެ.
މި އަދަދުތަކާއެކު ފާއިތުވި 15 ދުވަހުގެ ތެރޭގައި ޖުމްލަ 46 ގެއެއްގައި މީހުން ހޯމް ކަރަންޓީނުގައި ތިބޭނެކަމަށް ވެއެވެ. އެއީ އެއިގެ ކުރީ 15 ދުވަހާއި ހަމަޔަށް ބލާއިއިރު ހޯމް ކަރަންޓީނުގައި މީހުން ތިބި ގޭގެ ޖުމްލަ 72 އިން 46 އަށް ދަށްވުމެކެވެ. ވުމާއެކު ފާއިތުވި 15 ދުވަހުގައި ހޯމް ކަރަންޓިނުގައި މީހުން ތިބި ގޭގެ އަދަދު މިވަނީ 24ގެ މަދުވެފައެވެ.
ފާއިތުވި ދެ ހަފުތާގައި ހޯމް ކަރަންޓީނަށް މީހުން އައިސްފައި ވަނީ ސެޕްޓެމްބަރު މަހު 11، 14، 18، 20، 21، 24 އަދި 25 ގައި މާލެއިން ހޯމް ކަރަންޓީނަށް 46 ގެއަށެވެ. ނަމަވެސް ނިމުނު ދެހަފުތާގައި ހޯމްކަރަންޓީނުން މީހުން ދޫކޮށްްފައި ވަނީ ސެޕްޓެމްބަރު މަހު 11، 16، 18، 19، 22 އަދި24 ގައި ޖުމްލަ 58 ގެއަކުންނެވެ.
ބައެއް ގޭގޭގައި 1 އަށް ވުރެ ގިނަ މީހުން ހޯމް ކަރަންޓީނުގައި ތިބެއެވެ. ފުވައްމުލައް ސިޓީގައި ހޯމް ކަރަންޓީނު ކޮށްފައި މުޅިއެކު ތިބީ ކިތައް މީހުން ކަމެއް ފުވައްމުލައް ސިޓީ ކައުންސިލުން ހާމައެއް ނުކުރެއެވެ.
ހޯމް ކަރަންޓީނަށް ރަށަށް އަންނަ މީހުން ތިބޭ ގެތަކުގެ ލިސްޓުތައް ސިޓީ ކައުންސިލުން އަންނަނީ އާއްމު ކުރަމުންނެވެ. ހޯމް ކަރަންޓީނުގައި ތިބޭ މީހުން، ކަރަންޓީންގެ 14 ދުވަސް ހަމަކޮށް ޓެސްޓް ސާމްޕަލްނަގައި ނަތީޖާ ލިބުމާއި ދޭތެރޭ 2-3 ދުވަސް ވެއެވެ.
ފުވައްމުލައް ސިޓިަގއި ކޮވިޑަށް ޓެސްޓް ކުރެވޭގޮތަށް ހަމަޖެއްސުމުގެ ގޮތުން ގެންނަން އުޅުނު ޖީންއެކްޕާޓް މެޝިންގެ ބަދަލުގައި ރަށަށް ލިބިފައިވަނީ އޭގެ ހަމައެކަނި ފްރޭމްކަމަށް ބުނެއެވެ. މިކަމުގައި ފުވައްމުލަކު ހޮސްޕިޓަލުން ވަކިއެއްޗެއް ނުބުނެއެވެ. ނަމވެސް ކޮވިޑަސް ފުވައްމުލައ ްސިޓިން ތެސްކުރުމަސ ްބޭނުންވާ މެޝިން ވަރަށް އަވަހަށް ބޯޓަށް ލޯޑްކުރެވޭނެ ވާހަކަ މީގެ ދުވަސްކޮލެއް ކުރިން ފުވައމްުލަކު ހޮސްޕިޓަލުގެ މެނޭޖަރ ހާމަކުރައްވާފައި ވެއެވެ.
ފުވައްމުލަކުގައި ކޮވިޑް-19ގެ ބަލިމީހަކު ނެތެވެ.
މުޅި ރާއްޖެއިން ކޮވިޑް ބަލި ޖެހިފައިވާ ކަމަށް ރެކޯޑް ކުރެވިފައި ވަނީ މިހާތަނަށް 9939 އެވެ. މީގެ ތެރެއިން ބޮޑު ބައެއް ވަނީ ބަލިން ރަނގަޅުވެފައެވެ. އެގޮތުން 8597 މީހުން ބަލިން ރަނގަޅުވެފައިވާ އިރު ބަލީގައި މިހާރު ތިބީ 1293، އަދި މިބަލީގައި ރާއްޖެއިން 34 މީހަކު ވަނީ މަރުވެގެން ގޮސްފައެވެ.
ކޮވިޑް-19 ބަލި އެއްކޮށް ކޮންޓްރޯލް ކުރެވޭކަމަށް ބެލެވެނީ މިބަލީގެ ވެކްސިނެއް އުފެއްދިގެންވެ. ދުނިޔޭގެ ސައިންސްވެރިން އަންނަނީ އެމަސައްކަތް ކުރަމުންނެވެ. ކުރިޔަށް އޮތް އޮކްޓޯބަރު މަސް ނިމޭހިސާބުން ވެކްސިންތައް ބޭނުން ކުރަން ފަށާނެ ކަމަށްބެލެވެއެވެ. މިހާރު ކުރިޔަށް ދަނީ ޓެސްޓުކުރުމުގެ އެންމެ ފަހުމަރުހާލާއެވެ.
ނުނީ ބަލި ފެތުރުން ހުއްޓޭނީ އޭގެ އަމިއްލަ ޒާތުގައި ބަލި ފެތުރުން ހުއްޓުމުންނެވެ. އެގޮތަށް ހުއްޓުމަށް ކިޔަނީ “ހާޑް އިމުނިޓީ”އެވެ. ހާޑް އިމުނިޓި އަށް ދެވެނީ މަލި ފެތުރިފައިވާ މުޖުތަމިއުގެ %70 މީހުން ބަލިން ރަނގަޅުވުމުންނެވެ. އެއީ ބަލިން ރައްކާތެރިވުމުގެ ބައި ހަށިގައިޑުގައި އުފެދިފައި ހުރުމުގެ ސަބަބުން ބަލި އިތުރަށް ޖެހެނެ މީހުން މަދުވަމުން ގޮސް ހުއްޓޭނީއެވެ.
ހިސާބުގެ ގޮތުން އެއަދަދަށް ކިޔަނީ އާރު ނޯޓް އެވެ. އާރު ނޯޓު 1 އަށް ވުރެ ދަށް ކުރެވޭނަމަ ބަލި ފެތުރުން ހުއްޓިގެންދާނެ ކަމަށް ކަމުގެ މާހިރުން ބަލައެވެ.
ލޭތިއްކެއް ބޭނުންކޮށްގެން ހަދާ އެންޓިބޮޑީ ޓެސްޓް ނަތީޖާ ނުކުންނަ ގޮތް.
ރާއްޖޭގައި މިބަލިން ޖެހި ބަލިން ރަނގަޅުވެފައިވާ މީހުންގެ އަދަދު އަންދާޒާ ކުރުމަށް ސާވޭކުރުމުގެ ގޮތުން އެންޓިބޮޑީ ޓެސްޓިން ނުވަތަ ސިރޮލޮޖީ ޓެސްޓް ހެދުމަށް އަންނަނީ ތައްޔާރުވަމުންނެވެ. މިއީ ލޭނަގައިގެން ހަދާ ވަރަށް އާދައިގެ ޓެސްޓެކެވެ. މިމަސައްކަތް ކުރަނީ ދިވެހިރާއްޖޭގެ ގައުމީ ޔުނިވަރސިޓީއާއި ހެލްތު އިމަޖެންސީ އޮޕަރޭޝަން ސެންޓަރު ގުޅިގެންނެވެ.
ޚިޔާލުތައް