މުހައްމަދު ޝިހާބް ފާއިތުވި ހަފުތާ (1-16 އޮކްޓޯބަރު އަށް) ނިމުނު އިރު ފުވައްމުލައް ސިޓީގައި ކޮވިޑް-19 ގެ ހޯމް ކަރަންޓީނުގައި 73 ގެއެއްގައި މީހުން ތިބި ކަމަށް ހިސާބުތައް ދައްކައެވެ. އަދި ފާއިތުވި ދެ ހަފުތާ ތެރޭގައި ކަރަންޓީނުން ދޫކޮށްފައި ވަނީ ކިތައް ގެއިން ކަމެއް ފުވައްމުލައް ސިޓީ ކައުންސިލުން ހާމަކޮށްފައެއް ނުވެއެވެ.
ފާއިތުވި ހަފުތާގެ ބުދަ ދުވަހަކީ އެހަފުތާގައި އެންމެ ގިނަ ގެޔަކަށް ހޯމް ކަރަންޓީނަށް މީހުން ރަށަށް އައި ދުވަހެވެ. އެދުވަހު 13 ގެއަކަށް ހޯމް ކަރަންޓީނަށް މީހުން އައިސްފައި ވެއެވެ. އެއިގެ ކުރި ހަފުތާގެ ހުކުރު ދުވަހު (2 އޮކްޓޯބަރު) ގައި ފުވައްމުލައް ސިޓީ ހުރިހާ އަވަށެއްގެ ގެތަކަށް ވެސް މީހުން އައިއިރު އެންމެ ގިނަ ގޭގައި މީހުން ކަރަންޓީން ވެފައި ވާނީ ހޯދަޑު އަވަށުން ނެވެ. އެ ދުވަހު ހޯމް ކަރަންޓީނަށް 18 ގެއަކަށް މީހުން އައިސްފައި ވެއެވެ. މިހާރު އެމީހުން ކަރަންޓީނުން ދޫކުރުމުގެ ކަންކަން ކުރިޔަށް ދާނެ ކަމަށް ބެލެވެއެވެ.
ނިމުނު ހަފުތާގެ ޖުމްލަ ތަކަށް ބަލާއިރު މުޅިއެކު 44 ގެ އެއް ހޯމް ކަރަންޓީނު ކުރެވިފައިވެއެވެ. ދޫނޑިގަމުން 12 ގެއެއް އަދި ދަޑިމަގުން 10 ގެއެއްގައި އެ ހަފުތާގައި މީހުން ކަރަންޓީނު ކުރެވިފައި ވެއެވެ. އެންމެ މަދުން ކަރަންޓީނުގައި މީހުން ތިބި ގެތަށް ނިސްބަތް ވަނީ މާލެގަމަށާއި މާދަޑަށެވެ. އެ ދެ އަވަށުން 2 ގެ އަދި 3 ގެނ ވަނީ ކަރަންޓީނަށް ލެވިފައެވެ. މީއި ފުވައްމުލަކުގައި އެންމެ މީހުން މަދު ދެ އަވަށް ވެސް މެއެވެ.
16 އޮކްޓޯބަރު 2020 ގައި ހޯމް ކަރަންޓީން ކުރެވިފައިވާ ގެތައް – ފުވައްމުލައް ސިޓީ
ފާއިތުވި 15 ދުވަހުގެ ތެރޭގައި ޖުމްލަ 73 ގެއެއްގައި މީހުން ހޯމް ކަރަންޓީނުގައި ތިބޭނެ ކަމަށް ބެލެވޭއިރު އެއީ ދަޑިމަގު 13، ދިގުވާނޑު 7،
ހޯދަޑު 10، މާދަޑު 6، މިސްކިތްމަގު 6، ފުނާޑު 9، މާލެގަން 6 އަދި ދޫނޑިގަމުން 16 އެވެ.
ބައެއް ގޭގޭގައި 1 އަށް ވުރެ ގިނަ މީހުން ހޯމް ކަރަންޓީނުގައި ތިބެއެވެ. ފުވައްމުލައް ސިޓީގައި ހޯމް ކަރަންޓީނު ކޮށްފައި މުޅިއެކު ތިބީ ކިތައް މީހުން ކަމެއް ފުވައްމުލައް ސިޓީ ކައުންސިލުން ހާމައެއް ނުކުރެއެވެ.
މިހަމފުތާ ނިމުނު ިއރު އިއްޔެ ވަނީ ފުވައްމުލަކުން 2 ވަނަ ކޮވިޑް-19 ޕޮޒިޓިވް ކޭސް އެއް ވެސް ފެނިފައެވެ. އެއީ ހޯމް ކަރަންޓީނުގައި ހުރި އަންހެނެކެވެ. އޭނާގެ ކިބައިން ބަލީގެ އެއްވެސް އަލާމާތެއް ނުފެންނަކަމަށް މައުލޫމާތު ލިބެއެވެ. ފުވައްމުލަކުން މިހާތަނަށް ވަނީ 1000 އަށް ވުރެ ގިނަ ކޮވިޑް-19 ސާމްޕަލް ނަގާފައި ޓެސްޓްކުރުން ފޮނުވާފައެވެ.
ދިވެހިރާއްޖޭގެ ކޮވިޑް-19 އަޕްޑޭޓް، 17 އޮކްޓޯބަރު 2020
މިހަފުތާ ނިމުނު އިރު މުޅި ރާއްޖޭގައި ކޮވިޑް-19 ޖެހިފައިވާ ކަމަށް ރެކޯޑް ކުރެވިފައި ވަނީ 11,154 މީހުންނެވެ. މީގެ ތެރެއިން %64 އަކީ ދިވެހިންނެވެ. އެއިގެ ތެރެއިން 9,995 މީހުން، %90 މީހުން ބަލިން ރަނގަޅުވެ، 36 މީހަކު ބަލީގައި މަރުވެފައި ވެއެވެ. މިހާރު ބަލީގައި 1,117 މީހުން ތިބި އިރު އެއިގެ ތެރެއިން 54 މީހުން ތިބީ ހޮސްޕިޓަލުގައި އެނދުމަތިކޮށްފައެވެ. އަދި ބައްޔާއި ގުޅިގެން 384 އެއްހާ މީހުން އައިސޮލޭޓް ކުރެވިފައިވާ ކަމަށް ވެއެވެ.
ޚިޔާލުތައް