މުހައްމަދު ޝިހާބް ފުވައްމުލައް ސިޓީއިން ކޮވިޑް-19 އަށް ޕޮޒިޓިވް 2 މީހުން ރަނގަޅުވެއްޖެ ކަމަށް ފުވައްމުލަކު ހޮސްޕިޓަލުން ހާމަކޮށްފިއެވެ.
އެގޮތުން ރަނގަޅުވި ކަމަށް އިއްޔެ ހާމަކޮށްފައި ވަނީ ފުވައްމުލައް ސިޓީން 2 ވަނައަށް ކޮވިޑް-19 އަށް ޕޮޒިޓިވްވި އަންހެން މީހާއާއި 3 ވަނަ ޕޮޒިޓިވް ވި މީހާއެވެ. މި ދެމީހުން ވެސް 14 ދުވަހުގެ އައިސޮލޭޝަން މުއްދަތު ހަމަކޮ ބަލީގެ އެއްވެސް ނިޝާނެއް ފެންނަން ނެތުމުން މިހާރު ދޫކޮށްލާފައިވާކަމަށް ފުވައްމުލަކު ހޮސްޕިޓަލުން ހާމަކޮށްފައި ވެއެވެ.
އިއްޔެ ރަނގަޅުވި ދެމީހުން ބައްޔަށް ޕޮޒިޓިވް ވެފައި ވަނީ ފާއިތުވި އޮކްޓޯބަރު މަހު 16 އަދި 19 ވަނަ ދުވަހުއެވެ. އެދެމީހުންކީ ވެސް މާލެއިން އައިސް ހޯމް ކަރަންޓީން ފުރިހަމަކުރި ދެމީހުންނެވެ.
މިހާރު ފުވައްމުލައް ސިޓީގައި ކޮވިޑް-19 އަށް ޕޮޒިޓިވެ ހޯމް އައިސޮލޭޝަނުގައި ހުރީ ބަނގްލާދޭޝް 37 އަހަރުގެ މަސައްކަތު މީހަކު އެކަންޏެވެ. އޭނާގެ ބަލިހާލު ރަނގަޅު ކަމަށާއި އޭނާގެ ކިބައިން ބަލީގެ އެއްވެސް ނިޝާނެއް ނުފެންނެ ކަމަށް ފުވައްމުލަކު ހޮސްޕިޓަލުގެ ހާމަކުރެއެވެ. އޭނާގެ އިތުރު އެއްވެސް ޑިރެކްޓް ކޮންޓެއްޓެއް ނެތްކަމަށް ކޮންޓެކްޓް ޓްރޭސިން އިން ފާހަގަކުރެވިފައި ވެއެވެ.
ހޯމް ކަރަންޓީނު ސާމްޕަލް ނެގުން – ފުވައްމުލައް ހޮސްޕިޓަލް
ހޯމް ކަރަންޓީނުވާ މީހުންނާއި އެހެން އެންމެން ވެސް ރައްކާތެރިކަމުގެ ފިޔަވަޅުތަކަށް ސަމާލުވުމަށް ފުވައްމުލަކު ހޮސްޕިޓަލުން އިރުޝާދު ދެއެވެ. މާސްކު އެޅުމާއެކު ގައިދުރުކަން ބެހައްޓުމާއި އަތްދޮންނަން ޖެހޭނެ ކަމަށް ސިއްހީ މާހިރުން އިރުޝާދު ދެއެވެ.
ދިވެހިރާއްޖެއިަން ކޮވިޑް-19 ޖެހިފައިވާ މީހުންގެ އާބާދީ ބެހިފައިވާ ގޮތް 30 ނޮވެމްބަރު 2020
ކޮވިޑް-19ގައި ރާއްޖެއިން އިއްޔެ ވަނީ 38 ވަނީ މިހަކު ނިޔާވެފައެވެ. އެއީ ދ.އަތޮޅު ރިޒޯޓެއްގައި މަސައްކަތް ކުރަމުން ދިޔަ އުމުރުން 60 އަހަރުގެ ދިވެއްސެކެވެ. ރާއްޖެއިން މިހާތަނަ ކޮވިޑް-19 ގައި ނިޔާވެފައިވާ 38 މީހުންގެ ތެރެއިން 31 މީހުންނަކީ ދިވެހިންނެވެ. އިއްޔެ ނިމުނު އޮކްޓޯބަރު މަހުގެ ނިޔަލަށް ދިވެހިރާއްޖެއިން ވަނީ 11,659 ބައްޔަށް ޕޮޒިޓިވް ވެފައެވެ.
ދިވެހިރާއްޖޭގެ ކޮވިޑް-19 އަޕްޑޭޓް ނަމްބަރުތައް – 31 އޮކްޓޯބަރު 2020ގެ ނިޔަލަށް
ޚިޔާލުތައް