މުހައްމަދު ޝިހާބް ކްރޯނާވައިރަހަށް ވެކްސިން ދިނުން ވާދަވެރި ރޭހެއްގައި ވާތަން ފެންނަން ފެށިތާ ދުވަސްގަނޑެއް ވެއްޖެއެވެ. މިރޭހުގައި ރަޝިއާއިން ފުކެއް ވެސް ފަހަތަކަށް ނުޖެހެއެވެ. އިނގިރޭސި ވިލާތުން ފިޒާ ވެކްސިން ޖެހުމުގެ ހުއްދަ ދިންތާ ގިނަ އިރުތަކެއް ނުވެ ރަޝިއާގެ ރައީސް ލެޑްމިއާ ޕުޓިން ވަނީ ރަޝިއާގައި ފުޅާދާއިރާއެއްގައި ވެކްސިން ޖެހުމުގެ ކަންތައްތައް ކުރިޔަށް ގެންދިއުމުގެ އަމުރު ނެރެފައެވެ. ރައީސް ޕުޓިން ވަނީ ރަޝިއާގެ ގިނަ ބަޔަކަށް ބަލިން ދިފާއުވުމަށް ވެކްސިން ދިނުމަށް އަންގާފައެވެ.
އިނގިރޭސި ވިލާތުގައި އަންނަ ހޯމަ ދުވަހު ފުރަތަމަ ވެކްސިން ދޭން ރަސްމީކޮށް ފަށާނެކަން އިއުލާން ކުރިތާ ގިނަ އިރުތަކެއް ނުވެ ރަޝިއާއިން ވަނީ އެއިގެ ކުރިން، މިއަދު، ހޮނިހިރު ދުވަހު (5 ޑިސެމްބަރު 2020) ވެކްސިން ދޭން ފަށާނެކަން އިއުލާންކޮށްފައެވެ. ރަޝިއާއިން ޖަހަނީ އެގައުމުގެ އުފެއްދުމެއް ކަމަށްވާ ސްޕުޓްކިކް 5 (Sputnik V) ކިޔާ ވެކްސިނެކެވެ.
ފައިތުވި އޮގަސްޓްމަހު ރަޝިއާގެ ރައީސްގެ އަންހެން ދަރިފުޅުގެ ގަޔަށް މިވެކްސިން ޖަހާފައި ވާކަމަށާއި އެހިސާބުން މިވެކްސިން ހެލްތު މިނިސްޓްރީގައި ރަޖިސްޓްރީކުރަން ޕުޓިން ވަނީ އަންގާފައެވެ. އެއާއެކު ދުނިޔޭގައި ކޮވިޑް-19 އަށް އެންމެ ފުރަތަމަ ރަޖިސްޓްރީ ކުރި ވެކްސިން އަކަށް ރަޝިއާގެ ސްޕުޓްނިކް 5 ވެކްސިން އަށް ވެގެން ދިޔައެވެ.
ފާއިތުވި ސެޕްޓެމްބަރު މަހު ރަޝިއާގެ ވެކްސިން ސްޕުޓްނިކް 5 ދޮށީ އުމުރުގެ މީހަކަށް ޖަހަނީ
ރަޝިއާގެ މި ވެކްސިންގެ ނަން ދީފައި މިވަނީ 1957ގައި ރަޝިއާއިން ހެދި ދުނިޔޭގެ އެންމެ ފުރަތަމަ އާރޓިފިޝަލް ސެޓަލައިޓް ގެ ނަމުންނެވެ. ރަޝިއާގެ ވިސްނުން ހުރީ ޖައްވީ ކުޑަ-ރޭހެއްގެ ސިފައިގައިކަމަށް ވެއެވެ.
ފާއިތުވި ނޮވެމްބަރު މަހު އެމެރިކާގެ ކުންފުނި ފިޒާއިން ފަހުމަރުހަލާގެ މެދުތެރޭގެ ނަތީޖާއެއްގެ ގޮތުގައި އެމީހުން ވެކްސިން %90 އިފެކްޓިވް ކަމަށް ބުނިތަނުން ރަޝިއާގެ ސައިންސްވެރިން ބުނެފައި ވަނީ އެމީހުންގެ ސްޕުޓްނިކް 5، %92 ކާމިޔާބު ކަމަށެވެ. އަދި އެއިގެ ފަހުން ފިޒާރ ވެކްސިން %95 ޕަސެންޓް ކާމިޔާބުކަމަށް ބުނުމުން ސްޕުޓްނިކް 5 އިން ބުނެފައި ވަނީ އެމީހުންގެ ވެކްސިން %95 އަށް ވުރެމަތީން ކާމިޔާބު ކަމަށެވެ.
ފާއިތުވި ބުދަ ދުވަހު ރަޝިއާގެ ހެލްތު މިނިސްޓަރު އދ.ގައި ބުނެފައިވަނީ ރަޝިއާގެ ވެކްސިން 1 ލައްކައަށް ވުރެ ގިނަ މީހުންނަށް މިހާރު ދީފައިވާ ކަމަށާއި މިހާރު ބަލަމުން ދަނީ ސްޕުޓްނިކް 5 ވެކްސިން އިންޑިއާ، ސައުތުކޮރެއާ އަދި އެހެން ގައުމުތަކުގައި ވެސް ފުޅާދާއިރާއެއްގައި އުފެއްދުމަށް ކަމަށެވެ.
ރަޝިއާގެ ވެކްސިން ސްޕުޓްނިކް 5، 2 ދޯޒްު ދެކުލައިން.
ރަޝިއާގައި ވެކްސިން ދޭން ފަށަނީ ސިއްހީ ދާއިރާގެ މަސައްކަތްތެރިންނާއި ޓީޗަރުން އިން ކަމަށް ވެއެވެ. ރަޝިއާގައި ފުޅާދާއިރާއެއްގައި ވެކްސިން ދޭނީ ހިލޭކަމަށާއި ނަމަވެސް އެކަމަށް ބޭނުންވެގެން ވޮލަންޓީއާރ ކުރާ މީހުންނަށް އެކަނި ކަމަށެވެ. ރަޝިއާގެ ވެކްސިންގެ 2 މިލިޔަން ޑޯޒު ވަރަށް އަވަހަށް ތައްޔާރުކުރެވި އަދި މިހާރަށްވުރެ ވެސް ފުޅާދާއިރާއެއްގައި ވެކްސިން އުފައްދަމުން ދާނެ ކަމަށް ހާމަކުރެއެވެ. ރައީސް ފުޓިންގެ ތަރުޖަމާނު ހާމަކުރެއްވީ ރަޝިއާއަށް ވެކްސިން އިމްޕޯރޓް ކުރަން ޖެހޭނެކަމަށް ނުބެލެވޭ ކަމަށެވެ.
ޚިޔާލުތައް