މުހައްމަދު ޝިހާބް ފުވައްމުލައް ސިޓީގެ އެކި ސަރަހައްދުތަކުގައި ހަރުކޮށްފައިވާ ބޯޑުތަކުގެ މައުލޫމާތު ދެނެގަތުމަށް ފުވައްމުލައް ސިޓީ ކައުންސިލުން ދެވަނަ އިއުލާނެއް ނެރެފިއެވެ. މިކަމާއި ގުޅޭގޮތުން ސިޓީ ކައުންސިލުން ފުރަތަމަ އިއުލާނެއް ނެރުނީ މި ޑިސެމްބަރު މަހު 3 ގައެވެ.
ސިޓީ ކައުންސިލުން ހާމަކުރައްވާފައިވާ ގޮތުގައި އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނު 7/2009 ގެ ދަށުން ފުވައްމުލަކުގައި އަވަށު ކައުންސިލްތައް ހިންގުމަށް ފަހު ސިޓީ އަކަށް ބަދަލުވުމާއި ގުޅިގެން އަވަށު ކައުންސިލްތަކުގެ ނަމުގައި ހިންގާފައިވާ އެންމެހައި މުއާމަލާތެއްގެ ޒިންމާވަނީ ފުވައްމުލައް ސިޓީ ކައުންސިލްގެ ދަށަށް ބަދަލުވެފައި ކަމަށެވެ. މިއީ ކުރީގެ އެކި އަވަށު ކައުންސިލްތަކުން ނޫނީ ހައުސިން މިނިސްޓްރީގެ ނަމުގައި ބިލްބޯޑު ހަރުކުރުމާއި ގުޅެގޮތުން ހަދާފައިވާ އެއްބަސްވުންތަކުގެ މައުލޫމާތު އެއްކުރުމަށް ފުވައްމުލައް ސިޓީ ކައުންސިލްން ކުރިޔަށްގެންދާ ކަމެކެވެ.
ފުވައްމުލަކު ބަނދަރުގައި ހުރި ބިލް ބޯޑެއް
އެގޮތުން ކުރީގެ އަވަށު ކައުންސިލުން އަދި އެއިގެ ފަހުން ހައުސިން މިނިސްޓްރީގެ ޔުނިޓްތަކެއް ނަމުގައި ފުވައްމުލައް ސިޓީގެ ކަންތައް ބެލެހެއްޓި ދުވަސްވަރު އެފަރާތްތަކާއި އެކު އެއްބަސްވުމެއް ގާއިމުކުރެވި ފުވައްމުލައް ސިޓީގެ އެކި ސަރހައްދުތަކުގައި ހަރުކުރެވިފައިވާ ބިލްބޯޑުތަކުގެ އެއްބަސްވުމުގެ ކޮޕީ ސިޓީ ކައުންސިލަށް ހުށަހެޅުމަށް އެދިފައިވެއެވެ.
އެއްބަސްވުމުގެ ކޮޕީ ހުށަހެޅުމަށް، 10 ޑިސެމްބަރުގެ އިއުލާނުގައި ވެސް ވަނީ މި ޑިސެމްބަރު މަހުގެ 17 ވަނަ ދުވަހުގެ 2:00 ގެ ކުރިން ފުވައްމުލަކު ސިޓީ ކައުންސިލް އިދާރާގެ ލޭންޑް އެންޑް ބިލްޑިން ސެކްޝަނަށެވެ.
ފުވައްމުލަކު ރަސްމީ ބޯޅަ ދަނޑުގައ ހުރި ބިލް ބޯޑެއް
ކަނޑައާޅަފައިވާ މުއްދަތުގެ ތެރޭގައި އެގްރީމެންޓްގެ ކޮޕީ ހުށަނާޅާ ބޯޑުތަކަކީ ފުވައްމުލައް ސިޓީ ކައުންސިލްގެ ބެލުމުގެދަށުގައި ހުރި ބޯޑުތަކެއް ކަމަށް ކަނޑައަޅައި އާއްމުކޮށް އަންގާ ކަމަށް އިއުލާނުގައި ވެއެވެ.
ސިޓީ ކައުންސިލްގެ އިއުލާނުގައި ބުނެފައި އެވަނީ ފުވައްމުލަކު ބަނދަރުގައި އާއި ރަސްމީބޯޅަ ދަނޑު އަދި އެނޫން ވެސް ފުވައްމުލަކުގެ އެކި ސަރަހައްދުތަކުގައި ހަރުކޮށް ފައިވާ ބިލްބޯޑުތައް ކަމަށް ބެލެވެއެވެ.
ޚިޔާލުތައް