މުހައްމަދު ޝިހާބް ޕީޕީއެމް ކޯލިޝަނުން ފުވައްމުލައް ސިޓީގައި ރޭ ބޭއްވި ‘ނަގައި ހާލި’ ޖަލްސާގައި އެޕާޓީގެ ކެންޑިޑޭޓުންގެ ސިޓީ މެނިފެސްޓޯ ހާމަކޮށްފިއެވެ. ރޭގެ ޖަލްސާގައި މާލޭގެ ޕީޕީއެމް އޮފީހުން ވެސް ވީޑިއޯލިންކް މެދުވެރިކޮށް ބައިވެރިވެފައި ވެއެވެ.
ރޭ ފުވައްމުލަކު ރަސްމީ ފުޓުބޯޅަ ދަނޑުގައި ބޭއްވި ޖަލްސާގައި އެޕާޓީގެ ކޯލިޝަނުން ލޯކަލް ކައުންސިލް އިންތިޚާބުގައި ވާދަކުރާ ގިނަ ކެންޑިޑޭޓުން ވާހަކަ ދައްކާފައި ވެއެވެ. އެގޮތުން މޭޔަރު ކަމަށް ކުރިމަތިލާ ކެންޑިޑޭޓް އަހުމަދު ތޯރިގު އޭނާގެ ޓީމުގެ ސިޓީ މެނިފެސްޓޯ ރޭގައި ހާމަކުރިއެވެ.
ރޭގެ ޖަލްސާގައި ވާހަކަ ދެއްކި ބައެއް ކެންޑިޑޭޓުން
ތޯރިގު ހާމަކުރެވިއްވި ގޮތުގައި ސިޓީ މެނިފެސްޓޯގައި އެންމެ އިސްކަމެއް ދެނީ ފުވައްމުލަކުގައި ވަށާޖެހޭ، ހަމަހަމަކަމާއެކު އެންމެނަށް ފުރުސަތު ލިބޭ އިގުތިސާދެއްގެ ބިންގާއެޅުންމަށް ކަމަށެވެ. ދެން ފާހަގަ ކުރީ ފުވައްމުލަކުގެ ކޮންމެ މީހަކީވެސް ވަޒީފާއަށް ބަރޯސާނުވެ ފުވައްމުލަކުން ލިބެން ހުރި ގުދުރަތީ ވަސީލަތްތައް ބޭނުންކޮށްގެން އަމިއްލައިން ޚިދުމަތްދީ ނުވަތަ ތަކެތި އުފައްދައިގެން މަންފާ ހޯދައި، ހަމައިސްކޮޅަށް ތެދުވަފައިވާ މީހަކުކަމުގައި ހާދާނެކަމަށެވެ. ތިންވަނަ ކަމެއްގެ ގޮތުގައި ފާހަގަ ކުރީ ފުވައްމުލަކުގައި އުފައްދާ ތަކެއްޗަށް ހަމަ އަގު ލިބޭނެ ގޮތްތަކެއް ފަހިކުރުމެވެ. އެގޮތުން ފުވައްމުލަކުގައި އުފައްދާ ތަކެތި ގަނެ، މާކެޓްކެޓް ކުރާނެ ގޮތްތަކެއް އެކަށައެޅުމާއި، ފުވައްމުލަކަށް ވަންނަ ފައިސާ ހަމަހަމަޔަށް ރައްޔިތުންގެ މެދުގައި ބެހިގެންދާ ގޮތަށް ހަމަޖައްސާނެ ކަމަށެވެ.
މީގެ އިތުރުން ފުވައްމުލަކުގެ ދަނޑުވެރިންނަށް އެމީހުންގެ މަސައްކަތުގެ އަގު ލިބޭނެ ގޮތް ހަމަޖައްސައިދޭނެ ކަމަށެވެ. އެގޮތުން ފުވައްމުލަކުގެ ކޮންމެ ތަނެއްގައި ކޮންމެ ގޮތަކަށް ކުރާ ދަނޑުވެރިކަމުގެ ނަފާލިބޭނެ ގޮތް ހަމޖައސައިދޭނެ ކަމަށެވެ. އެގޮތުން ކޯޕަރޭޝަނެއް ހަދައިގެން ހައްދާ ހުރިހާ ތަކެތި މާކެޓްކޮށްގެން އެތަކެތި ވިއްކައިގެން ވަގުތުން ފައިސާ ލިބޭނެ ގޮތް ހަމަޖައްސައިދޭނެ ކަމަށެވެ.
ރޭގެ ޖަލްސާގައި ވީޑިއޯލިންކުން މާލެ ޕީޕީއެމް އޮފީހުގައި ވެސް ބައިވެރިން ތިބި
ފުވައްމުލަކުގެ ޓްވަރިޒަމް ކުރިއެރުވުމުގެ ގޮތުން ބުކިން ވެބްސައިޓެއް މެދުވެރިކޮށް ފުވައްމުލަކުގެ ގޭގޭގެ ވަކި ކޮޓަރިތައް ވިއްކާނެ އިންތިޒާމެއް ހަމަޖެއްސުމާއި ފުވައްމުލަކުގެ ގެސްޓް ހައުސްތައް އިޝްތިހާރު ކޮށްދޭނެ ކަމަށެވެ.
މޭޔާރު-ކެންޑިޑޭޓް ތޯރިގު އެޓީމުން އިންތިޚާބަށް ނުކުމެ ތިބީ ފުވައްމުލަކުގެ ޕޮލިޓިކް ލޭންޑްސްކޭޕް ބަދަލުކުރަން ކަމަށެވެ.
ރޭގެ ޖަލްސާގައި ޕީޕީއެމްއިން ކުރިޔަށް އޮތް ލޯކަލް ކައުންސިލް އިންތިޚާބުގައި ފުވައްމުލަކު މެދުއުތުރު ދައިރާއަށް ކުރިމަތިލާފައިވާ އަހުމަދު އަސްލާމުއައި ފުވައްމުލަކު ހުޅަނގުއުތުރު ދައިރާގެ ކެންޑިޑެޓް ކަދީޖާ ނާފިއާ އާއި ފުވައްމްުލަކު އިރުއުތުރު ދާއިރާ ކެންޑިޑޭޓް އަބްދުﷲ އިބްރާހިމް އާއި އިރުއުތުރު ދާއިރާގެ ކެންޑިޑޭޓް މުހައްމަދު ޝުޖާއު ފޯރިއާއި ޖޯޝުގައި ވާހަކަދެއްކިއެވެ.
އަންހެނުންގެ ތަރައްގީއަށް މަސައްކަތް ކުރާ ކޮމެޓީއަށް ވާދަކުރާ ކެންޑިޑޭޓުންގެ ތެރެއިން ރޭގެ ޖަލްސާގައި ވާހަކަ ދެއްކި މަރިޔަމް އަލީ އާއި މަރިޔަމް ދިޔާނާ އާއި ހަނީފާ އިބްރާހިމް އެވެ.
ރޭގެ ޕީޕިއެމް ޖަލްސާ
ޖަލްސާ ހުށަހަޅައިދެމުން ޝަރަފު ހާމަކުރީ ޖަލްސާއަށް އެތައްބަޔަކަށް ނާދެވިފައި ތިބީ ވަޒީފާގެ ބިރަށް ކަމަށެވެ. ނަމަވެސް ޖަލްސާއަށް 800 މީހުން ހާޒިރުވެފައިވާ ކަމަށެވެ. ޝަރަފު މިހެން ބުނިކަމުގައި ވިޔަސް ވަޒީފާއަށް ބިރުން ސިޔާސީ ހަރަކާތްތަކުގައި އުޅެން ހުރަހެއް އޮތްކަން ފުވައްމުލަކުގެ އެއްވެސް މީހަކު ހާމަކޮށްފައިވާކަން އެނގޭކަށް ނެތެވެ. އަދި ރޭގެ ޖަލްސާއަށް ހާޒިރުވި މީހުންގެ އަދަދު ޕީޕީއެމް އާއި ދެކޮޅު މީހުން ޑްރޯން ފޮނުވައިގެން ބަލަމުންދާކަމަށް ޝަރަފް ޖަލްސާގައި ބުންޏެވެ.
ރޭގެ ޖަލްސާއަށް ހާޒިރުވެފައި ވަނީ 250 އެއްހާ މީހުން ކަމަށް ޕީޕީއެމް އާއި އިދިކޮޅު ފަރާތުން ޖަލްސާގެ ފަހުން ބުނެފައިވެއެވެ.
ޕީޕީއެމް ކޯލިޝަނުގެ މޭޔަރ ކެނޑިޑޭޓް ތޯރިގު
ޕީޕީއެމްގެ ފުވައްމުލައް ސިޓީ މެނިފެސްޓޯއަށް ފާޑު ކިޔަމުން އެމްޑީޕީ ސަޕޯޓަރަކު ހާމަކޮށްފައި ވަނީ ރޭގެ ޖަލްސާގައި އެމީހުން އެދެއްކީ އެމްޑީޕީއިން މާކުރިން އިއުލާންކޮށް މިހާރުވެސް ތަންފީޒު ކުރުމަުންދާ ކަންތައްތަކެއްގެ ވާހަކަ ކަމަށެވެ. އެގޮތުން އޭނާ ފާހަގަކުރީ ދަނޑުވެރިކަމުގެ އެގްރޯން ނެޝަނަލް ޚޮޕަރޭޝަނުން ދަނޑުވެރިން އުފައްދާތަކެތި ގަންނަވާހަކައާއި، ގެސްޓްހައުސް އާއި ގޭގެ ވަކި ކޯޓަރި ގެސްޓުންނަށް ވިއްކައިގެން ޑޮލަރު ޖީބަށް ލިބޭނެ ގޮތަށް އެމްޑީޕީން ވަނީ މާކުރިން އެކަންތައްތައް ތަންފީޒުކުރަން ފަށާފައިވާ ކަމަށެވެ.
އެލްސީއީ 2020 ޕީޕީއެމް ކެންޑިޑޭޓުންމި އަހަރު އޭޕްރީލް މަހު ބޭއްވުމަށް ތާވަލް ކުރެވުނު ލޯކަލް ކައުންސިލް އަދި އަންހެނުންގެ ތަރައްގީއަށް މަސައްކަތް ކުރާ ކޮމެޓީތަކުގެ އިންތިޚާބު މިވަނީ ކޮވިޑް-19 ގެ ބަލިމަޑުކަމާއި ހެދި އަންނަ އަހަރު މާރިޗު މަހު ކުރީކޮޅު ބައްވަން ނަިންމާފައެވެ. ފުވައްމުލައް ސިޓީއަކީ ޕީޕީއެމްގެ ސަޕޯޓަރުން ގިނަ ރަށެކެވެ. އެގޮތުން ކުރިޔަށް އޮތް އިންތިޚާބުގައި ވެސް ފުވައްމުލަކުގެ ބައެއް ދާއިރާތަކުގެ މެޖޯރިޓީ ހޯދާނެކަމަށް ބެލެވެއެވެ.
ފުވައްމުލަކުގެ 6 ދާއިރާއަށް ވެސް ޕީޕީއެމް ކެންޑިޑޭޓުން ވާދަކުރެއެވެ.
ޚިޔާލުތައް
ބަލަގަ މަ ވައްކަންކުރީ ޖަލުގަ ލޮކުޑައުން ވާކައްނޫން އެކަމަކު ކިއެއްދޯ!!!!