އައިމިނަތު އަބްދުﷲ ފުވައްމުލަކު ހޮސްޕިޓަލުގެ ލެބޯޓްރީގައި 27 ޖަނަވަރީ 2021 ވަނަ ދުވަހުގެރޭ، ފުރަތަމަ ފަހަރަށް ކޮވިޑް-19 އަށް ޓެސްޓް ހަދައިފިއެވެ. ފުވައްމުލަކު ހޮސްޕިޓަލުން ރޭ ހެދި ހުރިހާ ސާންޕަލްތަކެއް ވަފީ ނެގެޓިވް ވެފައެވެ.
ފުވައްމުލަކު ހޮސްޕިޓަލުގައި ކޮވިޑް-19 އަށް ޓެސްޓުހެދުމަށް ބޭނުންކުރަމުން ދަނީ ޖީންއެކުސްޕާޓް މެޝިނެކެވެ. މިމެޝިނުން ޓެސްޓް ކުރެވެނީ ފަހަރަކު 4 ސާންޕަލް ކަމަށާއި، މި ސާންޕަލް ތަކުގެ ނަތީއްޖާ ލިބުމަށް 2 ގަޑި އިރު ހޭދަވާ ކަމަށް ފުވައްމުލަކު ހޮސްޕިޓަލުން ބުނެއެވެ.
މިވަގުތު ފުވައްމުލަކު ހޮސްޕިޓަލުން ކޮވިޑު-19އަށް ޓެސްޓް ހަދަމުން ދާނީ ހަމައެކަނި ބަލީގެ އަލާމާތްތައް ފެނުމުން ޑޮކުޓަރުންގެ ރެކޮމެންޑޭޝަނަށް ސާމްޕަލް އަވަހަށް ނަގައި ޓެސްޓް ހެދުމަށް އެދޭ ފަރާތްތަކުގެ ސާމްޕަލް ކަމަށް ވެސް ހޮސްޕިޓަލުން މައުލޫމާތު ދެއްވައެވެ.
ފުވައްމުލަކް ހޮސްޕިޓަލުން ބުނެފައިވާގޮތުގައި ރަށުގައި ހޯމްކަރަންޓީނުގެ 10 ދުވަހުގެ ނިންމުމަށްފަހު ނެގޭ ސާމްޕަލްތައް ކޮވިޑް-19 އަށް ޓެސްޓް ކުރަމުންދާނީ ކުރިން ވެސް ހަމަޖެހިފައިވާ އުސޫލުން މާލެ ނުވަތަ އައްޑޫ ސިޓީއަށް ފޮނުވައިގެންނެވެ.
ޚިޔާލުތައް