މުހައްމަދު ޝިހާބް ފުވައްމުލަކު ހޮސްޕިޓަލުގެ ލެބޯޓްރީގައި ކޮވިޑް-19އަށް ޓެސްޓް ހަދަން ފަށައިފިކަމަށް އެ ހޮސްޕޓަލުން ހާމަކުރީ އިއްޔެއެވެ. އަދި ިއޔެ ހެދު ފުރަތަމަ ބެޗުގެ ސާމްޕަލަތައް ނައްސިވެފައިވާ ކަމަށެވެ.
ފުވައްމުލަކު ހޮސްޕިޓަލުން ކޯވިޑް-19 އަށް ހަދަނީ ޕީސީއާރު ޓެސްޓް ކަމަށް މައުލޫމަތު ލިބެއެވެ. އަދި މިކަމަށް ބޭނުންކުރަނީ ޖީންއެކްސްޕާރޓް މެޝިނެކެވެ. މި މެޝިނުގައި ފަހަރަކު ޓެސްޓް ކުރިޔަށް ގެންދެވެނީ 4 ސާމްޕލެވެ. އަދި ކޮންމެ ބުރެއްގެ ނަތީއްޖާ ލިބުމަށް 2 ގަޑި އިރު ހޭދަވާކަމަށް ފުވައްމުލަކު ހޮސްޕިޓަލުން ހާމަކޮށްފައި ވެއެވެ.
ފުވައްމުލަކު ހޮސްޕިޓަލުގައި ކޮވިޑް-19 ޓެސްޓް ހަދަން ފެށިކަމުގައި ވިޔަސް ހޯމް ކަރަންޓީނު ކުރާ މީހުންގެ ކޮވިޑް-19 ޓެސްޓްތައް އަދިވެސް ހަދަނުން އަންނަނީ މާލެއަށް ފޮނުވައިގެންނާއި އައްޑޫ ސިޓީ އަށް ފޮނުވައިގެން ކަމަށް ހޮސްޕިޓަލުން ހާމަކުރެއެވެ.
މިހާރު ފުވައްމުލަކު ހޮސްޕިޓަލުގައި ހަދަމުން އަންނަނީ ހަމައެކަނި ކޮވިޑް-19 ބަލީގެ އަލާމާތްތައް ފެނުމާއެކު ޑޮކުޓަރުންގެ ލަފާގެ މަތިން ސާމްޕަލް އަވަހަށްނަގައި ޓެސްޓްކުރަން ޖެހޭ ފަރާތްތައް ކަމަށް ވެސް ހޮސްޕިޓަލުން ހާމަކޮށްފައި ވެއެވެ.
ނަމަވެސް ފުވައްމުލަކަށް ހޯމް ކަރަންޓީނަށް ރަށަށް އަންނަ މީހުންގެ ސުވާލަކި ފުވައްމުލަކުގައި ކޮވިޑް-19ގެ ޓެސްޓް ހެދޭގޮތަށް މެޝިނެއް ބެހެއްޓުމުގެ ބޭނުމެއް އެމީހުންނަށް ނުފެންނަ ކަމަށެވެ. ރާއްޖޭގެ 3 ވަނއަށް އެންމެ ބޮޑު އާބާދީއެއް ދިރިއުޅޭ ފުވައްމުލަކުން ހިމް ކަރަންޓީނު ވާމީހުންގެ ޓެސްޓްތައް ނެހެދޭވަރުގެ މެޝިނެއް ބެހެއްޓުމުގެ މާކަބޮޑު ބޭނުމެއް ނެތްކަމަށެވެ.
އެމީހުންގެ ކަރަންތިނުގެ މުއްދަތު 10 ދުވަހަށް އޮތް ކަމުގައި ވިޔަސް އަދިވެސް 13-ދުވަހާއި 14 ވަރަކަށް ދުވަސް ކަރަންޓީނަށް ހޭދަވާން ޖެހޭތީ ކަންބޮޑުވުން ފާޅުކުރެއެވެ. ރަށުން ޓެސްނެހެދި އައްޑޫއަށް ނުވަތަ މާލެ ފޮނުމުން އިތުރު 3-4 ދުވަސް ލިބޭ ކުޑަ ޗުއްޓީ ކޮޅުން ގެއްލި ގެން ދާކަމަށެވެ.
ގިނަ ދުވަހު ހޯމް ކަރަންޓީނުން ދޫކޮށްލަން ތިބޭނީ 8 ވަރަކަށް މީހުން ކަމަށާއި ބައެއް ދުވަހު އެކަކުވެސް ނުހުންނަ އިރު 4 ސާމްޕަލް ޓެސްތް ކުރެވޭ މެޝިނަކުން ވެސް މެނޭޖު ކުރެވިދާނެ ކަމަށް މިކަލް ނޫހާއި ވާހަކަ ދެއްކި މީހަކު ބުންނެވެ. އެއީ ދުވަލަކު، 2 ނޫނީ 3 ބެޗު ވެސް ޓެސްޓްކުރުމަކީ ނުވާނެ ކަމެއްކަމުގައި ނުދެކޭކަމަށް އޭނާ ބުންޏެވެ.
އޭނާ އިތުރަށް ބުނީ މި ޖެނުއަރީ މަހު 16ގައި ހޯމް ކަރަންޓީނަށް އައީ ޖުމްލަ 6 މީހުން ކަމަށެވެ. 18 އަދި 19ގައި އައީ 7 މީހުނާއި 5 މީހުން ކަމަށެވެ. މަދު ދުވަހެއްގައި 15 ވަރަކަށް މީހުން އަޔަސް ގިނައިން އަންނަނީ 5-7 އާއި ދެމެދުގެ އަދަދަކަށް ކަމަށް އޭނާގެ ހިތުލަފަޔަކަށް ބުންޏެވެ. ވުމަެކު ރަށުން އެމީހުންެގ ޓެސްޓްތައް ހެދެން ޖެހެނެ ކަމަށް ގަބޫލުކުރާކަމަށް އޭނާ ދެކެއެވެ.
ފުވައްމުލަކު ހޮސްޕިޓަލުގައި ކޯވިޑް-19 އަށް ޕީސީއާރު ޓެސްޓް ހަދަން ފަށައިފި. ފޮޓޯ: ފުވައްމުލަކު ހޮސްޕިޓަލް
ފުވައްމުލައް ސިޓީއަށް ކޮވިޑް-19 އަށް ޓެސްޓް ކުރާ މެޝިނެއް ނުލިބުމުގެ ޝަކުވާ ބޮޑުވެފައިވަނިކޮށް މެޝިނެއް ލިބޭނެ ކަމުގެ އުފާވެރި ޚަބަރު ލިބުނެވެ. ނަމަވެސް މެޝިން ރަށަށ ްލިބުނު ިއރު ލިބިފައިވަނީ މެޝިނުގެ ބައެއް ކަމަށް ވެ މެޝިނުގެ ބޭނުން ނުކުރެވި ގިނަ ދުވަސްތަކެއް ވެގެން ދިޔައެވެ. އަދި އެއިގެ ފަހުން މެޝިނުގެ އެބައިލިބި ރަސްމީފަރާތްތަކުގެ ހުއްދަ ނުލިބިވެސް ފުވައްމުލަކު ހޮސްޕިޓަލުގެ ލެބޯޓަރީގައި ކޮވިޑް-19އަށް ޓެސްޓް ނެހެދި ގިނަ ދުވަސްތަކެއް ވެގެން ދިޔައެވެ.
އެންމެފަހުން މެޝިނުން ޓެސްޓު ހަދަ ފެށި ޚަބާރާއެކުވެސް ފުވައްމުލަކަށް ހޯމް ކަރަންޓީނަށް އަންނަ މީހުންނަށް މިކަމުން ހިތްހަމަޖެހުމެއް ލިބޭގޮތް ނުވުމުގެ ކަންބޮޑުވުން މިކަލް ނޫހާއި ވާހަކަ ދެއްކި ހޯމް ކަރަންޓީންގައި ހުރި މީހަކު ބުންޏެވެ. އޭނާ ސުވާލު އުފައްދަނީ ފުވައްމުލަކުން ދުވާލެއްގެ މައްޗަށް ކޮވިޑް-19ގެ ނިޝާން ހުރެގެން ޑޮކްޓަރު ރެކޮމެންޑޭޝަނަށް ޓެސްޓް ހަދަން ޖެހޭ ކިތައް މީހުން ތިބޭނެ ބާވައެވެ؟ ހޯމް ކަރަންޓީނު މީހުންގެ ޓެސްތްތައް ރަށުން ނެހެދުމުގައި ކޮންމެވެސް އެހެން ކަމެއް ފޮރުވިފައި އޮވެދާނެ ކަމަށް އޭނާ ގަބޫލުރެއެވެ.
މިއަހަރު މިހާތަނަށް ފުވައްމުލައް ސިޓީގައި ހޯމަ ކަރަންޓީނު ކުރެވިފައިވާ ގެތަކުގެ އަދަދަކީ 239 އެވެ. މިއަދަދު މި ޖެނުއަރީ މަހުގެ 27 ދުވަހަށް ބަހާލުމުން ޖެހެނީ ދުވާލަކަށް 9 ވަރަކަށް ގެއެވެ. މާނައަކީ ދުވަލަކު ހޯމް ކަރަންޓީން ނިންމާ މީހުންގެ އެވްރެޖަކީ 9 މީހުން ކަމުގައި ބެލިދާނެއެވެ. ނަމަވެސް ބައެއް ގެތަކުގައި އެކަކަށްވުރެ ގިނަ މީހުން ހޯމް ކަރަންޓީނު ކުރެވިފައި ވުމުން މިއަދަދު، ދުވާލަކު 12 މީހުންނަށް ވެސް ޖެހިދާނެ ކަމަށް ބެލެވެއެވެ. ވުމާއެކު އެއީ ފުވައްމުލަކު ހޮސްޕިޓަލުގެ ޖީންއެކްސްޕާޓް މެޝިން 3 ފަހަރު ރަންކޮށްގެން ނަތީޖާތައް 6 ގަޑި ނުވަތަ 7 ގަޑިއިރުގެ ތެރޭގައި ލިބޭނެ އަދަދެއް ކަމަށް ބެލެވެއެވެ.
އެގޮތުން ބަލާއިރު ފުވައްމުލަކު ހޮސްޕިޓަލުގައި ޓެސްޓްހަދަން ފެށި ޖީންއެކްސްޕާޓް މެޝިނުން ހޯމް ކަރަންޓީނު މީހުންގެ ޓެސްޓްތައް ހަދަން ބޭނުން ނުކުރާވީ ކޮންސަބަބަކާއި ތޯ ސުވާލު އުފެއްދި ފާރާތްތަކުގެ ވާހަކައަށް ބާރު ލިބެއެވެ.
ޚިޔާލުތައް