މުހައްމަދު ޝިހާބް އައްޑޫ ސިޓީގައި ކޮވިޑް-19 ފެތުރޭތީ ފުރަބަންދަކަށް ގެނައުމުން އައްޑޫ ސިޓިގައި ތާށިވެ ރަށަށް ނާދެވިފައިވާ މީހުން ރަށަށް ގެނައުމުގެ މަސައްކަތް ފުވައްމުލައ ސިޓީ ކައުންސިލުނުން ކުރިޔަށް އެބަގެންދެއެވެ.
އެގޮތުން ރަށަށް ނާދެވިފައިވާ މީހުން ރަޖިސްޓްރީވުމަށް މިއަދު ފުވައްމުލައް ސިޓީ ކައުންސިލުން ވަނީ ވަނީ ހުޅުވާލާފައެވެ.
ފުވައްމުލައް ސިޓީ ކައުންސިލުން ނެރެފައިވާ އިއުލާނުގައި ވާގޮތުން ޒަރޫރީ އެކިބޭނުންތަކުގައި އައްޑޫ ސިޓީއަށް ގޮސްފައި އަނބުރާ ރަށަށް އަންނަން ބޭނުންވާ ފަރާތްތަކުން އިއުލާނާއެކުވާ ގޫގުލް ފޯމް މެދުވެރިކޮށް ރަޖީސްޓްރީ ކުރުމަށް އެދިފައިވެއެވެ.
ފުރަބަންދުގައި ރަށަށް އައުމަށް ރަޖިސްޓްރީވާ ފޯމް
މިދުވަސްވަރު އައްޑޫ ސިޓީއިން ކޮވިޑް-19ގެ ކޭސްތަކެއް ފެންނަމުން ދިއުމާއި ގުޅިގެން ވޭތުވެދިޔަ 14 ދުވަހުގެ ތެރޭގައި އައްޑޫ ސިޓިއިން ފުވައްމުލަކަށް ދަތުރުކޮށްފައިވާ ފަރާތްތަކުން ރައްކާތެރިވުމުގެ ގޮތުން ގޭގައި އެކަހެރިވުން (ހޯމް އައިސޮލޭޝަނަށް ދިޔުމަށް) އެދިފައި ވއެވެ. އަދި ކޮވިޑް19ގެ އެއްވެސް އަލާމަތެއް ފެނިއްޖެނަމަ ފުލޫ ކުލިނިކަށް ދެއްކެވުމަށެވެ.
އކޮވިޑް-19 ފެތުރޭތކަމަށް ބެލެވޭތީ އައްޑޫސިޓީ އާއި ގދ. ތިނަދޫ ވަނީ މޮނިޓަރިން އަށް ލައި އަރާފޭބުން މަނާކޮށްފައެވެ. ވުމާއެކު ފުވައްމުލަކާއި އައޑު ސިޓިއާއި ދެމެދުގެ ބާއްވާ ފެރީ ދަތުރު ތައް ވަނީ މެދުކަނޑާލާފައެވެ. ފުރަބަންދުގެ ދުވަސްވަރުގައި ދަތުރުކުރެވެނީ ޒަރުރީބޭނުމެއްގައި އެޗްޕީއޭގެ ޚާއްސަ ހުއްދައިގެ ދަށުންނެވެ.
ޚިޔާލުތައް