ސާއިމް މޫސާ މި ފެބްރުއަރީ 7 ވަނަ ދުވަހު ފުވައްމުލަކުން ނެގި، ރެންޑަމް ސާމްޕަލްގެ ތެރެއިން 2 މީހަކު ކޮވިޑް-19 ރޯގާއަށް ފައްސިވެފައިވާތީ، ކޮންޓެކްޓް ޓްރޭސިންގ ހަދާ ނިމެންދެން ފުވައްމުލައް ހޮސްޕިޓަލްގެ އޯޕީޑީގެ ހިދުމަތްތަށް މެދުކަނޑާލައިފިއެވެ.
ފުވައްމުލައް ހޮސްޕިޓަލުން މައުލޫމާތު ދެއްވާ ގޮތުގައި،މާދަމާ 10 ފެބްރުއަރީ 2021 އިން ފެށިގެން އެ ހޮސްޕިޓަލުގެ ސްޕެޝަލިސް ޑޮކްޓަރުންގެ އޯޕީޑީ ނޯންނާނެއެވެ.
އެހެން ނަމަވެސް އިމަޖެންސީ ޚިދުމަތްތައް މެދުނުކެނޑި 24 ގަޑިއިރު ލިބިގެންދާނެ ކަމަށް އެ ހޮސްޕިޓަލުން ހާމަކުރައްވައެވެ.
އަދި ރައްކާތެރިވުމުގެ ގޮތުން މަޖުބޫރީ ހާލަތެއްގައި މެނުވީ ހޮސްޕިޓަލަށް ޒިޔާރަތް ނުކުރެއްވުމަށާއި އެންމެންގެ ރައްކާތެރިކަމަށްޓަކައި އެ ހޮސްޕިޓަލުން އަޅަމުންދާ ފިޔަވަޅުތަކަށް ފުވައްމުލައް ސިޓީގެ ރައްޔިތުންގެ އެހީތެރިކަމާއި އެއްބާރުލެއްވުން އަދި ކެތްތެރިކަން ނިހާޔަތަށް ބޭނުންވާ ކަމުގައި ހޮސްޕިޓަލުން ހާމަކުރައްވައެވެ.
ފުވައްމުލައް މިހާރު ވަނީ ކޮންޓެކްޓް ޓްރޭސިންގެ މަސައްކަތް ނިމެންދެން މޮނީޓަރިންގެ ހާލަތުގައިއެވެ.މިހާލަތުގައި ފުވައްމުލަކުން އަރާ ފޭބުން މަނާވާނެއެވެ.
+1
+1
ޚިޔާލުތައް