މުހައްމަދު ޝިހާބް ފުވައްމުލައް ސިޓީގައި މި ފެބްރުއަރީ މަހު 13 ވަނަ ދުވަހު އެޅި ކާފިއުގެ ފިޔަވަޅުތައް 3 ވަނަ ފަހަރާ އިތުރު 7 ދުވަސް އިތުރު ކުރުމަށް އެޗްޕީއޭއިން މިރޭ ނިންމައިފިއެވެ.
އެޗްޕީއޭގެ މިއެންގުމުގައިވާ ކަންތައްތަކަށް އަމަލުކުރަން ފަށާނީ މިރޭ 12:00 އިން ފެށިގެން އެއް ހަފުތާގެ މުއްދަތަށް، 5 މާރިޗު މަހު 5 ވާ ހުކުރު ދުވަހުގެ ނިޔަލަށެވެ.
މި ފިޔަވަޅުތައް އިތުރަށް ދެމެހެއްޓުމަށް އެޗްޕީއޭގެ ނިންމުން އައިކަމަށް ފުވައްމުލަކުގެ ގިނަބަޔަކު ގަބޫލުކުރަނީ ފުވައްމުލަކުން ނެގި ރޭންޑަމް ސާމްޕަލްތަކުގެ ބޮޑު ބައެއްގެ ނަތީޖާ ނުލިބި ލަސްވުމެވެ. މިހާރުވެސް 444 ސާމްޕަލްގެ ނަތީޖާ ނުލިބި އެބަ ހުއްޓެވެ.
އެހެނީ ފުވައްމުލައް ސިޓީގައި ޓެސްޓް ކޮވިޑް-19 އަށް ޓެސްޓް ކުރުމަށް އެކަށީގެންވާ މެޝިނެއް ނެތުމުން ޓެސްޓް ކުރުމަށް ސާމްޕަލްތައް ޖެހެނީ މާލެ ފޮނުވާށެވެ.
ކާފިއުގެ އުސޫލު މާރިޗު 5 އާއި ހަމަޔަށް ދަމަހައްޓައިފި.
ޖެހިގެން ކައިރީގައި އޮތް އައްޑޫސިޓީގެ ރޭންޑަމް ސާމްޕަލްތައް ނެގިތާ ދެވަނައަށްވީ ދުވަހު މޮނިޓަރިން އާއި ގުޅިގެން އެޅި ފިޔަވަޅުތައް ވަނީ ކޮމިއުނިޓީއިން ޕޮޒިޓިވް ކޭސް ނުފެންނަ ގުޅިފައިވާ ރަށްތަކުން ނަގާފައެވެ.
އެޗްޕީއޭގެ މިފިޔަވަޅުތަކުގެ ސަބަބުން އިޖުތިމާއީ ގޮތުންނާއި އިގުތިސާދީ ގޮތުން ފުވައްމުލައް ސިޓީއަށް ބޮޑެތި ގެއްލުންތަކެއް ވެގެން ދާނެއެވެ. ވިޔަފާރިތައް ހުއްޓި ހޮޓާތައް ބަންދުކުރެވޭ މުއްދަތު މަހެއްހާ ދުވަހަށް އިތުރު ވުުމުން ގިނަބައެއްގެ ވަޒީފާ ގެއްލި އާމްދަނީއަށް އަސަރުކުރާނެއެވެ. އަދި ވިޔަފާރިތަކަށް ވެސް ބޮޑެތި ގެއްލުންތަކާއި ކުރިމަތިވެ ކުލި ދެއްކުމާއި ލޯނުތައް ދެއްކުމަށް ބޮޑެތި ދަތިތަކާއި ކުރިމަތިލާން ޖެހޭނެއެވެ.
މިރޭ ބޭއްވި ޕްރެސްގައި މިކލް ނޫހުން ކުރި ސުވާލަކަށް ޖަވާބު ދެއްވަމުން ފުވައްމުލައް ސިޓީގެ މޭޔަރު ވިދާޅުވީ ސިޓީ ކައުންސިލުން އެޗްޕީއޭގައި އެދިފައި ވާނީ ވީހާވެސް ބޮޑަށް ލުއިތަކެއް ދިނުމަށް ކަމަށެވެ. ނަމަވެސް އެޗްޕީއޭގެ ނިންމުން އައިއިރު އިތުރު އެއްވެސް ލުޔެއް ދީފައެއް ނެތެވެ.
އަމަލުކުރަން އޮތީ ހާލަތު އެންމެ ގޯސްކޮށް، ކޮމިއުނިޓީ ސްޕްރެޑް އޮތް އިރު ވެސް އަމަލުކުރި ހަރުކަށި އުސޭލެވެ. ފުވައްމުލައް ސިޓީގެ ގިނަ ބަޔަކު އެދެނީ ތިން 7 ދުވަސް ވުމުގެ ކުރިން ވެސް އިތުރު ލުއިތަކެއް ލިބުމަށެވެ.
ފުވައްމުލަކުގެ ގިނަ ބަޔަކު އެދިގެން ތިބީ މޮނިޓަރިން ޙާލަތުގައި ރަށް އޮތަސް ކާފިއުގެ ފިޔަވަޅުތަކަށް ލުއި ލިބުމަށެވެ. އެޗްޕީއޭގެ ކޮވިޑް-19 ގެ އުސޫލުތަކާއެކު މަސައްކަތުގެ މާހައުލު ހުޅުވިގެން ދިއުމަށެވެ.
އެޗްޕީއޭގެ އެ އެންގުމުގައިވާ ފިޔަވަޅުތައް:
- ޕާޓީތަކާއި، ހަފުލާތަކާއި، ރަސްމިއްޔާތުތައް ބޭއްވުން ހުއްޓައިލުން. (ސިޓީ ކައުންސިލްގެ އެނގުން: އޮންލައިންކޮށް ކުރިޔަށްގެންދިއުން)
- ރޭގަނޑު 8:00 އިން ފަތިހު 4:00 އަށް އެއްގަމު އުޅަނދުފަހަރު ދުއްވުމާއި މަގުމައްޗަށާއި އާއްމު ތަންތަނަށް މީހުން ނުކުތުން މަނކުރުން.
- ފުވައްމުލައް ސިޓީގެ އެއް އަވަށުން އަނެއް އަވަށަށް ދިއުމާއި އެއްގެއިން އަނެއް ގެއަށް ޒިޔާރަތްކުރުން ހުއްޓާލުމަށް އެންގުން. ނަމަވެސް ޒަރުރީ ބޭނުންތަކާއި ސިއްހީ ފަރުވާ ހޯދަން ދާދިއުން މީގައި ނުހިމެނެއެވެ.
- އެއްފާހަރާ 3 މީހުންނަށް ވުރެ ގިނަ މީހުން މަގުމައްޗަށައި އާއްމު ތަންތަނަށް އެއްވެ އުޅުމަށް ހުއްޓައިލުމަށް އެންގުން.
- ސެލޫން، ބޯކޮށާތަންތަން ބަންދުކުރުން. (ސިޓީ ކައުންސިލްގެ އެންގުމުގައި (މިބަޔަށް ޖިމް އިތުރުކުރެވިފައިވޭ)
- ކުޅިވަރުގެ ހުރިހާ ހަރަކާތަކާއި ކަސްރަތުގެ ހަރަކާތްތައް ހިންގުން ހުއްޓައިލުން.
- ޕަބްލިކް ޓްރާންސްޕޯޓްގެ ޚިދުމަތް ދޭ ފަރާތްތަކުންނާއި ޓެކްސީގެ ޚިދުމަތްދޭ ފަރާތްތަކުން އެޗްޕީއޭގެ ގައިޑްލައިނާއި އެއްގޮތަށް ޚިދުމަތްދިނުން.
- ފިހާރަތަކާއި ބޭންކްތައް ފަދަ އާއްމު ޚިދުމަތްދޭ ތަންތަނުގައި ޚިދުމަތް ދޭއިރު އެޗްޕީއޭގެ ގައިޑްލައިނާއި އެއްގޮތަށް، ގައިދުރުކަން ބެހެއްޓުމާއި ތަނަށް ވަދެވޭ އަދަދު ކަނޑައެޅުމާއި ރައްކާތެރިކަމުގެ އެހެެނިހެން ފިޔަަޅުތައް އަޅައިގެން ޚިދުމަތްދިނުން.
- ޔުނިވަރސިޓީތަކާއި، ކޮލެޖް، ސްކޫލްތަކަށް، ދަރިވަރުން ހާޒިރުވެގެން ކްލާސްތައް ކުރިޔަށްގެންދިއުން ހުއްޓައިލުން. (ސިޓީ ކައުންސިލްގެ އެންގުން: ސްކޫލް، ކޮލެޖު، ޓިއުޝަން ސެންޓަރުތައް، ގުރުއާން ކްލާސް އަދި އެނޫން ވެސް ކިޔަވައިދޭ އެންމެހާ ކްލާސްތައް ބަންދުކޮށް އޮންލައިންކޮށް ކިޔަވައިދިނުން.
- ހޮޓާތަކާއި ކެފޭ، ރެެސްޓޯރަންޓްތަކުން ދެމުންގެންދާ ޚިދުމަތްތައް ހުއްޓައިލުން. މީގެ ތެރެގައި ޑެލިވަރީގެ ޚިދުމަތްތައް ދިނުން ނުހިމެނެއެވެ. (ސިޓީ ކައުންސިލްގެ އެންގުން: ސައިހޮޓާ ފަދަ ތަންތަނަށް ޓޭކްއަވޭ ނުވަތަ ޑެލިވަރީ ނޫން ގޮތަކަށް ޚިދުމަތް ނުދިނުން).
ޒަރޫރީ ބޭނުމެއްގައި ގެއިން ބޭރުގައި އުޅުއްވާއިރު މާސްކް އެޅުމަށާއި ގައިދުރުކަން ބަހައްޓަން ޖެހެއެވެ.
ޚިޔާލުތައް