މުހައްމަދު ޝިހާބް ފުވައްމުލައް ސިޓީ ކަރަންޓީނުން މިއަދުވެސް އެކަކު ޕޮޒިޓިވްވެފައިވާ ކަމަށް މިރޭގެ މީޑިއާބްރިފިންގައި ފުވައްމުލައް އީއޯސީއިން ހާމަކުރެއްވިއެވެ. ފުވައްމުލައް ސިޓީގެ ކޮމިއުނިޓީއިން ޕޮޒިޓިވް ކޭސް އެއް ނުފެންނަތާ މިއަދަށް 7 ދުވަސް ވީއެވެ.
ނަމަވެސް އެޗްޕީއޭގެ މޮނިޓަރިން އާއި ގުޅިގެން އަޅާފައިވާ ފިޔަވަޅުތައް (ކާފިއު) އަދިވެސް ދަނީ ކުރިޔަށެވެ. މިއަދު ޕޮޒިޓިވް ވި ފަރާތުގެ ތަފުސީލެއް ހާމަކޮށްފައެއް ނުވެއެވެ.
މިރޭ ކުރިއަށްދިޔަ ފުވައްމުލައް ސިޓީ އީއޯސީގެ 18 ވަނަ މީޑިއާ ބްރީފިންގައި ފުވައްމުލަކު ހޮސްޕިޓަލުގެ ފަރާތުން ކްލިނިކަލް ދާއިރާގެ އިސްފަރާތް ކަމަށްވާ ޑރ. އަލްމާސް އާއި ސިނިއަރ ޕަކްލިކް ހެލްތު އޮފިސަރ އާމިނަތު އަހުމަދު އާއި ފުވައްމުލައް ސިޓީ ކައުންސިލުގެ ފަރާތުން މޭޔަރު ފަލާޙު ޝަރީފު އަދި ޑިރެކްޓަރ ޖެނެރަލް އަހުމަދު ނިޖާހު ޕްރެސްގައި ބައިވެރިވިއެވެ.
މިރޭ ބޭއްވި ފުވައްމުލައް ސިޓީ އީއޯސީ އިން ބޭއްވި 18 ވަނަ ޕްރެސް
މިއަދު ޕޮޒިޓިވްވެފައިވާ މީހާއާއެކު މިހާރު ފުވައްމުލައް ސިޓީއިން ބައްޔަށް ޕޮޒިޓިވް ވެފައިވާ ޖުމްލަ އަކީ 47 އެވެ. މިއަދު އިތުރު ދެމީހަކު ބަލިން ރަނގަޅުވެފައި ވެއެވެ. އެއިގެތެރެއިން އެކަކީ އައްޑޫ ސިޓީއަށް ޓްރްންސްފާ ކުރެވިފައިވާ މީހާއެވެ. އެއާއެކު ރަނގަޅުވި ޖުމްލައަކީ 28 އެވެ. އެކްޓިވް ކޭސްގެ ގޮތުގައި ފުވައްމުލައް ސިޓީގައި މިހާރު ތިބީ 19 މީހުންނެވެ.
ފުވައްމުލައް ސިޓީގެ 458 ސާމްޕަލް މިއަދަށް ޓެސްޓް ނުކުރެވި ހުރިކަމަށް މިޑީއާ ބްރީފިންގައި ހާމަކުރެއްވިއެވެ. ކާފިއުގެ ފިޔަވަޅުތަކާއި މެދު ގޮތެއް ނިންމުން ވެސް ލަސްވެގެން ދަނީ ރޭންޑަމް ސާމްޕަލްތަކުގެ ނާތީޖާ ނުލިބި ގިނަ ދުވަސްތަކެއް ވާތީ ކަމަށް ގިނަބަޔަކު ގަބޫލުކުރެއެވެ. ޓެސްޓުނުކުރެވޭ ސަމްޕަލް ގެއަދަދު 500 އެއްހާ ހިސާބުގައި ހުންނަތާ ހަފުތާއް (6 ދުވަސް) ވެފައި ވެއެވެ.
ފުވައްމުލައް ސިޓީގައި އަޅާފައިވާ ކާފިއުގެ ސަބަބުން ރައްޔިތުންނަށް ދިމާވާ ދަތިތަކުގެ ކަންބޮޑުވުން ފާޅުކުރައްވައި އެކަމަށް އިތުރު ލުޔެއް ހޯދައިވައި ދެއްވުމަށް އެޗްޕީއޭގައި ދެންނެވުމަށް ފުވައްމުލަކުގެ ގިނަބަޔަކު އެދެމުން އަންނަކަން ނޫސްވެރިން ރޭގައި ފާހަގަ ކުރުމުން މޭޔަރ އެކަމަށް މަސައްކަތް ކުރައްވާނެ ކަމަށް ވިދާޅުވި ނަމަވެސް އެކަމުގެ ޖަވާބެއް މިރޭގެ މީޑިއާ ބްރީފިންގަިއ ހާމަކުރައްވާފައެއް ނުވެއެވެ.
ފުވައްމުލައް ސިޓީ ކޮވިޑް-19 އަޕްޑޭޓްސް 28 ފެބްރުއަރީ 2021. ފުވައްމުލައް ސިޓީ އޯއީސީ
މިހާތަނަށް ފުވައްމުލަކު ހޮސްޕިޓަލުން ޖުމްލަ 6060 ސާމްޕަލް ނަގާފައިވާ އިރު، މިއަދު ނެގި ޖުމްލަ ސާމްޕަލްގެ އަދަދަކީ 202 އެވެ. ޓެސްޓް ނުކުރެވޭ 458 ސާމްޕަލް ހުރިއިރު މިއަދު ނަތީޖާ ލިބުނީ 173 ސާމްޕަލެއްގެ އެވެ.
މިއަދު 157 ރޭމްޑަމް ސާމްޕަލް ނަގާފައިވާކަމަށް ހާމަކުރެއްވިއެވެ.
މިއަދުގެ 214 ސާމްޕަލް ތަކުގެ ތަފުސީލެއް ހާމަކުރައްވާފައެއް ނުވެއެވެ.
ދަތުރުވެރިންގެ —
ފްލޫ ކްލިނިކް —
ކޮންޓެކްޓް ގެ —
ހޯމްކަރަންޓީނުގެ — ސާމްޕަލް
ރޭންޑަމް ސާމްޕަލިންގެ 159 އެވެ.
ވެކްސިން އަޕްޑޭޓްސް
މިއަދު ވެކްސިން ޖެހިފައި ވަނީ 430 މީހުންނަށެވެ. އެއީ:
30 އަހަރުން މަތީގެ 192،
18 އަހަރުން މަތީ ހައިރިސްކް 180
ކުރީސަފުގެ މަސައްކަތް ތެރިން –،
ދާންމަތިވެފައިވާ 8 އަދި
އެހެނިހެން މީހުން 50 އެވެ.
މިހާތަނަށް ފުވައްމުލައް ސިޓީއިން ވެކްސިން ޖެހިފައި ވަނީ ޖުމްލަ 3218 މީހަކަށެވެ.
މާދަމާ، 1 މާރިޗު ގައި ވެސް އެމްޖޭއެސް ހޯލުން އަދި ޏ.އޭއީސީ ހޯލުން ވެކްސިން ޖެހުން ކުރިޔަށް ގެންދާނެއެވެ. މާދަމާއިން ފެށިގެން 18 އަހަރުން މަތީގެ އެންމެންނަށް ވެސް ވެކްސިން ޖެހޭގޮތަށް ވަނީ ހުޅުވާލާފައެވެ.
ނަމަވެސް ވެކްސިން ޖެހުމަށް އާއްމުންގެ ތަރުހީބު ލިބޭލެއް ކުޑަކަމަށް މިރޭ ވެސް ފާހަގަ ކުރެވިގެން ދިޔައެވެ.
ޕޮލިސް މޮނިޓަރިން
އެޗްޕީއޭގެ އުސޫލާއި ޚިލާފުވެގެން 1 މީހަކު ޖޫރިމާނާ ކޮށްފައި ވާކަމަށް މިރޭގެ މީޑިއާ ބްރީފިންގައި މައުލޫމާތު ދެއްވިއެވެ.
މައުލޫމާތު: ފުވައްމުލައް އީއޯސީ 18 ވަނަ ޕްރެސް، 28 ފެބްރުއަރީ 2021، 21:30.
ޚިޔާލުތައް