މުހައްމަދު ޝިހާބް ކުރިޔަށް އޮތް ލޯކަލް ކައުންސިލްތަކުގެ އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީ (ޑަބްލިޔުޑީސީ)ގެ އިންތިޚާބުގައި ކުރިން އެމީހަކު ވޯޓުލާން ރަޖިސްޓަރީވެފައިވާ ތަން ނޫން އެހެން ތަނެއްގައި ވޯޓުލުމަށް ބޭނުންވާނަމަ އަލުން ރަޖިސްޓަރީވުމަށް އިލެކްޝަންސް ކޮމިޝަނުން ހުޅުވާލައިފިއެވެ.
މިއިން ތިޚާބުގައި ވޯޓްލާން ރީރަޖިސްޓްރީވުމަށް ހުޅުވާލާފައި ވަނީ އިއްޔެ 2 މާރިޗު އިން ފެށިގެން 11 މާރިޗު ވާ ބުރާސްފަތި ދުވަހުގެ 1:00 ނިޔަލަށެވެ. މިފަހަރު ރިރަޖިސްޓްރީ ވާން ޖެހެނީ ލަސްކުރި އިންތިޚާބުގައި ވޯޓްލާން ރަޖިސްޓްރީ ކުރި ތަން ނޫން އެހެން ތަނަކަށް ވޯޓުލާން ބޭނުންވާ މީހުން އެކަންޏެވެ. އަދި ވޯޓް ފޮށި ނުބަހައްޓާ ތަނެއްގައި ރަޖިސްޓްރީވެ، އަލުން ރަޖިސްޓްރި ބަދަލުނުކުރާ އެންމެންގެ ނަން އޮޓޮމެޓިކުން އެމީހެއްގެ ދާއިމީ އެޑްރެސް އޮންނަ ދާއިރައެއްގެ ވޯޓާސް ލިސްޓަށް ބަދަލުވެގެން ދާނެކަމަށް އިލެކްޝަންސް އިން ހާމަކުރެއެވެ.
ނަމަވެސް ރިސޯޓްތަކާއި ޖަލުތަކާއި މެލޭޝިއާގެ ކުއަލާލަންޕޫރާއި، ލަންޑަންގައި ވޯޓުލާން ރަޖިސްޓަރީކޮށްފައިވާ މީހުން މިފަހަރުގެ އިންތިޚާބުގައި ވޯޓްލާން ބޭނުންނަމަ އަލުން ރީރަޖިސްޓްރީވާން ޖެހޭނެ ކަމަށް އިލެކްޝަންސް ކޮމިޝަނުން ހާމަކުރައްވައެވެ. އެއީ މިފަހަރުގެ އިންތިޚާބުގައި ކުއާލާލަމްޕޫރާއި ލަންޑަނުގައި ވޯޓުލުން ނުބާއްވާތީއާއި ބައެއް ރިޒޯޓްތަކުގައި ވެސް ވޯޓު ފޮށި ނުބހައްޓާތީއެވެ.
ފާއިތުވި 2020 ވަނަ އަހަރު އޭޕްރީލް މަހު ބާއްވަން އޮތް ލޯކަލް ކައުންސިލް އިންތިޚާބާއި ޑަބްލިޔުޑީސީ އިންތިޚާބު ކޮވިޑްގެ ބަލިމަޑުކަމާއި ހެދި މިއަހަރު އޭޕްރީލް މަހުގެ 10 ވަނަ ދުވަހު ބާއްވަން ވަނީ ފަސްކޮށްފައެވެ.
މިހާރު އިއުލާން ކުރެވިފައިވާ ވޯޓާސް ރަޖިސްޓްރީގައި އެމީހަކު ވޯޓްލާން ކަނޑައެޅިފައިވާ ތަނުގެ މައުލޫމާތު އެގެން ހުންނާނެ ކަމަށާއި، އެ މަޢުލޫމާތު އިލެކްޝަންސް ކޮމިޝަނުގެ ވެބްސައިޓްއިން ބެލޭ ކަމަށެވެ. މީގެ އިތުރުން އެސް.އެމް.އެސް ކޮށްގެން ވެސް ޗެކް ކުރެވޭނެކަމަށް އިކްލެކްޝަންސް ކަމިޝަނުން ހާމަކުރައްވައެވެ. އެސްއެމްއެސް ކުރަން ޖެހެނީ VR (space) Id no ޖަހާފައި 1414 ނަމްބަރަށެވެ.
ފުވައްމުލައް ސިޓީގައި ރިރަޖިސްޓްރޭޝަން ފޯމް ހުށަހަޅަން ޖެހެނީ ސިޓީ ކައުންސިލުން ކަނޑައަޅާފައިވާ އީމެއިލް elections@fuvahmulah.gov.mv އަށެވެ. ފުވައްމުލައް ސިޓިގައި އީމެއިލުން ރިޖިސްޓްރޭޝަން ފޯމް ބަލައިގަންނަނީ މިވަގުތު ފުވައްމުލައް ސިޓީގައި ކާފިއު އިއުލާން ކުރެވި އާއްމުކޮށް ގެއިން ބޭރަށް ނުކުމެ އުޅުން މާނާ ކުރެވިފައިވާތީއެވެ.
އާއްމު އުސޫލެއްގެ ގޮތުން ރަޖިސްޓަރީ ވުމަށް އެކަމަށް އެދޭ ފޯމުން ހުށަހަޅަމް ޖެހެނީ މީހުން ދިރިއުޅޭ ރަށްރަށުގެ ރަށު ކައުންސިލް އިދާރާއަށާއި ސިޓީ ކައުންސިލްތަކުގެ އިދާރާއާއި މާލޭ ސިޓީގައި، އިންތިޚާބާ ބެހޭ މަރުކަޒު ބާ ޖަމާލުއްދީން އަށެވެ. މިތަންތަނަށް އީމެއިލުންނާއި އެހެން ގޮތްގޮތުން ފޯމު ބަލައިގަތުމުގެ އިންތިޒާމް ހަމަޖެހިފައި ނުވާކަމަށް ވެއެވެ.
ލޯކަލް ކައުންސިލް އިންތިޚާބު 2020: ފުވައްމުލަކުގެ މޭޔަރު ކަމަށް ކުރިމަތިލާ އެމްޑީޕީ އަދި ޕީޕީއެމް ދެ ކެންޑިޑޭޓުން
ކޮވިޑްގެ ޕެންޑަމިކް އާއިހެދި މުއްދަތު ހަމަވެފައިވާ އައިޑީި ކާޑުތައް 30 ޖޫން 2021 އަށް ބޭނުންކުރެވެ ގޮތަށް ޑިޕާޓްމެންޓް އޮފް ނެޝަނަލް ރަޖިސްޓްރޭޝަނުން ވަނީ މުއްދަތު އިތުރުކޮށްދީފައެވެ. ވުމާއެކު މުއްދަތު ހަމަވެފައިވާ ހުރިހާ އައިޑީކާޑެއް ވެސް މިއަހަރުގެ ޖޫން އާއި ހަމަޔަށް ރަސްމީ ކަންކަމުގައި ބޭނުންކުރެވޭނެއެވެ.
މިއިންތިޚާބުގައި ފުވައްމުލަކުގެ ޑަބުލިޔުޑީސީގެ އެއް ދާއިރާ ނޫން ހުރިހާ ދާއިރާއެއްގައި އެއް ކެންޑިޑޭޓަށްވުރެ ގިނަ ކެންޑިޑޭޓުން ވާދަކުރެއެވެ. އެންމެ ކެންޑިޑޭޓަކު ކުރިމަތިލީ ޑަބްލިޔުޑީސީ ފުވައްމުލަކު ހުޅަނގު ދެކުނު ދާއިރާއަށެވެ. އެދާއިރާއަށް ކުރިމަތިލީ އަމިއްލަ ގޮތުން ވާދަކުރާ ކެންޑިޑޭޓެކެވެ.
ޚިޔާލުތައް