މުހައްމަދު ޝިހާބް މިއަދު ވެސް ފުވައްމުލައް ސިޓީ ހޯމް އައިސޮލޭޝަނުން 2 މީހަކު ޕޮޒިޓިވްވެ ރަށުގެ ޖުމްލަ 51 އަށް އަރައިފިއެވެ. އެއާއެކު ކޮމިއުނިޓީއިން ޕޮޒިޓިވް ކޭސް އެއް ނުފެންނަތާ މިހާތަނަށް 9 ދުވަސް ވީއެވެ.
މިއަދު ޕޮޒިޓިވްވި ދެ މީހުންނަކީ ވެސް ފުވައްމުލަކުގެ ކްލަސްޓާރ 2 (ފްލޫކްލިނިކް) އިން ޕޮޒިޓިވްވި ފަރާތަކާއި ޑައިރެކްޓް ކޮންޓެކްޓަކަށް ވެސް ހޯމް އައިސޮލޭޝަނުގައި ތިިބި ދެމީހުން ކަމަށް ފުވައްމުލަކު ހޮސްޕިޓަލުގެ ފަރާތުން މީޑިއާ ބްރީފިންގައި ބައިވެރިވި ސިނިއަރ ޕަކްލިކްހެލްތު އޮފިސަރ އާމިނަތު އަހުމަދު ވިދާޅުވިއެވެ. އަދި ވެކްސިންޖަން ނުކުންނަ މިހުންގެ އަދދުތައް ދަށަށް ދާތީ ކަންބޮޑުވުން ފާޅުކުރެއްވިއެވެ.
މިއަދު ޕޮޒިޓިވްވެފައިވާ 2 މީހުންނާއިއެކު މިހާރު ފުވައްމުލައް ސިޓީއިން ޕޮޒިޓިވް ވެފައިވާ ޖުމްލަ އަކީ 51 އެވެ. ބަލިން އިތުރު 1 މީހަކު ރަނގަޅުވެފައިވުމުން މިހާރު ބަލިން ރަނގަޅުވި ޖުމްލައަކީ 31 އެވެ. އަދި ބަލީގެ އެކްޓިވް ކޭސްގެ ގޮތުގައި ފުވައްމުލައް ސިޓީގައި މިހާރު ތިބީ 20 މީހުންނެވެ.
ފުވައްމުލައް ސިޓީ ކޮވިޑް-19 އަޕްޑޭޓްސް 2 މާރިޗު 2021. ފުވައްމުލައް ސިޓީ އޯއީސީ
މާލޭ އެޗްއީއޯސީއިން ފުވައްމުލަކުން އިއްޔެ އާއި ހަމަޔަށް ޕޮޒިޓިވް ވި ކަމަށް ބުނާ އަދަދާއި ފުވައްމުލައް ސިޓީގައި ޕޮޒިޓިވި އަދަދު ދިމާނުވާ މައްސަލަ މުޅިން ސާފުވާގޮތް އަދި ވެފައެއް ނުވެއެވެ. އިތުރަށް ބައްލަވާނެ ކަމަށް މިރޭގެ މީޑިއާ ބްރީފިންގައި ހާމަކުރެއްވިއެވެ.
ފުވައްމުލަކު މިސްކިތްތަކުގައި ޖަމާއަތުގައި ނަމާދުކުރުން ހުއްޓާލެވިފައިވާތީ އެކަމަށް ލުޔެއް ލިބޭތޯ އިސްލާމިކް މިނިސްޓްރީއާއި އެކު މަޝްވަރާކުރަމުން އަންނަ ކަމަށް ޑެޕިއުޓީ މޭޔަރު ޟިރާރު ވިދާޅުވިއެވެ.
މިރޭ ކުރިއަށްދިޔަ ފުވައްމުލައް ސިޓީ އީއޯސީގެ 19 ވަނަ މީޑިއާ ބްރީފިންގައި ފުވައްމުލަކު ހޮސްޕިޓަލުގެ ފަރާތުން ބައިވެރިވީ ސިނިއަރ ޕަބްލިކް ހެލްތު އޮފިސަރ އާމިނަތު އަހުމަދެވެ. އަދި ފުވައްމުލައް ސިޓީ ކައުންސިލުގެ ފަރާތުން ޑެޕިއުޓީ މޭޔަރު މުހައްމަދު ޟިރާރު އާއި ޑިރެކްޓަރ ޖެނެރަލް އަހުމަދު ނިޖާހު އަދި ވެމްކޯގެ ފަރާތުން ފުވައްމުލަކުގެ މެނޭޖަރު އަބްދުއްﷲ އަފީފުއެވެ.
މިއަދު 267 މީހުންގެ ނަތީޖާ ލިބުނު އިރު 315 މިހުންގެ ސާމްޕަލްތައް ޓެސްޓް ނުކުރެވި ހުރިކަމަށް މިޑީއާ ބްރީފިންގައި ހާމަކުރެއްވިއެވެ. ޓްރެވެލް ސާމްޕަލްތައް އައްޑޫ ސިޓީއަށް ފޮނުވައިގެން އަވަހަށް ޓެސްޓް ކުރުމަށް މަސައްކަތް ކުރަމުން އަންނަ ކަމަށް ހޮސްޕިޓަލުގެ ފަރާތުން މައުލޫމާތު ދެއްވިއެވެ.
މިރޭ ބޭއްވި ފުވައްމުލައް ސިޓީ އީއޯސީ އިން ބޭއްވި 20 ވަނަ ޕްރެސް
މިހާތަނަށް ފުވައްމުލަކު ހޮސްޕިޓަލުން ޖުމްލަ 6349 ސާމްޕަލް ނަގާފައިވާ އިރު، މިއަދު ނެގި ޖުމްލަ ސާމްޕަލްގެ އަދަދަކީ 106 އެވެ.
މިއަދު ރޭމްޑަމް ސާމްޕަލްގެ 63 ނަގާފައިވާކަމަށް ހާމަކުރެއްވިއެވެ.
މިއަދުގެ 106 ސާމްޕަލް ތަކުގެ ތަފުސީލް.
ދަތުރުވެރިންގެ 12
ފްލޫ ކްލިނިކް 4
ކޮންޓެކްޓް ގެ 3
ހޯމްކަރަންޓީނުގެ 14 ސާމްޕަލް
ރޭންޑަމް ސާމްޕަލިންގެ 63 އެވެ.
މާމަދަމާ ވެސް މާނޭރެ އަތިރީގައި ވޮލަންޓރީ ސާމްޕަލް ނެގުން ކުރިޔަށްގެންދާނެ.
ވެކްސިން އަޕްޑޭޓްސް
މިއަދު ވެކްސިން ޖެހިފައި ވަނީ 61 މީހުންނަށެވެ. މިހާރު ވެކްސިން ޖަހަނީ 18 އަހަރުން މަތީގެ އެންމެންނަށެވެ.
މިހާތަނަށް ފުވައްމުލައް ސިޓީއިން ވެކްސިން ޖެހިފައި ވަނީ ޖުމްލަ 3851 މީހަކަށެވެ.
މިހާރުވެކްސިން ޖެހުން ކުރިޔަށް ގެންދަނީ ޏ.އޭއީސީ ހޯލުން އެކަންޏެވެ. މާދަމާއިން ވެކްސިން ޖެހުމަށް ހަމަޖެހިފައިވަނީ ހެނދުނު 10:00 އިން ހަވީރު 5:00 އަށެވެ. ވަނީ ހުޅުވާލާފައެވެ. އަދި ނަމްބަރު ދޫކުރާނީ 4:30 އާއި ހަމައަށެވެ.
އަދިވެސް ވެކްސިން ޖެހުމަށް އާއްމުންގެ ތަރުހީބު ލިބޭލެއް ކުޑަކަމަށް ސޮޓީ ކައުނސިލާއި ހޮސްޕިޓަލުގެ ފަރާތުން ވެސް ފާހަގަ ކުރެވިގެން ދިޔައެވެ.
ޕޮލިސް މޮނިޓަރިން
އެޗްޕީއޭގެ އުސޫލާއި ޚިލާފުވެގެން 14 މީހަކު ޖޫރިމާނާ ކޮށްފައި ވާކަމަށް މިރޭގެ މީޑިއާ ބްރީފިންގައި މައުލޫމާތު ދެއްވިއެވެ.
މައުލޫމާތު: ފުވައްމުލައް އީއޯސީ 20 ވަނަ ޕްރެސް، 2 މާރިޗް 2021، 21:00.
ޚިޔާލުތައް