މުހައްމަދު ޝިހާބް ދައުލަތުގެ ހިއްސާ އޮންނަ ކުންފުނިތައް، އެސްއޯއީ (ސަރުކާރު ކުންފުނިތައް) ތަކުގައި ހިނގާ ނާޖާއިޒު ފައިދާގެ ކަންކަން ހުއްޓުވަން ޕީސީބީ (ޕްރަވެޓައިޒޭޝަން އެންޑް ކޯޯޕަރަޓައިޒޭޝަން ބޯޑު)އިން މަސައްކަތް ކުރޭތޯ ފުވައްމުލަކު މެދު ދާއިރާގެ މެންބަރު ހުސޭން މުހައްމަދު ދީދީ ސުވާލު އުފައްދަވައިފިއެވެ.
ފުވައްމުލަކު މެދުދާއިރާގެ މެމްބަރު އެމްޕީ ހުސޭން މުހައްމަދު ދީދީ މިސުވާލު އުފެއްދެވީ ރައްޔިތުންގެ މަޖިލީހުގެ އެސްއޯއީ ކޮމިޓީގެ 14 ވަނަ ބައްދަލުވުމަށް ޕީސީބީގެ ވެރިންނާއި ފިނޭންސް މިނިސްޓަރު އިބްރާހިމް އަމީރު ހާޒިރުކޮށް ސުވާލުކުރެއްވުމުގެ ތެރެއިންނެވެ.
ރައޔިތުންގެ މަޖުލީހުގެ އެސްއޯއީގެ 14ވަނަ ބައްދަލުވުމުގައި އެމްޕީ ހުސޭން.
ސަރުކާރު ހިއްސާވާ އެއްވެސް ކުންފުންޏެއް ތެރެއިން ހިންގާ ހައުސިން ސްކީމްތަކުގައި އެމްޑީންނާއި ޑީ އެމްޑީ ބައިވެރިވެ ފްލެޓް ހޯދުމަކީ ނާޖާއިޒު މަންފާ ހޯދުމެއް ގޮތުގައި ދެކެ ވަޑައިގަންނަވާ ކަމަށް ފިނޭންސް މިނިސްޓަރު އިބްރާހިމް އަމީރު ވިދާޅުވެއްޖެ އެވެ.
މިނިސްޓަރު މިހެން ވިދާޅުވީ މަޖިލީހުގެ އެސްއޯއީ ކޮމިޓީއަށް ޕީސީބީގެ ވެރިންނާއި ފިނޭންސް މިނިސްޓަރު އިއްޔެ ހާޒިރު ކުރުމުން ފުވައްމުލަކު މެދު ދާއިރާގެ މެންބަރު ހުސައިން މުހައްމަދު ދީދީ ފެންމަތި ކުރައްވާ އާމާޒު ކުރެއްވި ސުވާލުތަކަކަށް ޖަވާބު ދެއްވަމުންނެވެ.
މެންބަރު ހުސައިން ކޮމެޓީގައި ވިދާުޅުވީ ދައުލަތުގެ ވިޔަފާރިތައް ޕްރައިވެޓައިޒްކޮށް ކޯޕަރަޓައިޒް ކުރުމާއި އަދި މޮނިޓާކޮށް އިވެލުއޭޓް ކުރުމުގެ ގާނޫނެއް އޮންނަ އިރު އެ ގާނޫނަށް ބަލައިގެން ޕީސީބީއާ ސުވާލު ކުރާ ކޮންމެ ފަހަރަކު “އެއީ ތިމަންނަމެންގެ ޒިންމާގެ ތެރޭގައި ހިމެނޭ ކަމެއް ނޫނޭ” ބުނާ ކަމަށެވެ، އެހެން ނަމަވެސް ސުވާލު އަމާޒު ކުރައްވަނީ ގާނޫނުގެ 12 ވަނަ މާއްދާގެ ދަށުން ޕީސީބީގެ ޒިންމާގައި ހިމެނޭ ކަންކަމުގައި ކަމަށެވެ.
“އެ ބޭފުޅުންނަކީ މާދަމާ ވެސް ދާނެ ބޭފުޅުން. އަޅުގަނޑަށް ގަބޫލު ކުރެވެނީ އެއީ ނާޖާއިޒު މަންފާއެއް ލިބޭނެ ކަމެކޭ.” ފިނޭންސް މިނިސްޓަރު ވިދާޅުވިއެވެ.
އެމްޕީ ހުސޭން ފާހަގަކުރެއްވީ ސަރުކާރުގެ ކުންފުނިތައް މޮނިޓާކޮށް އިވެލުއޭޓް ކުރުމުގެ ޒިންމާ ޕީސީބީއަށް އޮންނަ އިރު އެކުންފުނިތަކުގައި ހިންގާ ހައުސިން ސްކީމާއި އިންޝުއަރެންސް ސްކީމްތަކުގެ ކަންކަމާ ބެހޭގޮތުން ހިނގާ ނާޖާއިރު ފައިދާ އާއި ކަންކަން ހުއްޓުވަން މަސައްކަތް ޕީސީބީއިން ކުރޭތޯއެވެ. އެގޮތުން ސްޓެލްކޯގެ ހައުސިން ސްކީމް އޭނާ ފާހަގަ ކުރެއްވި އެވެ. ސްޓެލްކޯގެ ހައުސިން ސްކީމުން އެތަނުގެ އެމްޑީއަށް ވެސް ފްލެޓް ލިބިފައި ވެއެވެ.
މަޖުލީހުގެ އެސްއޯއީ ކޮމެޓީގައި ހިމެނިވަޑައިގަންނަވާ އެމްޕީ ހުސައިން ވިދާޅުވީ އެފަދަކަންކަމަކީ ރަނގަަޅަށް ހިނގާ ކަންކަންތޯ ނުވަތަ ގޯސްކޮށް ހިނގާ ކަމެއްތޯ މީގެކުރިން ސުވާލު ކުރުމުން ވެސް ޕީސީބީގެ ބުނެފަފައި އޮންނަނީ “އެއީ ޒިންމާތެރޭގައި ހިމެނޭ ކަމެއް ނޫން ކަމަށް” ކަމަށެވެ.
ރައޔިތުންގެ މަޖުލީހުގެ އެސްއޯއީގެ 13 ވަނަ ބައްދަލުވުން
އެއާއެކު އެމްޕީ ހުސޭން ވިދާޅުވީ “އެހެންވެ އަޅުގަނޑަކަށް ނުފެނޭ ޕީސީބީއެއްގެ ބޭނުމެއް ވެސް. އަޅުގަނޑު ދެކޭ ގޮތުގައި ފިނޭންސް މިިނިސްޓްރީގެ ދަށުން ޑިވިޝަނެއް ހެދުމަށް ފަހު ވެސް މިކަންކަން ކުރެވިދާނެ. މޮނިޓާ ކުރުމާއި އިވެލުއޭޓް ކުރުން ވެސް މިނިސްޓްރީއަށް ކުރެވިދާނެ. އަޅުގަނޑަކަށް ނުފެނޭ ވަކީ ޕީސީބީއެއް އޮންނާކަށް،” ކަމަށެވެ.
މި ކޮމެޓި ބައްދަލުވުމުގައި ފިނޭންސް މިނިސްޓަރު އަމީރު ބައިވެރިވެ ވަޑައިގަތީ ޕީސީބީގެ ޝެއާ ހޯލްޑަރުގެ ހައިސިއްޔަތުންނެވެ. އަމީރު ވިދާޅުވީ ކުންފުނިތަކުން މުވައްޒަފުންނަށް ހައުސިން ސްކީމްތައް ހިންގުމަކީ ރަނގަޅު ކަމެއް ނަމަވެސް ކުންފުނިތަކުގެ ކަން ހިނގާ ގޮތުން އެކަންކަން މިނިސްޓަރަށް ގަބޫލުފުޅު ނުކުރެއްވޭ ކަމަކީ އެއިގެތެރެއިން ނާޖާއިޒު ފައިދާ ނެގުން ކަމަށެވެ.
ޚިޔާލުތައް