މުހައްމަދު ޝިހާބް މި މާރިޗް މަހު 3 އިން 13 އަށް ފުވައްމުލައް ސިޓީގައި ހޯމް ކަރަންޓީނުގައި 61 ގެ ހުރި ކަމަށް ފުވައްމުލައް ސިޓީ ކައުންސިލުން އާއްމުކުރި ލިޔުންތަކުން ހާމަވެއެވެ. ކޮވިޑް-19 އާއި ގުޅިގެން ދަތުރުވެރިން ހޯމް ކަރަންޓީނު ކުރަނީ 10 ދުވަހަށެވެ.
ފުވައްމުލައް ސިޓީއިން ކޮވިޑް-19ގެ ބައްޔަށް 51 މީހަކު ޕޮޒިޓިވްވެ ރަށުގައި ކާފިއުގެ ފިޔަވަޅުތަކާއި އެޗްޕީއޭގެ މޮނިޓަރިން ހާލަތުން ނިމިފައިވަނީ ވެސް މިމަހު 10 ގައެވެ. ނަމަވެސް މުޅިރާއްޖެގައި ކޮވިޑް-19ގެ ކޭސްތައް ކޮންޓްރޯލް ނުކުރެވޭތީ ރައްކާތެރިކަމުގެ ފިޔަވަޅެއްގެ ގޮތުން ނިމުނު ފެބްރުއަރީ މަހު 7 ގެ ފަހުން ހުރިހާ ރަށެއްގައި ގެއިން ބޭރުގައި އުޅޭ އިރު މާސްކު އެޅުން ވަނީ މަޖުބޫރުކުރެވިފައެވެ. އަދި މާސްކްނާޅާ ނަމަ 1000 (އެއްހާސް) ރުުފިޔާއިން ޖޫރިމާނާ ކުރެވޭނެ ކަމަށް ސިއްޙީ ކުއްލި ނުރައްކަލުގެ ހާލަތުގެ އިރުޝާދުގައި އަންގާފައިވެއެވެ. އެޗްޕީއޭގެ ގައިޑްލައިން
އެންމެފަހުން 4 މާރިޗު 2021 ގައި އިއުލާން ކުރެވިފައިވާ ސިއްޙީ ކުއްލިނުރައްކަލުގެ ހާލަތު 30 ދުވަސް ހަމަވާނީ އަންނަ މަހު (4 އޭޕްރީލް 2021) ގައެވެ.
ފުވައްމުލައް ސިޓީގައި މިވަގުތު ކޮވިޑް-19 ފެތުރޭކަމަށް ނުބެލެވެއެވެ. ކޮވިޑް-19ގެ ވެކްސިން ޖެހުން މެދުކަނޑާލެވިފައި ވަނީ ވެކްސިން ހުސްވުމުން ނެވެ.
މާރިޗު 3-13 އަށް ވީ ދިހަ ދުވަހުގެ ތެރޭގައި ފުވައްމުލަައް ސިޓީގައި ހޯމް ކަރަންޓީނުގައި ހުރި ގެތައް އެންމެ ގިނައީ ހޯދަޑު އަވަށުގައެވެ. އެ އަވަށުގައި 11 ގެއެއް ހޯމް ކަރަންޓީނުގައި ހުރިއިރު ދެވަނައަށް އެންމެ ގިނަިއން ހުރި ދަޑިމަގު އަވަށުގައި ހުރީ 12 ގެއެކެވެ. ހޯމަ ކަރަންޓީނު ކުރެވިފައިވާ ގެތައް އެންމެ މަދީ ދޫނޑުގަމާއި މާލެގަން މުގައެވެ. އެދެއަވަށުގައި ވެސް ކޮންމ އަވަށެއްގައި ހުރީ 3 ގެއެވެ. މިދުވަސްކޮޅު ހޯމް ކަރަންޓީނަށް ރަށަށް އަންނަ މީހުން އުޅެނީ ނިސްބަތުން މަދުންނެވެ.
ފުވައްމުލަކުގެ ކޮވިޑް-19 އެންމެ ފަހުގެ އަޕްޑޭޓް:
ފުވައްމުލައް ސިޓީގައި މިހާތަނަށް ކޮވިޑް-19 އަށް ޕޮޒިޓިވް ވެފައިވަނީ މުޅިއެކު 54 މީހުންނެވެ. ބަލީގެ އެކްޓިވް 5 މީހުން މިހާރު ވެސް ފުވައްމުލައް ސިޓީގައި ތިބޭނެކަމަށް ބެލެވެއެވެ. އެއީ މިމާރިޗު މަހު 2 ގައި ޕޮޒިޓިވް ވި 2 މީހުންނާއި މާރިޗު 8 ގައި ޕޮޒިޓިވް 3 މީހުންނެވެ. މީގެތެރެއިން އެންމެ ފަހުން ޕޮޒިޓިވް ވި 3 މީހުންނަކީ ބޯޓުގައި މަސައްކަތް ކުރާ 3 ބިދޭސީންނެވެ.
ފުވައްމުލައް ސިޓީ ކޮވިޑް-19 އަޕްޑޭޓްސް 9 މާރިޗު 2021. ފުވައްމުލައް ސިޓީ އޯއީސީ
އިއްޔެ މުޅި ރާއްޖެއިން ބައްޔަށް ޕޮޒިޓިވް ވެފައިވަނީ 94 މިހުނާއެކު މިހާތަނަށް މުޅި ރާއްޖެއިން ކޮވިޑް-19އަށް ޕޮޒިޓިވް ވެފައިވަނީ 21،666 މީހުންނެވެ. މިހާރު އެކްޓިވް ކޭސްގެ ގޮތުގައި ތިބީ 2،350 އެވެ.
މުޅި ރާއްޖޭގެ ކޮވިޑް-19 އަޕްޑޭޓް، 15 މާރިޗު 2021މުޅިރާއްޖޭގެ އާބާދީގެ ބޮޑުބަޔަކަށް ވަނީ ކޮވިޑް-19 ވެކސްިން ޖަހާފައެވެ. އަދި މިއަދުން ފެށިގެން ކޮވިޑް-19ގެ ފުރަތަމަ ޑޯޒް ޖެހުން ވަނި މެދުކަނޑާލެވިފައެވެ. އަލުން ފުރަތަމަ ޑޯޒް ޖަހާނީ ރާއްޖެއިން ބޭރުން ވެކްސިން ލިބުމުން ކަމަށް މައުލޫމާތު ލިބެއެވެ.
ު
ރާއްޖެގެ ކޮވިޑް-19 ވެކްސިްން އަޕްޑޭޓްސް
ޚިޔާލުތައް