މުހައްމަދު ޝިހާބް މާދަމާ، 21 މާރިޗް 2021ވާ އާދީއްތަ ދުވަހު ހެނދުނު 9:00 އިން މެންދުރު ފަހު 3:00 އަށް ހޯދަޑު އަވަށާއި ދަޑިމަގު އވަށުގެ ބޮޑު ބަޔަކުން ކަރަންޓްގެ ޚިދުމަތް މެދުކަނޑާލެވޭނެ ކަމަށް ފެނަކަ-ފުވައްމުލައް އިން ހާމަކޮށްފިއެވެ.
އެގޮތުން ކަރަންޓްގެ ޚިދުމަތް މެދުކަނޑާލަނީ ހޯދަޑު އަވަށުގައި އަލަށް އިމާރާތްކޮށްފައިވާ ސަބް-ސްޓޭޝަންނަށް ހައިވޯލްޓޭޖް ކަރަންޓް ކޭބަލްތައް ގުޅުމުގެ މަސައްކަތް ކުރުމަށެވެ. އެމަސައްކަތް ކުރެވެން އޮތީ ކަންރަންޓް ކަނޑާލައިގެން ކަމަށް ފެނަކަ-ފުވައްމުލައް އިން ހާމަކުރެއެވެ.
މާދަމާ ކަރަންޓްގެ ޚިދުމަތް މެދުކަނަޑާލެވެނީ:
1. ދަޑިމަގު އަވަށު ފިނިވާގެއިން ފެށިގެން އިން މާތެރެގަނޑު، ޑޭޒީމާގެ، އޯކިޑްމާގެ، މާވާގެ، އާޒާދުވާދީ، ގާޑެންހައުސް، ވައިމަތީގެ، ވާރޭވިލާ، ޔާގޫތުގެ، ހުޅަނގުގެ، ސަންސެޓް، ވިލާޑިސޯސަން، ދަޑިަމގު ފްލެޓްތައް، ބިއްސާވެލި، ސޫރަޖް، ނިރު، ނަޝޭމަން، ގާޑެންގޭޓް، ފްލޭޝް، މަނާމް، މުނިޔާ، ވާނާ، ފިނިވެލި، އާމީ، އަކުފާ، ކާލި، ކަންފި، އަދި ގެންމިސްކިތާއި އެހިސާބުގެ ދަނޑުބިންތަކާއި ޕެބްލްސް ރެސްޓޯރަންޓް ހިމެނޭ ސަރަހައްދެވެ.
2. ހޯދަޑު އަވަށުން އަވަށުން އިތާ، ފެހިއަލި، ނިޔާޒު، ޒީނަތުމަންޒިލް، ހުދުހުދާގެ، ވައިފިލާގެ، މަނާގެ، ކޮވެލި، ވެލިރަންގެ، މެދުގެ، ދޮންދޫމިގެ، ގުއްލަލާގެ، ސިވިލައިޒްގެ، ގިނަމާގެ، މަތެރެސްމާގެ، ބާޒް، ގުލްހަޒާރުގެ، ތުނިވެލި، ބަންޑާރަވިލާ، ކާމަރަނގަމާގެ، ޏަމްނަމްގެ، ވިލިވަރު، ނޯވެލް، ރަބާތު، ވެސްޓް، ލާސްޓް، ރިވާ، ސުނާ، އާފެހި، ރިއަލް، ހާރޓް، ލޯޔަލް އާއި އެހިސާބުގެ ދަނޑުބިންތައް ހިމެނޭ ސަރަހައްދުން ކަމަށް ފެނަކަ-ފުވައްމުލައް އިން ހާމަކުރެއެވެ.
ފުވައްމުލައް ސިޓީ އެތެރޭގެ މަގުތައް ހެދުމުގެ މަސައްކަތުގައި ބުރިވެގެންދާ ކަރަންޓް ކޭބަލްތައް ގުޅައި އަވަހަށް ޚިދުމަތް ދިނުމުގައި ފެނަކައިގެ މުވައްޒަފުން ހަރަކާތްރިވަ
އެއްވެސް ސަބަބަކާއި ހުރެ ކަރަންޓް ކެނޑޭނަމަ ނުވަތަ ކަރަންޓް ކެނޑޭގޮތް ވެއްޖެނަމަ، ކަރަންޓް ކެނޑޭ ކޮންމެ ފަހަރަކުވެސް ކަރަންޓް އައުމުގެ ކުރިން ބޭނުންކުރާ އިލެކްޓްރޯނިކް އަދި އިލެކްޓްރިކަލް އާލާތްތަކުން ކަރަންޓް ސްވިޗުން ކަނޑާފައި ބެހެއްޓުމަކީ ރައްކާތެރިކަމެއް ކަމަށް އިންޖީނުގެއިން އިރުޝާދު ދެއެވެ. އަދި ކަރަންޓް ކެނޑުމާއި ގުޅޭ ގޮތުން އިތުރު މައުލޫމާތު ސާފުކުރެއްވުމަށް ފެނަކަ-ފުވައްމުލައް ގެ 9784194 ނުވަތަ 6865009 އަށް ގުޅުއްވުމަށް އެފަނކައިން އިން އެދިފައިވެއެވެ.
ފުވައްމުލަކުގެ ކަރަންޓް ޚިދުމަތް ރަނގަޅުކުރުމުގެ ގޮތުން ހައި-ވޯލްޓޭޖެއް ކޭބަލް އަޅާއި އަދި އައު ސަބްސްޓެޝަން އިމާރާތްކޮށް، ބޭނުންވާ ޕެނަލުބޯޑުތައް ހަރުކުރުމުގެ މަަސައްކަތް ފެނަކަ ފުވައްމުލަައް އިން އަންނަނީ ކުރަމުންނެވެ.
ފުވައްމުލަކުގެ ކަރަންޓްގެ ޚިދުމަތް އަޕްގްރޭޑް ކުރުމުގެ ގޮތުން ކަރަންޓް ނެޓްވޯކްގެ ކޭބަލްތައް 11 ކިލޯ ވޯލްޓަށް މިހާރު ބަދަލުކޮށްފައިވާ ކަމަށް މެނޭޖަރު ޝާފީ ކުރިން ވިދަޅުވެފައި ވެއެވެ.
ފުވައްމުލަކުގައި އައު އިންޖީނުގެއެއް އެޅުމަށް ދޫނޑިގަމުން ވަނީ ބިން ކަނޑައަޅާފައި ވެއެވެ.
ޚިޔާލުތައް