މުހައްމަދު ޝިހާބް އިއްޔެ މެންދުރުން ފެށިގެން ފުވައްމުލައް ސިޓީއަށް ބޯކޮށް ވާރޭވެހި ގިނަ ގެތަކަށް ފެން ވަދެފައިވާ ކަމަށް ރިޕޯޓްކޮށްފައިވާ ކަމަށް ފުވައްމުލައް ސިޓީ ކައުންސިލުން ހާމަކޮށްފިއެވެ. ރޭ ބޭއްވި ފުވައްމުލައް ސިޓީ އިމަޖެންސީ އޮޕަރޭޝަން ސެންޓަރުގެ ނޫސް ކޮންފަރެންސްގައި ޑެޕިއުޓީ މޭޔާ މުހައްމަދު ޟިރާރު ވިދާޅުވީ ވިއްސާރައިގެ ގެއްލުމާ ހެދި ވަރަށް ގިނަ ބަޔެއްގެ އާއްމު ދިރިއުޅުމުގެ ހާލަތަށް މިވަނީ ބޮޑެތި ބަދަލުތަކެއް ގެންނަން ޖެހިފައި ކަމަށެވެ. އަދި ވަރަށް ގިނަ ބައެއްގެ އާއްމު ޒަރޫރީ ބޭނުންތައް ވެސް ހުއްޓުމަކަށް އައިސްފައިވާ ކަމަށް ވިދާޅުވިއެވެ.
“ގާތްގަޑަނކަށް ރަށުގެ %80 ގެތަކުގެ ފުރާޅު ހުރުމެކޭ ނެތުމެކޭ އެއްވަރުވެފައި މިއޮތީ. ގޭގެއަށް ފެން ވަދެ ކޮޓަރިތަކުގައި ހުރި އެއްޗެހިތައް ވަނީ ހަލާކުވެފައި” ޑެޕިއުޓީ މޭޔަރު ތަފުސީލު ކުރެއްވިއެވެ. މީގެ ކުރިން ދުވަހުކުވެސް ފެން ވަދެފައިނުވާ ގެގެއިން މިފަހަރު ފެން ވަދެގެން ރިޕޯޓްކޮށްފައިވާ ކަމަށް ވިދަޅުވިއެވެ. އަދި މިފަދަ ބައެއް ގޭތަކަށް ސިޓީ ކައުންސިލުން ޒިޔާރަތްކޮށްގެން ވެސް ބަލާފައިވާކަމަށެވެ. ރެއަައި ހަމަޔަށް ވެސް ބައެއް ސަރަހައްދުތަކުގައި ދޮޅުފޫޓަށް ފެންގަޑު ބޮޑުވެފައިވާ ކަމަށް ވިދާޅުވިއެވެ.
ފުވައްމުލައް ސިޓީ ކައުންސިލްގެ ޑެޕިއުޓީ މޭޔަރު، މުހައްމަދު ޟިރާރު
ބައެއް ގެތަކަށް ފެން ވަދެފައިހުރީ ފާޚާނާ ޑްރެއިން ތެރެއިން މައްޗަށް އަރައިގެންނާއި ބައެއް ގެގެއަށް ފާރުތެރެއިން، ދެމުށިގެނަޑު ދޭތެރެއިން ފެން ވަދެފައިވާތަން ފެނިފައިވާކަމަށެވެ. އެގޮތުން ބައެއް ގޭގެއަށް ފެން ވަދެފައިވަނީ ކޮންމެހެން މަގާގައި ގޯތިތެރެ ފުރިގެން ނޫންކަމަށްވެ. ނަމަވެސް ވަރަށް ގިނަ ގެތަކަށް މަގާއުި ގޯތިތެރެ ފުރިގެން ފެން ވަދެފައިވާ ކަމަށް ޟިރާރު ފާހަގަކުރެއްވިއެވެ.
މި ދެރަ ލިބުނު ފަރާތްތަކާއިއެކު ފުވައްމުލައް ސިޓީ ކައުންސިލާއި ކައުންސިލްގެ ޓީމު އޮތް ކަމަށާއި އަދި އެފަރާތްތަކަށް ލިބުނު ގެއްލުންތަކުގައި ސިޓީ ކައުންސިލަށް ކޮށްދެވެން ހުރި ކަންތައްތައް ކުރަމުން އަންނަ ކަމަށާއި އަދި އެކަމައްޓަކައި ކައުންސިލްގެ ޓީމުން ރޭގައި ވެސް ހަރަކާތްތެރިވަމުން ދިޔަކަމަށް ޑެޕިއުޓީ މޭޔަރު ޟިރާރު ވިދާޅުވިއެވެ.
މި ވިއްސާރައިގެ ގެއްލުންތައް ކުޑަކުރުމުގެ ގޮތުން ފުވައްމުލަކު ޕޮލިސް އާއި އެމްއެންޑީއެފް-ފަޔާ ފުވައްމުލައް އަދި ސިޓީ ކައުންސިލްގެ މުވައްޒަފުން އެންމެން ނުކުމެ މަސައްކަތް ކުރަމުން އަންނަ ކަމަށް ޑެޕިއުޓީ މޭޔާ ހާމަކުރެއްވިއެވެ. އި މިމަސައްކަތކގައި ރަށުގެ ޒުނަވުން އަމިއްލަ އިސްނެގުމަށް ވޮލަންޓިއާ ކޮށްގެން ނުކުމެ އަވަށް އަވަށުގެ ގޭގެއަށް ފެންވަނުން ހުއްޓުވުމަށް ވެލިބަސްތާތައް ޖަހައި ދިނުމުގައި އާއި އެހެނިހެން މަސައްކަތްތަކުގައި ބައިވެރިވެމުންދާކަން ފާހަގަކޮށް އެފަރާތްތަކަށް މަރުހާބާ ދަންނަވާކަމަށް ވިދާޅުވިއެވެ.
އިއްޔެގެ ވިއްސާރައިގައި ފެންބޮޑުވެފައި. ފޮޓޯ: ތޯރިގު
ފެންބޮޑުވުމުގެ މިހާދިސާގައި ގިނަ ގެތަކަށް ފެންވަންނަމުން ދާތީ އަދިވެސް އިތުރަށް ވޮލަންޓިއަރުން ނުކުމެ މިމަސައްކަތުގައި ބައިވެރިވެ ދިނުމަށް ޑެޕިއުޓީ މޭޔަރު އެދިވަޑައިގަތެވެ.
މިއަދުގެ ވިއްސާރާގައި ފުވައްމުލަކުގެ 184 ގެއަކަށް ގެއްލުން ވެގެން އެހީތެރިކަމަށް އެދި ސިޓީ ކައުންސިލްގެ ހޮޓްލައިނަށް ގުޅާފައިވާ ކަމަށާއި އަދި އެއިގެ ތެރެއިން ގިނަ ގެތަކަށް ސިޓީ ކައުންސިލްގެ ފަރާތުން އެހީތެރިކަން ފޯރުކޮށް ދެވުނު ކަމަށް ޑިރެކްޓާ ޖެނެރަލް އަހުމަދު ނިޖާހު ވިދާޅުވިއެވެ. އަދި ވިއްސާރައިގައި އެހީތެރިކަމަށް އެދި ފުވައްމުލަކު ޕޮލިހަށް 287 ފަރާތަކުން އެދުނު އިރު އެއިގެ ތެރެއިން 179 ފަރާތަކަށް އެހީތެރިކަން ފޯރުކޮށްދެވިފައި ވާކަމަށެވެ.
އެހީތެރިކަން ފޯރުކޮށްދިނުމުގެ މިހަރަކާތުގައި ފުލުހުންގެ ގިނަ ބަޔާކާއި އެމްއެންޑީއެފް-ފުވައްމުލައް އަދި ސިޓީ ކައުންސލްގެ މުވައްޒަފުން ހަރަކާތްތެރިވަނުން ދާކަމަށް ނިޖާހު ހާމަކުރެއްވިއެވެ. އެގޮތުން ފެންބޮޑުވެފައިވާ ގެތަކުގައި ވެލި ބަސްތާތައް ޖެހުމާއި ފެންވަނުގެ ސަބަބުން ލިބޭ ގެއްލުން ކުޑަކުރުމަށް ބައެއް ފަރުނީޗަރުތައް އެހެން ތަންތަނަށް ބަދަލުކޮށްދިނުމުގައްޔާއި އަދި މިނޫންވެސް ވަރަށް ގިނަ ކަންކަމުގައި އިއްޔެ ހަވީރު 4:00 އިން ފެށިގެން ރެއާއި ހަމަޔަށްވެސް އެހީތެރިވަމުންދާ ކަމަށް ނިޖާހު ހާމަކުރެއްވިއެވެ. އަދި ޒުވާނުން އަމިއްލަ އިސްނެގުމަށް މިހަރަކާތުގައި ބައިވެރިވާކަން ވެސް ފާހަގަ ކުރެއްވިއެވެ.
އިއްޔެގެ ބޯ ވިއްސާރައާއެކު ފުވައްވައްމުލައް ސިޓީގެ ގިނަ ގެތަކަށް ގެއްލުނުން ލިބޭތީ މިކަން މިގޮތަށް ދިމާވާ ސަބަބާއި މެދު ތަފާތު ގޮތްގޮތަށް ޚިޔާލު ފާޅުކަރަމުން ދެއެވެ. ބައެއް މީހުން ބުނާ ގޮތުގައި ފެންބޮޑުވަނީ މިހާރު ރަށަށް ވާރޭވެހޭ މިންވަރު ގިނަވެފައި ވާތީ ކަމަށެވެ. އަނެއްބަޔަކު ބުނަނީ އެއި ރަށުގެތޭގައި ފެންގަނޑު ތާށިވެގެން ގޭގެއަށް ފެންވަންނަނީ ކަމަށެވެ. ކޮންމެހެން އިތުރަށް ވާރޭ ވެހެނީ ނޫން ކަމަށެވެ. ބައެއް މީހުން ދެކޭ ގޮތުގައި މިއަހަރު ދެވަނަ ފަހަރާ މިހާ ބޮޑަށް ފެންބޮޑުވާން ދިމަވީ މި ދުވަސްވަރު ރަށުގެ ގިނަ މަގުތަކެއް ހެދުމުގެ މަސައްކަތް ކުރަމުން ދާތީ އެކަމާއި ގުޅިގެން ކަމަށެވެ.
އިއްޔެގެ ވިއްސާރައިގައި ފެންބޮޑުވެފައި. ފޮޓޯ: ތޯރިގު
ރަށުގެ އެތެރޭގެ މަގުތައް ހެދުމަށް އެންމެ ފުރަތަމަ މަޝްވަރާތައް ކުރެވެން ފެށުނު ހިސާބުން ވެސް ފުވައްމުލައް ސިޓީ ކައުންސިލަން އަންނަނީ ތަކުރާރުކޮށް ރަށަށް ވެހޭ ފެން، “ސްޓޮމްވޯޓާ” އަށް ހައްލެއް ހޯދުމުގެ މަސައްކަތް ކުރަމުން އަންނަކަމަށް ޑެޕިއުޓީ މޭޔަރު ޟިރާރު ވިދާޅުވިއެވެ. ސްޓޮމްވޯޓާ އަށް ހައެއްލެއް ނުހޯދައި އެތެރޭގެ މަގުތަކުގައި ތާރުއަޅައި ހެދުމަށް ސިޓީ ކައުންސިލުން އެހާ ބޮޑު ތަރުހީބެއް ނުދޭ ކަމަށެވެ. އެއީ ކޮންމެހެން މަގުތަކުގައި ތާރު އެޅުމުން ދުއްވަން ލިބޭ ފަސޭހަ ބޭނުންނުވުން ނޫންކަމަށެވެ.
ދުނިޔޭގެ މޫސުމާއިބެހޭ މާހިރުން ފާހަގަކުރާ، މިހާރު ދިމާވާ އެންމެ ބޮޑު ގެންޖެހުމަކީ މޫސުމީ ވާރޭގައި ކުއްލިއަކަށް ކުރިން ލަފާނުކުރެވޭ ވަރަށް ވާރޭވެހި ފެންބޮޑުވާ މައްސަލަކަމަށާއި، އެކަމަށް ހައްލެއް ހޯދުމަކީ ހުރިހާ ހިސާބަކަށް ވެސް އޮތް ގޮންޖެހުމެއް ކަމަށް، މިކަލް ނޫހުން ކުރި ސުވާލަކާއި ގުޅިގެން ޑެޕިއުޓީ މޭޔަރު ފާހަގަ ކުރެއްވިއެވެ. ދީފައި ނުވާނެ ކަމަށް ހެދުމުން ދިމާވެދާނެ ފެންބޮޑުވުމުގެ ހާލަތާއި ގުޅިގެން ކަމަށް މަސައްކަތް
އާއްމުކޮށް ފެންބޮޑުވާ ސަރަހައްދުތަކުގައި ހުންނަ ގެތަކުގައި އުޅޭ މީހުންވެސް މިފަދަކަންކަމަށް ވިސްނާލަންޖެހޭ ކަމަށް ފާހަގަ ކުރެއްވިއެވެ. މިހާ އަވަސް އަވަހަށް، ފެންބޮޑުވާ ކޮންމެ ފަހަރަކު ސިޓިންރޫމްގެ ފަަރުނީޗަރު ހޯދުމަކީ އެއްވެސް ބަޔަކަށް ފަސޭހަ ކަމަކަށް ނުވާނެ ކަމަށެވެ. އެގޮތުން ލިބޭ ގެއްލުންތައް ކުދަކުރުމަށް ވިސްނުން މުހިންމު ކަމަށެވެ.
އެފަދަ ބައެއް ގެތަކުން ގެ އުސްކުރުމުގެ މަސއްކަތް ވެސް ކުރަމުންދާ ކަމަށެވެ. އެގޮތުން މީގެ ކުރީގެ ފެންބޮޑުވުމުގެ ހާދިސާ އާއި ގުޅިގެން ބައެއް ފަރާތްތަކުން ސިޓީ ކައުންސިލްގައި އެދުނު އެހީތެރިކަން ފޯރުކށްދީގެން ވެސް އެފަދަ ހާލަތު ރަނގަޅު ކުރުމަށް މަސައްކަތްތައް ކުރެވެމުންދާކަމަށް، އަންނަ ހޮނިހިރު ދުވަހު މަގާމުގެ މުއްދަތު ހަމަވާ ޑެޕިއުޓީ މޭޔަރު ވިދާޅުވިއެވެ. މޫސުމީ ވިއްސާރައަށް ދުރާލާ ތައްޔާރުވެވިއްޖެ ނަމަ އެކަމުން ލިބޭ ގެއްލުންތައް ކުޑަކުރެވިގެންދާނެ ކަމަށް ޑެޕިއުޓީ މޭޔަރު ފާހަގަކުރެއްވިއެވެ.
މިއަދު ބައެއް ގޭގެ ތެރެއަށް ފެންގަނޑު ވަދެފައި. ފޮޓޯ : އަލީ ޝަރީފު
ފުވައްމުލައް ސިޓީގައި ފެންހިންދުމަށް ހަދާފައިވާ ކާނުތަކުގެ ބޭނުން ވެސް ކުރަމުން ދާ ކަމަށާއި ނަމަވެސް އެންމެ ފުރިހަމަގޮތުގައި ކާނުތައް ބޭނުން ނުކުރެވޭނީ ރަށް ގިރައި ކާނުތަކުގެ (އާރޮ) ފެން ބޭރުކުރާ ކޮޅު ހާސާވެފައި ވުމުން ކަމަށް ވެއެވެ. ދިޔަވަރު ބޮޑުވާ ގަޑިތަކުގައި ރަށުތެރެއަށް ލޮނުގަނޑު ވަނަނުދިނުމަށް އާރު ބަންދުކުރަން ޖެހުމުން ފެން ހިންދުމަށް ދަތިވެގެންދާ ކަމަށެވެ. އެގޮތުން ބައެއް އާރޮތައް 24 ގަޑިއިރު ކަނޑާފައި، ހުޅުވާފައި ބެހެއްޓޭކަށް ނޯންނަ ކަމަށް ޑެޕިއުޓީ މޭޔަރު ވިދާޅުވިއެވެ. އެކަމަކު އެގޮތުން ހުޅުވާފައި ބެހެއްޓެން ހުރި އާރޮތަކުން ރޭގައި ވެސް ފެން ދޫކުރަމުން އަންނަ ކަމަށް ވިދާޅުވިއެވެ.
ސިޓީ ކައުންސިލުން ޕަމްޕުތައް ބޭނުންކުރަނީ ރަށުގެ މެދުތެރެގައި ފެން ހަރުލާފައި ހުންނަ ސަރަހައްދު ތަކުން އެއްތަނުން އަނެއް ތަނަށް، ނުވަތަ ކާނުތަކާއި ހަމަޔަށް ފެން ގެންދިއުމަށް ކަމަށެވެ. ސިޓީ ކައުންސިލުން އުއްމީދު ކުރަނީ ފުވައްމުލައް ސިޓީގެ އެތެރެގެ މަގުތައް ހެދުމުގެ މަސައްކަތް ނިމިގެންދާއިރާ ރަށުގެ “ސްޓޮމްވޯޓާ”ގެ މައްސަލައަށް ހައްލެއް ލިބިގެންދާނެ ކަމަށް ކަމަށް ޑެޕިއުޓީ މޭޔަރު ވިދާޅުވިއެވެ.
ފުވައްމުލައް ސިޓީގެ ފެންބޮޑުވުމުގެ މައްސަލައަށް ހައްލެއް ލިބިގެންދާނެކަމަށް ފުވައްމުލައް ސިޓީ ކައުންސިލުން އުއްމީދުކުރެއެވެ. އަދި އެކަމާއި ގުޅިގެން ކަމާއިބެހޭ މިނިސްޓްރީ ތަކާއެކު މަޝްވަރާ ކުރެވެމުންދާކަމަށް ވެސް ޑެޕިއުޓީ މޭޔަރު ވިދާޅުވިއެވެ.
މިކަލް ނޫހާއި ވާހަކަ ދެއްކި މީހަކު ބުނި ގޮތުން މިފަހަރުގެ ވާރޭ މިދިޔަ މާރިޗު މަހު ކުރި ވިއްސާރާގައި ވެހުނު ވާރެއަށް ވުރެ ވެސް ގިނަކަމަށެވެ. އެއީ އެފަހަރު ފެންގަޑު ބޮޑުވެގެން އެގޭގެ ތެރެއަށް ނުވަންނަ ވަރަށް މިފަހަރު ފެންގަނޑު ވަދެފައިވާތީ ކަމަށެވެ.
މިއަދުގެ މޫސުމީ ރީނދޫ ސަމާލު
ޚިޔާލުތައް