އިބްރާހިމް ލަތީފް މެލޭޝިއާއަށް ކިޔަވަންދާން ގަސްދުކުރާ ކުދިންނަށް އަމާޒުކޮށްގެން “ސްޓަޑީ އިން މެލޭޝިއާ އީ-އިންފޯޑޭ” ގެ ނަމުގައި ބާއްވާ މަޢުލޫމާތު ދިނުމުގެ ވާރޗުއަލް ސެޝަންތަކެއް ބޭއްވުމަށް ހަމަޖެހިފައިވާ ކަަމަށް ފެލްކަން ސްޓަޑީ އެބްރޯޑް އިން ހާމަކޮށްފިއެވެ. މެލޭޝިއާއަށް މަތީތައުލީމަށް ދަރިވަރުން ފޮނުވަމުންދާ ފެލްކަން ސްޓަޑީ އެބްރޯޑްއިން ހާމަކުރާ ގޮތުގައި މިސެޝަން ކުރިއަށްދާނީ މާދަމާއިން ފެށިގެން މިމަހުގެ 23 ވަނަ ދުވަހުގެ ނިޔަލަށެވެ.
މައުލޫމާތު ދިނުމުގެ މި ސެޝަންތައް އޮންނާނީ ޖޫން މަހު 21، 22 އަދި 23 ގެ ހަވީރު 5 އިން ރޭގަނޑު 9 އަށް ގޫގުލް މީޓް މެދުވެރިކޮށެވެ. މިސެޝަންތަކުގައި ބައިވެރިވުމުގެ ފުރުސަތު ހިލޭ ހުޅުވާލައިފައިވާ އިރު މިސެސަޝަންތަކުގައި މެލޭޝިއާގައި މަޝްހޫރު ޔުނިވަރސިޓީތައް ކަމުގައިވާ ޓޭލާސް ޔުނިވަރސިޓީ، އޭޝިޔާ ޕެސިފިކް ޔުނިވަރސިޓީ އަދި ސެގީ ޔުނިވަރސިޓީއިން ބައިވެރިވާނެއެވެ. މިޔުނިވަރސިޓީތަކުގައި މިހާރުވެސް ގިނަ އަދަދެއްގެ ދިވެހި ދަރިވަރުން ކިޔަވަމުންދެއެވެ.
ފެލްކަން ސްޓަޑީ އެބްރޯޑްއިން ހާމަކުރިގޮތުގައި މިސެޝަންތަކަކީ މެލޭޝިއާއަށް ކިޔަވަންދާން ގަސްދުކުރާ ކުދިންނަށް ވަރަށް ބޭނުންތެރި މަޢުލޫމާތުތަކެއް ލިބޭނެ ސެޝަންތަކެކެވެ. މިސެޝަންތަކުގައި ޔުނިވަރސިޓީތަކުން ހިންގާ ކޯސްތަކުގެ ތަފުސީލީ މަޢުލޫމާތާއި، އިންޓޭކް ތާރީޚް ތަކާއި ކޯސްފީގެ އިތުރުން ކޯސްތަކުގައި ބައިވެރިވުމުގެ ޝަރުތުތައް ކިޔައިދީ އަދި ކޯސްތަކުގައި ބައިވެރިވާން ބޭނުންވާ ކުދިން ކޯސްތަކަށް ވަނުމުގެ ޝަރުތު ހަމަވޭތޯ ބެލުންވެސް ކުރިއަށް ދާނެއެވެ. މިސެޝަންތަކުގައި ބައިވެރިވާންއެދޭ ކުދިން އެކުދިންގެ ތަޢުލީމީ ފާސްތަކުގެ ސްކޭންކޮޕީ ހަދާފައި ބެހެއްޓުމަށް ފެލްކަން ސްޓަޑީ އަބްރޯޑްއިން އެދެއެވެ.
ގިނަ ޔުނިވަރސިޓީތަކުގައި އޮގަސްޓް އަދި ސެޕްޓެމްބަރު މަހުގައި ކިޔެވުން ފެށޭއިރު މިސެޝަންތަކުގައި ބައިވެރިވެ މިއިންޓޭކްތަކަށް ޔުނިވަރސިޓީ ޕްލޭސްމަންޓް ހޯދުމުގެ ފުރުޞަތުވެސް ވަނީ ހުޅުވާލެވިފައެވެ.
މިސެޝަންތަކުގައި ބައިވެރިވާ ޔުނިވަރސިޓީތަކުގައި ކިޔަވައިދޭ ކޯސްތަކުގެ ތެރޭގައި އެކައުންޓިންގް، އައިޓީ، ކޮންޕިޔުޓަރ ސައިންސް، އެމް.ބީ.ބީ.އެސް، އިންޖިނިއަރިންގް، އިންޓަރނޭޝަނަލް ރިލޭޝަންސް، އެޑިއުކޭޝަން، އާކިޓެކްޗަރ، އިންޓީރިއަރ ޑިޒައިން، ކަލިނަރީ އާޓްސް، ސައިކޮލޮޖީ، ލޯ، ޑޭޓާ ސައިންސް، ޓޫރިޒަމް އެންޑް ހޮސްޕިޓޭލިޓީ، އިކޮނޮމިކްސް، ނާރސިންގް، ޑިޖިޓަލް މާކެޓިންގް، ސައިބަރ ސެކިއުރިޓީ، އާޓިފިޝަލް އިންޓެލިޖަންސް، ސިވިލް އިންޖިނިއަރިންގް، މަލްޓިމީޑިއާ، ހިއުމަން ރިސޯސް އަދި މެނޭޖްމަންޓް ފަދަ ދާއިރާތައް ހިމެނެއެވެ.
މިހަރަކާތް އިންތިޒާމުކުރާ ފެލްކަން ސްޓަޑީ އެބްރޯޑަކީ މެލޭޝިއާއަށް ދިވެހި ދަރިވަރުން ކިޔަވަން ދިއުމުގެ އިންތިޒާމްތައް ހަމަޖައްސައިދިނުމުގެ 15 އަހަރުގެ ތަޖުރިބާ ހުރި ފަރާތްތަކެއް ހިމެނޭ ކުންފުންޏެކެވެ. ފެލްކަން ސްޓަޑީ އެބްރޯޑަކީ މެލޭޝިއާގެ 15 އަށްވުރެށްގިނަ ޔުނިވަރސިޓީގެ ރާއްޖޭގެ އޮތަރައިޒްޑް އޮފިޝަލް ރެޕްރެޒެންޓެޓިވްއެވެ.
މިސެޝަންތަކުގައި ބައިވެރިވުމަށް 7731485 އާ ގުޅުއްވުމުން އެކަމުގެ އިންތިޒާމްތައް ހަމަޖައްސައިދޭނެއެވެ. ނުވަތަ ފެލްކަން ސްޓަޑީ އެބްރޯޑްގެ ވެބްސައިޓް www.falcon.mv މެދުވެރިކޮށްވެސް ރެޖިސްޓަރ ކޮށްލެވޭނެއެވެ.
ޚިޔާލުތައް