މުހައްމަދު ޝިހާބް މިއަދު މާލެއިން ކޮވިޑް-19ގެ ބަންދުތަކަށް ލުއި ދީފައި ވާއިރު ފުވައްމުލަކުން ލުއިދިނުން މިވަނީ ފަސް ކުރެވިފައެވެ. މިރޭ ފުވައްމުލައް ސިޓީ އީއޯސީއިން ބޭއްވި ނޫސްވެރިންގެ ބައްދަލުވުމުގައި ސިޓީ ކައުންސިލުން ވިދާޅުވީ ކުރިޔަށް އޮތް ހަފުތާގައި ވިޔަފާރިތަކަށް ލުއި ދިނުމަށް މަޝްވަރާ ކުރަމުން އަންނަ ކަމަށެވެ.
މިއަދު ފުވައްމުލައް ސިޓީއިން އެއްވެސް މީހަކު ބައްޔަށް ޕޮޒިޓިވްވެފައެއް ނުވެއެވެ. އެއާއެކު ފުވައްމުލައް ސިޓީގައި މިހާރު އެކްޓިވް ކޭސްގެ އަދަދު ވިމަނީ 34 އަށް ދަށްވެފައެވެ. އެކްޓިވް ކޭސްތަކުގައި ހިމެނެނީ 30 ދިވެހިންނާއި 4 ބިދޭސީން ނެވެ. އެކްޓިވް މީހުންގެ ތެރޭގައި ހިމެނެނީ 15 ފިރިހެނުންނާއި 19 އަންހެނުންނެވެ.
މިއަދު ބަލިން 9 މީހުން ރަނގަޅުވި އިރު މީހުންނާއެކު ބަލިން ރަނގަޅުވި ޖުމްލަ އަކީ 728 މީހުންނެވެ. އަދި ބަލި ޖެހިފައިވާ ޖުމްލަ އަދަދު ހުރީ 761 ގައެވެ. އެކްޓިވް މީހުންގެތެރޭގައި ހިމެނެނީ 15 8 އެކްޓިވް ސާމްޕަލްގެ ތެރޭގައި ރަށުތެރޭގެ ސާމްޕަލުން ޕޮޒިޓިވްވި 9 މީހުން ހިމެނެއެވެ. ރަށުތެރޭގެ ސާމްޕަލްތަކުގެ ގޮތުގައި ތެރޭގައި ހިމެނެނީ ރެންޑަމް ސާމްޕަލް، ފްލޫ ކްލިނިކުން އަދި އެކްޓިވް ސާވޭލަންސްގެ ތެރެއިން ނެގޭ ސާމްޕަލް ތަކެވެ. ދެން ހިމެނެނީ ހޯމް ކަރަންޓީނުން ޕޮޒިޓިވްވި މީހަކާއި ޕޮޒިޓިވް ކޭސްތަކާއި ގުޅިގެން ހެދި ކޮންޓެކްޓް ޓްރޭސިންގެ ތެރެއިން ފާހަގަކުރެވި ޕޮޒިޓިވްވި 34 މީހެކެވެ.
ކައުންސިލް މެމްބަރު އަބްދުﷲ ނާސިރު، ސިޓީ ކައުންސިލްގެ ފަރާތުން މައުލުމާތު ދެއްވާ
ކޮވިޑް-19 އާއި ގުޅިގެން އަޅާފައިވާ ފިޔަވަޅުތަކަށް ފުވައްމުލަކު އީއޯސީއިން ލުއި ދިނުމުގައި ފަސްޖެހިފައިވާ ކަމަށް ބުނެ އާއްމު މީހުންގެ ކަންބޮޑުވުން ފާޅުކުރަމުން އާދެއެވެ. އެގޮތުން ޚާއްސަކޮށް މިއަދުން ފެށިގެން މާލޭގައި ވިޔަފާރިތަކަށާއި އާއްމުންނަށް ބޮޑެތި ލުއިތަކެއް ދީފައިވާ އިރު އެލުއިތައް ފުވައްމުލައް ސިޓީގެ މީހުންނަށް ނުލިބުމުގެ ކަންބޮޑުވުން އާއްމުން އަންނަނީ ފާޅުކުރުމުންނެވެ.
ނަމަވެސް ފުވައްމުލައް ސިޓީ ކައުންސިލުން ވިދާޅުވަނީ ލުއިތައް ދިނުމަށް ހާލަތަކު ދިރާސާ ކުރައްވަމުން ގެންދަވާކަމަށެވެ.
ބަލީގައި ފުވައްމުލައް ސިޓީއިން އެއްވެސް މީހަކު ނިޔާވެފައެއް ނުވެއެވެ. އަދި ސީރިއަސް ޙާލަތުގައި ވެސް މިހާރު އެއްވެސް މީހަކު ނެތެވެ. ބަލީގެ އިތުރު ފަރުވާއަށް އައްޑޫ ސިޓީ ކޮވިޑް ފެސިލިޓީއަށް ފޮނުވީ ޖުމްލަ 3 މީހުންނެވެ. އެ އެންމެން ވެސް ވަނީ ބަލިން ރަނގަޅު ވެފައެވެ.
އަވަށްތަކުގައި އެކްޓިވް ކޭސްތައް ހުރި ވަރަށް ބަލާއިރު އެންމެ ގިނަ މީހުން ތިބީ ދަޑިމަގު 7، ފުނާޑު 6، މާދަޑު އަދި މިސްކިތްމަގު 5، ހޯދަޑު އަދި ދޫނޑިގަން 4، ދިގުވާނޑު 2 އަދި މާލެގަމުގައި 1 މީހަކު އެބަ ހުއްޓެވެ.
މިރޭގެ ފުވައްމުލައް ސިޓީ އީއޯސީގެ ނޫސް ކޮންފަރެންސްގައި ފުވައްމުލަކު ހޮސްޕިޓަލުގެ ފަރާތުން ބައިވެރިވެފައެއް ނުއެވެ. ފުވައްމުލައް ސިޓީ ކައުންސިލްގެ ފަރާތުން ކައުންސިލް މެމްބަރު އަބްދުﷲ ނާސިރު އާއި ޑިރެކްޓާ ޖެނެރަލް އަހުމަދު ނިޖާހު ބައިވެރިވިއެވެ.
މިއަދުގެ ސާމްޕަލް ޓެސްޓްކުރުން
އަލަށް ނެގި ސާމްޕަލް 127 (ރަށުތެރޭ 99)
ނަތީޖާ ނުލިބޭ 145
ނަތީޖާ ލިބުނު 82 (ރަށުތެރޭ 64)
މިހާތަނަށް 16،514 ސާމްޕަލް ނެގިފައިވާ ކަމަށް ހާމަކޮށްފައި ވެއެވެ.
ކޮވިޑް-19 ވެކްސިން އަޕްޑޭޓް (ހުކުރު ހޮނިހިރު ދެ ދުވަހު ވެކްސިން ޖެހުމެއް ނޯވޭ)
ފުރަތަމަ ޑޯޒް: މިއަދު 1، އާއެކު ޖުމުލަ 5875
ދެވަނަ ޑޯޒް: މިއަދު 5، އާއެކު ޖުމުލަ 3262
ޚިޔާލުތައް