ކޮވިޑް އަޕްޑޭޓް: މިއަދު ފުވައްމުލައް ސިޓީއިން އެއްވެސް މީހަކު ޕޮޒިޓިވެއް ނުވޭ

މިރޭގެ ނޫސް ކޮންފަރެންސް - ފުވައްމުލައް ސިޓީ އީއޯސީ. 2 ޖުލައި 2021

މުހައްމަދު ޝިހާބް

03/07/2021 - 23:05

މިއަދު ފުވައްމުލައް ސިޓީއިން ކޮވިޑް-19 އަށް އެއްވެސް މީހަކު ޕޮޒިޓިވް ވެފައެއް ނުވެއެވެ. އަދި 7 މީހަކު ބަލިން ރަނގަޅުވެ، އެކްޓިވް ކޭސްގެ އަދަދު ވަނީ 22 އަށް ދަށްވެފައެވެ. އެކްޓިވް ކޭސްތަކުގައި ހިމެނެނީ 20 ދިވެހިންނާއި 2 ބިދޭސީން ނެވެ.

މިއަދު ބަލިން ރަނގަޅުވި މީހުންނާއެކު ބަލިން ރަނގަޅުވި ޖުމްލަ އަކީ 741 އެވެ. އަދި ބަލި ޖެހިފައިވާ ޖުމްލަ އަދަދު ހުރީ 762 ގައެވެ. އެކްޓިވް ކޭސްގެތެރޭގައި ހިމެނެނީ ރަށުތެރޭގެ ސާމްޕަލްތަކުން ޕޮޒިޓިވްވެފައިވާ 4 މީހުނާއި ހޯމްކަރަންޓިނު އަދި ކޮންޓެކްޓުންގެ ތެރޭގައި ހިމެނޭ 18 މީހުންނެވެ. ރަށުތެރޭގެ ސާމްޕަލްތަކުގެ ގޮތުގައި ތެރޭގައި ހިމެނެނީ ރެންޑަމް ސާމްޕަލް، ފްލޫ ކްލިނިކުން އަދި އެކްޓިވް ސާވޭލަންސްގެ ތެރެއިން ނެގޭ ސާމްޕަލް ތަކެވެ.

ބަލީގައި ފުވައްމުލައް ސިޓީއިން އެއްވެސް މީހަކު ނިޔާވެފައެއް ނުވެއެވެ. އަދި ސީރިއަސް ޙާލަތުގައި ވެސް މިހާރު އެއްވެސް މީހަކު ނެތެވެ. ބަލީގެ އިތުރު ފަރުވާއަށް އައްޑޫ ސިޓީ ކޮވިޑް ފެސިލިޓީއަށް ފޮނުވީ ޖުމްލަ 3 މީހުން ވެސް ވަނީ ބަލިން ރަނގަޅު ވެފައެވެ.

ފުވައްމުލައް ސިޓީ ކައުންސިލްގެ ބައްދަލުވުމެއްގެ ތެރެއިން

ފުވައްމުލައް ސިޓީގެ އަވަށްތަކުގައި އެކްޓިވް ކޭސްތައް ހުރި ވަރަށް ބަލާއިރު އެންމެ ގިނަ މީހުން ތިބީ ދަޑިމަގު، މިސްކިތްމަގު، ފުނާޑު 5، މާދަޑު 4، އަދި ހޯދަޑު، ދިގުވާޑު، ދޫނޑިގަން 1 އަދި މާލެގަމުގައި ބަލިގެ މީހަކު ނެތެވެ.

ފުވައްމުލައް ސިޓީ ކައުންސިލުން ރޭގައި ނޫސްވެރިންނަށް އެންގުމާކާއި ނުލައި ނޫސްވެރިންގެ ބައެއްދަލުވުމެއް ބާއްވާފައެވެ. މިބައްދަލުވުމުގައި ސިޓީގައި އަޅާފައިވާ ފިޔަވަޅުތަކަށް ލުއި ދޭން ނިންމި ކަން ވަނީ އިއުލާންކޮށްފައި ވެއެވެ.

އެގޮތުން ކާފިއު ވަގުތު ރޭގަނޑު 9:00 އިން ފަތިހު 4:00 ވަނާ ބަދަލުކޮށްފައެވެ. އަދި ކެފޭ ރެސްޓޯރެންތް ހޮޓާފަދަ ތަންތަން އެޗްޕީއޭގެ އުސޫލާއި އެއްގޮތްވާ ގޮތުގެމަތީން ކާފިއު ނޫން ގަނޑިތަކުގައި ހުޅުވައިގެން ޚިދުމަތްދިނުމަށް ވަނީ ދޫކޮށްލާފައެވެ. މީގެ އިތުރުން ބިދޭސީންނަށް މީހުން ދިރިއުޅޭ ގޭގޭގައި މަސައްކަތް ކުރުން ބަންދުކުރުމަށް ނެރެފައިވާ އަމުރުވެސް ވަނީ އުވާލާފައެވެ.

ކޮވިޑް-19 އާއި ގުޅިގެން އަޅާފައިވާ ފިޔަވަޅުތަކަށް ފުވައްމުލަކު ސިޓީއިން ލުއިނުދިގެން ގިނަ ފާޑުކިޔުންތަކެއް އަމާޒުވެފައިވާ ތާ ދުވަސްތަކެއް ވެއްޖެއެވެ. އަދި ސިޓީ ކައުންސިލްުން އަލާފައިވާ ބައެއް ފިޔަވަޅުތަކާއި މެދު ވެސް އާއްމުން ގެ ކަންބޮޑުވުން ފާޅުކޮށް ޝުއޫރު ފާޅުކޮށްފައި ވެއެވެ.

ފުވައްމުލައް ސިޓީ އިމަޖެންސީ އޮޕަރޭޝަން ސެންޓަރުގެ ރޭ ބޭއްވި ނޫސް ކޮންފަރެންސް ނިންމާލީ ދެން ނުސްކޮންފަރެންސް ބާއްވާނެ ދުވަހެއް ފަހުން އިއުލާން ކުރާނެކަމަށް ހާމަކުރަމުންނެވެ.

މިއަދުގެ ސާމްޕަލް ޓެސްޓްކުރުން

އަލަށް ނެގި ސާމްޕަލް 152 (ރަށުތެރޭ 95)

ނަތީޖާ ނުލިބޭ 131

ނަތީޖާ ލިބުނު 172 (ރަށުތެރޭ 112)

މިހާތަނަށް 16،798 ސާމްޕަލް ނެގިފައިވާ ކަމަށް ހާމަކޮށްފައި ވެއެވެ.

ފުވައްމުލައް ސިޓީގައި ރަޖިސްޓްރީވެފައިވާ ޖުމްލަ އާބާދއަކީ، 30 ޖޫން 2021 ގެ ނިޔަލަށް 13،290، ނަމަވެސް ތަފާތު އެކިއެކި މައުލޫމާތު ތަކަކަށް ބަލައިގެން ރަށުގައި ދިރިއުޅޭ ކަމަށް އަންދާޒާކުވިފައި ވަނީ 7،735 މީހުންނެވެ. އެއީ ބިދޭސީން ވެސް ހިމަނައިގެންނެވެ. އެގޮތުން ބަލާއިރު ފުރަތަމަ ޑޯޒް މިވަނީ %75.3 މީހުންނަށް ޖެހިފައެވެ. ބާކީ ނުޖެހި ތިބި ބޮޑު އާބާދީއަކީ 18 އަހަރުން ދަށުގެ ކުދިން ކަމަށް ބެލެވެއެވެ. ނަމަވެސް ދެވަނަ ޑޯޒް ޖެހިފައިވަނި %42.2 މިހުންނަށެވެ. ފުރަތމަ ޑޯޒް ޖެހުމަށްފަހު 2 ވަނަ ޑޯޒް ނުޖެހި ތިބި ބޮޑު އާބާދީއަކީ ކޮވިޝިލްޑް ފުރަތަމަ ޑޯޒް ޖެހުމަށްފަހު ދެވަނަ ޑޯޒް ޖަހަން ފުރުސަތު ނުލިބިފައިވާ މީހުންނެވެ.