ފުވައްމުލައް ސިޓީ ކައުންސިލްގެ ކޮމެޓީތައް އެކުލަވާލައިފި

އަލަށް އިންތިޚާބުވި ފުވައްމުލައް ސިޓީ ކައުންސިލްގެ ކޮމެޓީތައް އެކުލަވާލައި އެކަން މިއަދު އާއްމުކޮށްފިއެވެ.

ފުވައްމުލައް ސިޓީ ކައުންސިލްގެ މަސައްކަތްތައް ކުރުމަށް އެކުލަވާލާފައި ވަނީ 7 ކޮމެޓީއެކެވެ. ކޮމެޓީ މެމްބަރުންނާއި މުގައްރިރު ހާމަކޮށް ފުވައްމުލައް ސިޓީ ކައުންސިލުން މިއަދު ނެރުނު ނޫސްބަޔާނުގައި ބުނެފައިވަނީ މިކޮމެޓީތައް އެކުލަވާލީ  ސިޓީ ކައުންސިލުން ނިންމާ ނިންމުންތަކާއި ކައުންސިލުން ކަނޑައަޅާ އުސޫލުތަކަކީ ރައްޔިތުންގެ ބައިވެރިވުމާއެކު ފަންނީ މައުލޫމާތު ހިމަނައިގެން ފުރިހަމައަށް ނިންމާ ނިންމުމްތަކަަކަށް ހެދުން ކަމަށެވެ. މީގެ އިތުރުން މިކޮމެޓީތައް އެކުލަވާލީ އިދާރީ ހިންގުން ހަރުދަނާ ކުރުމަށާއި ކައުންސިލްގެ ހިންގުން ޒަމާނާއި އެއްގޮތަށް ބައްޓަން ކުރުމުގެ ގޮތުން ކަމަށެވެ.

ފުވައްމުލައް ސިޓީ ކައުންސިލްގެ އިދާރާ

އެގޮތުން އެކުލަވާލާފައިވާ ކޮންމެ ކޮމެޓީއެއްގައި ހިމެނެނީ މުގައްރިރާއެކު 3 ކައުންސިލް މެމްބަރުންނެވެ.

މިކޮމެޓީތަކުގެ މަސްއޫލިއްޔަތު ތަކެއްގެ ގޮތުގައި 6 ކަމެއް ފާހަގަ ކޮށްފައި ވެއެވެ. އެގޮތުން ރައްޔިތުންނާއި ގުޅުން ހުރި ސިޔާސަތުތައް އެކުލަވާލައި، ޚިޔާލާއި މަޝްވަރާ ހޯދުމާއި، އެކިއެކި ސިޔާސަތުތައް ހެދުމުގައި މައުލޫމާތު އެއްކޮށް އެހެން ކައުންސިލަރުންނާއި ކައުންސިލްގެ އެކަމަކާއި ގުޅުންހުރި މުވައްޒަފުންނާއި ހިއްސާކުރުން ހިމެނެއެވެ. ކޮމެޓީތަކުގެ މަސައްކަތަކަށް ފަންނީ ފަރާތްތަކުން ހޯދާ މައުލޫމާތާއި މަޝްވަރާއަށް ގޮތެއް ނިންމާނީ ސިޓީ ކައުންސިލްގެ ޖަލްސާއަށް ހުށަހަޅައި ފާސްކޮށްގެން ކަމަށާއި، ކޮމެޓީގެ ހުށަހެޅުންތަކަށް ކައުންސިލްގައި ކުރެވޭ ސުވާލުތަކަށް ޖަވާބު ދާރީވާނީ އެކޮމެޓީއެއްގެ މުގައްރިރު ނުވަތަ އޭނާ ކަނޑައަޅާ ފަރާތެއް ކަމަށެވެ. ކޮމެޓީތަކުގެ މަސައްކަތަށް އެއްވެސް ބާވަތެއްގެ ޚަރަދެއް ކުރެވޭނީ ކައުންސިލުން ފާސްކޮށްގެން ކަމަށް ވެއެވެ.

ފުވައްމުލައް ސިޓީ ކައުންސިލްގެ 3 ވަނަ ދައުރުގައި ބޭއްވުނު އާއްމުން ބައިވެރިވި ޖަލްސާއެއް

ފުވައްމުލައް ސިޓީ ކައުންސިލްގައި އެކުލަވާލަފައިވާ 7 ކޮމެޓީއަކީ:

1. ފައިނޭންސް އެންޑް އިކޮނޮމިކް ޑިވެލޮޕްމެންޓް ކޮމެޓީ:

މުގައްރިރު: އަބްދުﷲ ނާސިރު އަހުމަދު، މުހައްމަދު ފިކުރީ (ޑ.ޕމޭޔަރު)، އަދި މުހައްމަދު އިސްމާއީލް

2. ޕްލޭނިން، ހައުސިން އެންޑް ލިވަބްލް ސިޓީ ކޮމިޓީ 

މުގައްރިރު: އިބްރާހިމް މުހައްމަދު، އާމިނަތު އިނާޔާ އަދި މުހައްމަދު އިސްމާއީލް

3. ޓޫރިޒަމް، އާޓސް، ކަލްޗާ އެންޑް ހެރިޓޭޖް ކޮމިޓީ 

މުގައްރިރު: މުހައްމަދު ފިކުރީ (ޑ.މޭޔަރު)، އިބްރާހިމް މުހައްމަދު، އަދި އާއިޝަތު އަބްދުލް ގާދިރު

4. އެންވަޔަރަމެންޓް އެންދް ކްލައިމެތް ޗޭންޖް ކޮމެޓީ

މުގައްރިރު: މުހައްމަދު ފިކުރީ (ޑ.މޭޔަރު)، އަބްދުﷲ ނާސިރު އަހުމަދު އަދި މުހައްމަދު އިސްމާއީލް

5. ކޮމިއުނިޓީ ސާވިސް ކޮމިޓީ 

މުގައްރިރު: އާމިނަތު އިނާޔާ، އަބްދުﷲ ނާސިރު އަޙުމަދު، އާއިޝަތު އަބްދުލް ގާދިރު

6. ސްމާޓް ސިޓީ ކޮމިޓީ 

މުގައްރިރު: އާމިނަތު އިނާޔާ، އިބްރާހިމް މުހައްމަދު، މުހައްމަދު އިސްމާއީލް

7. ޖެނެރަލް އެފެއާޒް ކޮމިޓީ 

މުގައްރިރު: އިސްމާއީލް ރަފީޤު (މޭޔަރު)، މުހައްމަދު ފިކުރީ (ޑ.މޭޔަރު)، އަދި އާއިޝަތު އަބްދުލް ގާދިރު

ސިޓީ ކައުންސިލަށް ލަފާދޭ ބޯޑުތަކެއް އެކުލަވާލާނެކަމަށް ސިޓީ ކައުންސިލުން ހާމަކުރައްވާފައި ވެއެވެ. ނަމަވެސް އެފަދަ ބޯޑެއް އެކުލަވާލާފައިވާ ކަމުގެ މައުލޫމާތު އަދި ހާމަކުރައްވާފައެއް ނުވެއެވެ.