އިބްރާހިމް ލަތީފް ޗާޓާޑް އެކައުންޓެންޓުންގެ ގާނޫނުގެ ދަށުން އުފެދުނު ރާއްޖޭގެ ފުރަތަމަ ޗާޑާޓް ޖަމިއްޔާ އިންސްޓިޓުއުޓް އޮފް ޗާޓާޑް އެކައުންޠަންޓްސް އޮފް ދަ މޯލްޑިވްސް ގެ ކައުންސިލް މެންބަރު ކަމަށް އޮޑިޓާ ޖެނެރަލް އޮފީހުގެ ރިސާޗް އެންޑް ޑެވެލޮޕްމަންޓް ޑިރެކްޓަރު އަހުމަދު ސާލިހު އައްޔަންކޮށްފިއެވެ. ސާލިހު މިމަގާމަށް އައްޔަންކޮށްފައި ވަނީ ޗާޓާޑް ގާނޫނުގެ ދަށުން އޮޑިޓާ ޖެނެރަލަށް ލިބިދޭ އިޚްތިޔާރުގެ ދަށުންނެވެ.
އެއެސޯސިއޭޝަނުގެ ކައުންސިލް މެންބަރު ކަމުގައި ސާލިހުގެ އިތުރުން ކްރޯވް މޯލްޑިވްސް މެނޭޖިން ޕާޓުނަރު ހުސަން މުހައްމަދު ވެސް ހުންނަވައެވެ. އަށް މެންބަރުން ހިމެނޭ ކައުންސިލްގައި ނިމިދިޔަ ދަރުއުގައިވެސް ފުވައްމުލަކަށް ނިސްބަތްވާ ދެމެންބަރަކު ތިއްބެވިއެވެ. އެއީ ހަސަން މުހައްމަދުގެ އިތުރުން މާލިކް ވަސީމެވެ.
އޮޑިޓާ ޖެނެރަލް އޮފީހުގެ ޑިރެކްޓަރުގެ މަގާމު ފުރުއްވާތާ 8 އަހަރަށްވުރެ ގިނަދުވަސްވެފައިވާ އަހުމަދު ސާލިހު މިހާރު އަދާކުރައްވަނީ އެއޮފީހުގެ ރިސާޗް އެންޑް ޑެވެލޮޕްމަންޓްގެ ޑިރެކްޓަރުގެ މަގާމެވެ. ގައުމީ ޔުނިވާސިޓީއަށާއި ސީއެމްޑީއޭގެ ކޯސްތަކަށްވެސް ކިޔަވައިދެއްވާ ސާލިހަކީ އޭސީސީއޭގެ ޗާޓަޑް އެކަންޓެއްޓެއްގެ އިތުރުން އެޖަމިއްޔާގެ ފެލޯ މެންބަރެކެވެ.
ޚިޔާލުތައް