އިބްރާހިމް ލަތީފް ފުވައްމުލަކު ހޮސްޕިޓަލަށް ދިމާވެފައިވާ ޖާގައިގަ ދަތިކަމަށް ހައްލެއް ހޯދުމަށް އެހޮސްޕިޓަލަށް އިތުރުކުރެވޭ އިމާރާތްކޮށްދޭނެ ފަރާތެއް ހޯދުމަށް ބީލަމަށް ލައިފިއެވެ. އިއްޔެ ބީލަމަށް ހުޅުވާލިއިރު މިމަސައްކަތް ކުރުމަށް ޝައުގުވެރިވާ ފަރާތްތަކުން ބީލަން ހުށަހަޅަން ޖެހެނީ އަންނަމަހުގެ ދެވަނަ ދުވަހު 11:00 އަށް ފުވައްމުލަކު ސިޓީ ކައުންސިލް އިދާރާއަށެވެ.
އަލަށް އިތުރުކުރެވޭ އިމާރާތާއިއެކު އެހޮސްޕިޓަލުގެ ލެބޯޓްރީ ގެ ޖާގައިގެ ދަތިކަން ހައްލު ކުރެވޭނެކަމަށް ފުވައްމުލަކު ހޮސްޕިޓަލުން ވަނީ މީގެކުރިން ހާމަކޮށްފައެވެ. އަލަށް އިތުރު ކުރެވޭ އިމާރާތުގެ މަސައްކަތް ނިމުމުން ލެބޯޓްރީ ޖާގަ ބޮޑުވެގެން ދިއުމުގެ އިތުރުން ޕީ.ސީ.އާރު ލެބް ގާއިމުކުރާނެ ތަނެއްވެސް ލިބޭނެއެވެ.
މީގެ އިތުރުން ކުރީގެ ހޮސްޕިޓަލް އިމާރާތުގައި ހިނގަމުންދާ ފިޒިއޮތެރަޕީ ޔުނިޓް މައި ހޮސްޕިޓަލަށް ބަދަލު ކުރެވޭނެ ކަމަށް ފުވައްމުލަކު ހޮސްޕިޓަލުން ވަނީ ބުނެފައެވެ.
ފުވައްމުލައް ހޮސްޕިޓަލަށް އާއިމާރާތެއް އިތުރުކުރެވޭއިރު ފުވައްމުލަކުގައި އިތުރު ޓާޝަރީ ހޮސްޕިޓަލެއް އެޅުމަށް ކުރެހުންތައް ތައްޔާރުކުރުމަށްވެސް ވަނީ ހުޅުވާލާފައެވެ. ފުވައްމުލައް ސިޓީގައި އަލަށް އިމާރާތްކުރާ ޓާޝަރީ ހޮސްޕިޓަލް ޢިމާރާތުގެ ކުރެހުން ތަކާއި، ބިލް އޮފް ކުއަންޓިޓީ އާއި، ޓެކްނިކަލް ސްޕެސިފިކޭޝަންސް ތަކާއި، ޓެންޑަރ ޑޮކިޔުމެންޓް ތައްޔާރު ކޮށްދޭނެ ފަރާތެއް ހޯދުމަށް މިނިސްޓްރީ އޮފް ހެލްތްއިން މީގެ ކުރިން ކޮށްފައިވ އިއުލާނަަށް އަންދާސީ ހިސާބު ހުށަހެޅުން އޮންނާނީ އަންނަ ސެޕްޓެމްބަރު މަހު 6 ވަނަ ދުވަހުއެވެ.
+1
+1
ޚިޔާލުތައް