އިބްރާހިމް ލަތީފް ރާއްޖޭގެ ގްރޭޑް 1 އިން ގެށިގެން ގްރޭޑް 12 އާއި ހަމައަށް ކިޔަވާ ހުރިހާ އިސްލާމްފޮތްތައް އެއްކޮޅުން އަނެއްކޮޅަށް ބަލައި އިލްމީ ދިރާސާއެއް ކުރަން ފަށައިފައިވާ ކަމަށް އިލްމުވެރިންގެ ގުޅުމުން ހާމަކޮށްފިއެވެ. އެގުޅުމުން އިއްޔެ ނެރުނު ނޫސްބަޔާނެއްގައި އެކަން ހާމަކޮށް ބެނެފައިވަނީ މިދިރާސާ ފަށައިވަނީ އިސްލާމް ފޮތްތަކުގައި ހަރުކަށިކަމަށާއި ހައްދުފަހަނައެޅުމަށް ބާރުދޭ ފަދަ ފިލާވަޅުތައް ހުރިކަމަށް ބުނެ ދެކެވުމުންދާ ވާހަކައާއިގުޅިގެން އިސްލާމް މުގައްރަރަށް ބަދަލު ގެނައުމުގެ މަސައްކަތް ފަށާފައިވާކަމަށް ރައްޔިތުންގެ މަޖިލިސް މެންބަރު ހަސަން އަފީފު އެޑިއުކޭޝަން މިނިސްޓަރާއި ހަވާލާދީ ދެއްކެވި ވާހަކަތަކާއި ގުޅިގެނެވެ.
އިލްމުވެރިންގެ ގުޅުމުން ބުނެފައިވަނީ އިސްލާމް ދީނާ ދެކޮޅު ދެކޮޅު ލާދީނީ ރިޕޯޓް ނެރެފައިވާ އެމްޑީއެންއާއި އެފަދަ ލާދީނީ ޖަމާއަތްތަކާއި އެފަރާތްތަކަށް ވާގިދޭ ސިޔާސީ މަދު ފަރުދުންތަކެއް މިރާއްޖޭގެ އިސްލާމް މުގައްރަރާއި އިސްލާމް ފޮތްތައް ހަރުކަށިކަމަށާއި ހައްދުފަހަނައެޅުމަށް ބާރުދޭ ފަދަ ފިލާވަޅުތައް ހުރިކަމަށް ބުނެދައްކާ އިސްލެއްނެތް ވާހަކަތަކުގެ މައްޗަށް ބިނާކޮށް ދިވެހި ދަރިންނަށް އިސްލާމް ދީން އުގަންނައިދޭން ހެދިފައިވާ މުގައްރަރާއި ކިޔަވައިދެވޭ ފޮތްތަކަށް ބަދަލުގެނައުމަކީ ކުރެވިގެންވާނެ ކަމެއްނޫނެވެ.
އިލްމުވެރިންގެ ގުޅުމުން ކުރިއަށް ގެންދާ ދިރާސާގެ މައުލޫމާރު ހާމަކުރައްވަމުން އެގުޅުމުން ބުނެފައިވަނީ، އެގުޅުމުގެ ފަރާތުން ސަރުކާރުގެ ރަސްމީ ކަމާބެހޭ ގިނަ މުއައްސަސާތަކާއި ބައްދަލުކުރާ ކަމަށާއި، އަދި އިސްލާމް މުގައްރަރާއި އިސްލާމް ފޮތްތައް އެކުލަވާލެއްވުމުގައި އިސްކޮށް އުޅުއްވި ތަޖުރިބާކާރު އިލްމީ އަދި ފަންނީ އެތައް މާހިރުންނަކާއި، އަދި ވޭތުވެދިޔަ މާޒީގައި އެތަކެއް ދިވެހި ޖީލެއް ބިނާކުރެއްވުމުގައި ގިނަ ޒަމާންތަކެއް ވަންދެން އުޅުއްވި ތަޖުރިބާކާރު އިސްލާމް މުދައްރިސުންނާއި ލެކްޗަރާއިންނާއި ތައުލީމީ ދާއިރާގެ ބޭފުޅުންނާއި ބައްދަލުކޮށް ޚިޔާލު ހޯދައިފައިވާކަމަށެވެ.
ރާއްޖޭގައި ކިޔައިދޭ އިސްލާމް މުގައްރަރަށް ބަދަލު ގެންނައުމުގެ މަސައްކަތް ކުރަމުންދާކަމަށް ވިދާޅުވެފައިވަނީ ރައްޔިތުންގެ މަޖިލީހުގެ މެންބަރު ހަސަން އަފީފެވެ. ރައްޔިތުންގެ މަޖިލީހުގެ މެންބަރު އަދި މެއީ 6 ކޮމިޓީގެ މުގައްރިރު ހަސަން އަފީފް ވިދާޅުވީ މެއީ 6 ކޮމިޓީއިން ދާދިފަހުން އެޑިއުކޭޝަން މިނިސްޓަރު އައިޝަތު އަލީ އާއިއެކު ބައްދަލުވުމެއް ބޭއްވިކަމަށާއި އެބައްދަލުވުމުގައި، އިސްލާމް މާއްދާގެ ކަރިކިއުލަމްއަށް ގެންނަ ބަދަލާއެކު މިހާރު ބޭނުން ކުރަމުންދާ ފޮތްތަކުގައި ހުރި ނަފްރަތު އުފައްދާ ފަދަ ލިޔުންތައް ބަދަލުުކުރުމުގެ މަސައްކަތް އެޑިއުކޭޝަން މިނިސްޓްރީން ފަށާފައިވާ ކަމަށެވެ. އެޑިއުކޭޝަން މިނިސްޓްރީން މިހާރުވެސް ޕްރިވެންޝަން ޕްރޮގްރާމްތަކާއި ކްރިޓިކަލް ތިންކިން އަދި އެކަކު އަނެކަކަށް އިހުތިރާމް ކުރަން ދަސްކޮށް ދިނުމަށް ހާއްސަ ސަމާލުކަމެއް ދެއްވަވާ ކަމަށް އަފީފް ވިދާޅުވި އެވެ. އަދި ހަމައެހެންމެ މިހާރު ހަރުކަށި ފިކުރައް ލެނބެމުންދާ ދަރިވަރުންތިބި ސްކޫލުތައް ވެސް މިނިސްޓްރީން ފާހަގަ ކޮށްފައިވާ ކަމަށް އަފީފު ވިދާޅުވިއެވެ.
އަފީފު މިހެން ވިދާޅުވެފައިވަނިކޮށް އެޑިއުކޭޝަން މިނިސްޓްރީއިން ވަނީ ޓްރާންސްޕޭރަންސީ މޯލްޑިވްސް އާއިއެކު ހަރުކަށި ވިސްނުން އަށަގަތަނުދިނުމަށް ދަރިވަރުންގެ ކިބައިގައި ދީނަށް ލޯބިޖެއްސުމުގެ ނަމުގައި އެއްބަސްވުމެއްގައި ސޮއެކޮށްފައެވެ.
ޚިޔާލުތައް
Varah rangalhukameh mifadha kankan kuranvaavarah nukureveythee alhugandu hithaamakuran