މުހައްމަދު ޝިހާބް ސަރުކާރުގެ އީފާސް މެދުވެރިކޮށް ޚިދުމަތްތަކަށް އެދެވޭނެ އިންތިޒާމުތައް ފުވައްމުލައް ސިޓީގަިއ ހަމަޖައްސައިފިއެވެ. މިކަިދުމަތްތައް ފުވައްމުލައް ސިޓިަގއި ތައާރަފުކުރީ މި ސެޕްޓެމްބަރު މަހު 26 ވަނަ ދުވަހުއެވެ.
އީފާސްގެ ޚިދުމަތްފުވައްމުލައް ސިޓީއަށް ތައާރަފް ކޮށްދެއްވީ މިނިސްޓްރީ އޮފް އެންވަރންމެންޓް، ކްލައިމެޓް ޗޭންޖް އެންޑް ޓެކްނޮލޮޖީގެ ސްޓޭޓް މިނިސްޓަރު މުހައްމަދު ޝަރީފް އާއި ފުވައްމުލަކު ސިޓީގެ ޑެޕިއުޓީ މޭޔަރ މުހައްމަދު ފިކުރީ އެވެ.
އެެއާއެކު މިމަހު 26 ވަނަ ދުވަހުން ފެށިގެން ފުވައްމުލަކު ސިޓީ ކައުންސިލުން އީފާސް ވެރިފިކޭޝަން ޚިދުމަތް ލިބޭ އިންތިޒާމު ވަނީ ހަމަޖައްސާފައެވެ. މާލެފިޔަވައި އީފާސްގެ ޚިދުމަތް ލިބޭ ފުރަތަމަ ރަށަކަށް ފުވައްމުލަކު ސިޓީގައި ވަނީ ވެގެން ގޮސްފައެވެ. ފާހަގަ ކުރެވެއެވެ.
ފުވައްމުލައް ސިޓީއަށް މައިކްރޯސޮފްޓް އޮފީސް365 ތައާރަފުކުރުން 2021 ސެޕްޓެމްބަރު
އީފާހުގެ މިޚިދުމަތަކީ އާންމު ރައްޔިތުންނާއި ސަރުކާރާ ދެމެދު މިހާރަށްވުރެ ލުއިފަސޭހަ ގޮތެއްގައި މުއާސަލާތު ކުރެވޭނެ ގޮތް ހަމަޖެއްސުމަށްޓަކައި، ނޭޝަނަލް ސެންޓާ ފޯ އިންފޮމޭޝަން ޓެކްނޯލޮޖީން ޤާއިމުކޮށްފައިވާ، އޮންލައިން ޕްލެޓްފޯމް “GOV.MV” ގެ މެސެޖުގެ ޚިދުމަތް ބޭނުންކޮށްގެން ސަރުކާރުގެ އިދާރާތަކުން ބޭނުންވާ ކަންކަމަށް ހުށަހެޅުމުގެ ފުރުސަތު އާއްމު ރައްޔިތުންނަށް ހުޅުވިގެންދިޔައީއެވެ.
މީގެ އިތުރުން ފުވައްމުލައް ސިޓީ ކައުންސިލްގެ މުވައްޒަފުންނަށް ރަސްމީ ސިފައެއްގައި މައިކްރޯސޮފްޓް އޮފީސް365 ތައާރަފުކުރުން ވެސް ވަނީ މިހަފުތާތެރޭގައި ބާއްވާފައެވެ. އެގޮތުން އޮފީސް365 އަށް މުވައްޒަފުން އހުލުވެރިކުރުމވުމުގެ ސެޝަނެއް ސްޓޭޓް މިނިސްޓަރު މުހައްމަދު ޝަރީފް ވަނީ ކުރިޔަށް ގެންދަވާފައެވެ. މައިކްރޯސޮފްޓް އޮފީސް365 ބޭނުންކުރުމުން ފަސޭހަކަމާއެކު ތައްޔާރުކުރަން ޖެހޭ ލިޔެކިޔުންތައް އިލެކްޓްރޯނިކް ފޯމެޓްގައި ތައްޔާރުކޮށް ރައްކާކުރުމާއި، އެއްމުވައްޒަފަކު އަނެއް މުވައްޒަފަކާއި ކުރަން ޖެހޭ މުއާމަލާތްތައް ފަސޭހަކަމާއެކު ކުރެވި އެއިގެ ލޮގްތައް ބެލެހެއްޓި މަސައްކަތުގެ ފެންވަރު ރަނގަޅުވެ ހަލުއިކުރުމަށް މަގު ފަހި ވެގެންދާނެއެވެ. އަދި މީގެ ތެރެއިން “މައިކްރޯސޮފްޓް ޓީމްސް” މެދުވެރިކޮށް އޮންލައި މީޓިންބޭއްވުމާއި އޮންލަިއކޯށް މަސައްކަތްކުރުމުގެ ފުރުސަތުވެސް ފަހިވެގެން ދާނެއެވެ.
ފުވައްމުލައް ސިޓީއަށް މައިކްރޯސޮފްޓް އޮފީސް365 ތައާރަފުކުރުން 2021 ސެޕްޓެމްބަރު
މީގެ ދުވަސްކޮޅެއް ކުރިން މައިކްރޯސޮފްޓް އޮފީސް365 ގެ ޚިދުމަތް އެނެމް ފުރަތަމަ ތައާރަފުކުރީ ކުޅުދުއްފުށި ސިޓީ ކައުންސިލަށެވެ.
އާއްމު ގިނަ ފަރާތްތަކަކުން ވެސް މައިކްރޯސޮފްޓް އޮފީސް365 ގެ ޚިދުމަތް ބޭނުންކުރަމުން އާދެއެވެ. އަދި ވަކިން ޚާއްސަކޮށް ދައުލަތުގެ ކުރަންފުނިތަކާއި މިނިވަން މުއައްސަސާތަކުގައި މިޚިދުމަތްތައް ބޭނުންކުރަން ފަށާފައިވާތާ އަހަރުތަކެއް ވެއްޖެއެވެ.
ޚިޔާލުތައް