މުހައްމަދު ޝިހާބް ޔުނިވާސަލް ކޮންސެޕްޓް އޮފް މެންޓަލް އެރިތުމެޓިކްސް ސިސްޓަމް (ޔޫސީމާސް) ޕްރޮގްރާމް ފުވައްމުލައް ސިޓީގައި ފަށަން ތައްޔާރުވެއްޖެއެވެ. ފުވައްމުލައް ސިޓީގައި މި ޕްރޮގްރާމު ކުރިޔަށްގެންދަނީ އިންސްޓިޓިއުޓް ފޯ މައިންޑް އެޑިއުކޭޝަން (އައިމީ) އިންނެވެ.
މި ޕްރޮގްރާމު ފުވައްމުލައް ސިޓީގައި ފެށުމަށް ޚާއްސަ ރަސްމިއްޔާތެއް މިއޮކްޓޯބަރު (2021) މަހުގެ 8 ވަނަ ދުވަހު ބޭއްވުމަށް ހަމަޖެހިފައިވާ ކަމަށް އައިމީއިން މީޑިއާއަށް ހިއްސާކުރި މައުލޫމާތުގައި ވެއެވެ. އެ ރަސްމިއްޔާތުގައި ބައިވެރިވާ ދަރިވަރުންގެ ތެރެއިން ގުރުއަތުން ހޮވޭ 3 ދަރިވަރަކަށް ފުރަތަމަ މަހުގެ ޕްރޮގްރާމް ފީ އައިމީގެ ފަރާތުން ސްޕޮންސާ ކުރާ ގޮތަށް ހަމަޖެހިފައިވާ ކަމަށް ހާމަކުރައްވައެވެ.
ޔޫސިމާސްގެ ކްލާސް – ހިސާބު އެބޭކަސް ބޭނުންކޮށްގެންމި ޕްރޮގްރާމު އައމީއިން ފުވައްމުލައް ސިޓީގައި ކުރިޔަގެންދަނީ ޔޫސީމާސްގެ ދިވެހިރާއްޖޭގެ ފްރެންޗައިޒާ އާއި ގުޅިގެންނެވެ. ޔޫސީމާސް-މޯލްޑިވްސް އާއި އައިމީ ގުޅިގެން ހިންގާ މިޕްރޮގްރާމުގައި ޔޫސިމާސްގެ ހުރިހާ ލެވެލެއްގެ ޕްރޮގްރާމްތައް ވެސް ފުވައްމުލަކުގައި ހިންގުމަށް ހަމަޖެހިފައި ވެއެވެ.
ޔޫސީމާސްގެ ޕްރޮގްރާމްތައް ފުވައްމުލައް ސިޓިގައި ހިންގާ އައިމީގެ ފައުންޑާ މެމްބަރު އަބްދުﷲ ރާޒީ ވިދާޅުވީ މިޕްރޮގްރާމަކީ ދަރިވަރުންގެ ސިކުނޑި ތަރައްގީކުރުމުގައި ވަރަށް ކާމިޔާބު ޕްރޮގްރާމެއް ކަމަށެވެ. މީގެއިތުރުން ރާޒީ ފާހަގަ ކުރެއްވި ގޮތުގައި މިޕްރޮގުރާމުގެ ތެރެއިން ދަރިވަރުންނަށް ދަސްކޮށްދެވޭނީ އަމިއްލަ ނަފުސު ކުރިއަރުވައި ތަރައްގީކޮށްދޭނެ ހުނަރުތަކެވެ. އެގޮތުން އަޑުއެހުން، ހަނދާނުގައި ކަންކަން ހަރުލެއްވުން، ކަންކަމަށް ސަމާލުކަންދިނުން، ވިސްނުން، ހޯދާދެނެގަތުން، ދިރާސާކުރުން، ކަންކަމުގައި ގޮތްނިންމުން ފަދަ ހުނަރުތަކެވެ.
ޔޫސީމާސްގެ ޕްރޮގްރާމަކީ އުމުރުން 04 އަހަރާއި 14 އަހަރުގެ ދަރިވަރުންނަށް އާމާޒުކޮށްގެން ހިންގާ މައިންޑް ޑްރިލިން ޕްރޮގްރާމެކެވެ. މި ޕްރޮގްރާމުގައި 10 ލެވެލް ހިމެނެއެވެ. އާއްމު އުސޫލެއްގެ ގޮތުން ދައިވަރުންގެ އުމުރާއި ގުޅޭ ގޮތަށް ލެވެލްތައް ތަރުތީބު ކުރެވިފައި ވިޔަސް ފުވައްމުލަކުގައި ހިންގާ މި ޕްރޮގްރާމްގައި ކޮންމެ ދަރިވަރަކުވެސް އެންމެ ފުރަތަމަ ބައިވެރިވާން ޖެހެނީ ބޭސިކް ލެވެލްގައި ކަމަށް ހާމަކުރައްވައެވެ.
ފުވައްމުލަކުގައި މިޕްރޮގްރާމްގައި ކިޔަވައިދޭނީ ޔޫސީމާސް މޯލްޑިވްސްގެ ފަރާތުން މި ޕްރޮގްރާމަށް ހާއްސަ ތަމްރީނު ކޮށްފައިވާ މުދައްރިސުން ކަމަށް މައުލޫމާތު ދެއްވައެވެ.
ދުނިޔޭގެ އެކި ގައުމުތަކުގައި ޔޫސީމާސްގެ ކްލަސްތައް
ޔޫސީމާސް ހިސާބުގެ ހުނަރުތައް ޚާއްސަކޮށް ހިތުހިސާބުގެ ހުނަރުތައް ދަސްކުރުމަށް އަމާޒުކުރެވިގެން މެލޭޝިއާގައި އުފެއްދި ޕްރޮގްރާމެކެވެ. މިޕްރޮގްރާމް ވަނީ 2008 ވަނަ އަހަރު އައިއެސްއޯ 9001 އަށް ސަޓިފައިކޮށްފައެވެ. މިޕްރޮގްރާމުގެ ބާނީއަކީ ޑޮކްޓާ އޮން އެވެ.
ޔޫސީމާސް މޯލްޑިވްސް އިން މާލެ އާއި ހުޅުމާލެ އާއި، އައްޑޫ ސިޓީ އާއި ކުޅުދުއްފުށި ސިޓީގައި ވެސް މިޕްރޮގްރާގެ ސެންޓަރުތައް ހިންގައެވެ. ޔޫސީމާސްގެ ފުވައްމުލައް ސިޓީގެ ޕްރޮގްރާމާ ގުޅޭގޮތުން އިތުރު މައުލޫމާތު ހޯއްދެވުމަށް 9682090، 7972103 އަށް ގުޅުއްވުމުން ލިބޭނެ އިންތިޒާމު ވަނީ ހަމަޖެހިފައެވެ.
ޚިޔާލުތައް