މުހައްމަދު ޝިހާބް ފުވައްމުލައް ސިޓީގައި މޯލްޑިވްސް އިސްލާމިކް ބޭންކް (އެމްއައިބީ)ގެ އިތުރު އޭޓީއެމް އެއް ބެހެއްޓުމުގެ މަޝްވަރާ ފުވައްމުލައް ސިޓީ ކައުންސިލާއެކު މިއަދުކޮށްފިއެވެ.
މިއަދު ފުވައްމުލައް ސިޓީ ކައުންސިލް އިދާރާގެ މީޓީން ރޫމުގައި ބޭއްވުނު މަޝްވަރާ ބައްދަލުވުމުގައި މިކަމަށް ވާހަކަދެކެވިފައިވާ ކަމަށް ފުވައްމުލައް ސިޓީ ކައުންސިލުން ހާމަކުރައްވައެވެ. މިއީ ސިޓީ ކައުންސިލުން އިސްނަގައިގެން ބޭއްވި ބައްދަލުވުމެކެވެ.
މޯލްޑިވްސް އިސްލާމިކް ބޭންކް. ފޮޓޯ ހަސަން އާޒިމް
ފުވައްމުލައް ސިޓިަގއި މިހާރު ހުންނަނީ އެމްއައިބީގެ އެންމެ އޭޓީއެމެކެވެ. އެއޭޓީއެމް ހުންނަނީ އިސްލާމިކް ބޭންގެ އިމާރާތުގައެވެ. މީގެ އިތުރުން ބީއެމްއެލްގެ 2 އޭޓީއެމް ބޭންކް އޮފް މޯލްޑިވްސް އިމާރާތުގައި ހުރެއެވެ. ނަމަވެސް ބައެއް ދުވަސްވަރު އޭޓީއެމް ތަކުގެ މައްސަލަ ޖެހުމާއި ކިއު ދިގުވެގެން ރައްޔިތުންނަށް ދަތިތަކެއް ފޯރާކަމުގެ ޝަކުވާ އޮވެއެވެ.
ފުވައްމުލަކު ބަނދަރު ސަރަހައްދުގައި އޭޓީއެމެއްގެ ޚިދުމަތް ލިބެން ހުރުން މުހިންމު ކަމަށް ގިނަ ބަޔަކު ފާހަގަކޮށް އެކަމަށް އެދި ސިޓީ ކައުންސިލާއެކު ވާހަކަ ދައްކާފައިވާކަމުގެ މައުލޫމާތު ލިބެއެވެ. ފުވައްމުލައް ސިޓީގައި ހުރި ހުރިހާ އޭޓީއެމެއް ވެސް ހުރީ ރަށުގެ މެދެއްހާ ހިސާބުގައެވެ. ވުމާއެކު ރަށުގެ ދެކޮޅުން މީހުންނަށް ފައިސާނެގުމަށް ދިގު ދަތުރެއް ކުރަންޖެހެއެވެ.
މިއަދު ފުވައްމުލައް ސިޓީ ކައުންސިޅާއި އެމްއައިބީ އާއެކު ބޭއްވުނު ބައްދަލުވުމުގެ ތެރެއިން. ފޮޓޯ؛ ފސކ
މއިަދު ސިޓީ ކައުންސިލާއި އެމްއައިބީއާއެކު ބޭވުނު ބައްދަލުވުމުގައި ފުވައްމުލައް ސިޓީގެ އިގުތިސާދު ކުރިއެރުވުމައްޓަކައި ދެ ފަރާތްތ ގުޅިގެން ކުރިވެން ހުރި މައްސައްކަތްތަކާއި ބެހޭގޮތުން ފުޅާ ދާއިރާއެއްގައި މަޝްވަރާ ކުރެވުނު ކަމަށް ސިޓީ ކައުންސިލުން ހާމަކުރައްވައެވެ.
ޚިޔާލުތައް