އިބްރާހިމް ލަތީފް ދިވެހިރާއްޖޭގެ ރައީސުލް ޖުމްހޫރިއްޔާ ކަމާއި ރައީސުލް ޖުމްހޫރިއްޔާގެ ނާއިބު ފައިސަލް ނަސީމު އިއްޔެ ހެނދުނު 6:00 ގައިވަގުތީ ގޮތުން ހަވާލުވެވަޑިގެން އެމަގާމުގެ ޒިންމާއާއި ވާޖިބުތައް އަދާކުރައްވަން ލިބިވަޑައިގަތީ 3:30 މިނެޓްގެ ވަގުތުކޮޅެކެވެ. ރައީސް އިބްރާހިމް މުހައްމަދު ސޯލިހް އިއްޔެ ހެދުނު ސާޖަރީއެއް ހެދުމަށް ރައީސުލްޖުމްހޫރިއްޔާ ކަމުގެ ޒިންމާތައް ނައިބު ރައީސް ފައިސަލް ނަސީމާ ހަވާލުކުރެއްވީ އިއްޔެ ހެދުނު 6:00 ގައި ރައްޔިތުންގެ މަޖިލީހުގައި ބޭއްވުނު ރައީސްކަމުގެ ހުވާކުރުމުގެ ރަސްމިއްޔާތަކަށްފަހުގައެވެ. އެއަށްފަހު އިއްޔެ ހެދުނު 9:30 ގައި އަލުން ރައީސްކަމުގެ ޒިންމާތަކާއި ވާޖިބުތަކާއި ރައީސުލްޖުމްހޫރިއްޔާ އިބްރާހިމް މުހައްމަދު ސާލިހު ހަވާލުވަޑައިގެންފައިވާކަމަށް ރައީސް އޮފީހުން ހާމަކުރެއެވެ.
ގާނޫނުއަސާސީގައި އޮންނަނީ ރައީސުލްޖުމްހޫރިއްޔާއަށް މަގާމުގެ މަސްއޫލިއްޔަތުތަކާއި ވާޖިބުތައް އަދާކުރުމަށް ވަގުތީގޮތުން އުޒުރުވެރިވެއްޖެ ކަމަށް ގަބޫލުކުރެވިއްޖެ ނަމަ، ސަބަބު ބަޔާންކޮށް އެކަން ރައްޔިތުންގެ މަޖިލީހުގެ ރައީސަށް ލިޔުމަކުން އަންގަން ޖެހޭނެ ކަމަށެވެ. އަދި ރައީސުލްޖުމްހޫރިއްޔާގެ މަސްއޫލިއްޔަތުތަކާއި ވާޖިބުތައް އަދާކުރުމަށް ރައީސުލްޖުމްހޫރިއްޔާގެ ނައިބާ ހަވާލުކުރަން ޖެހެ އެވެ. ރައީސުލްޖުމްހޫރިއްޔާ އޭނާގެ މަގާމުގެ މަސްއޫލިއްޔަތު އަދާކުރުމަށް އަލުން ހަވާލުވާންވާނީ އެކަން ރައްޔިތުންގެ މަޖިލީހުގެ ރައީސަށް ލިޔުމަކުން އެންގުމަށްފަހުގަ އެވެ.
ރައީސް އޮފީހުން ބުނީ ގާނޫނުއަސާސީގައި ބުޏާ ގޮތަށް، އަލުން ޒިންމާތަކާ ހަވާލުވެވަޑައިގެން ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް އެކަން 9:30 ގައި އަންގަވާފައިވާ ކަމަށެވެ. އެހެންވެ އެ ހިސާބުން ނައިބު ރައީސްގެ ކިބައިން ރައީސްގެ ޒިންމާތައް ވަކިވެ އަލުން ރައީސަށް ބާރުތައް ލިބިވަޑައިގަންނަވާނެ އެވެ.
ތައިރޮއިޑްގެ ސާޖަރީއަށް ފަހު ރައީސް ކުރެއްވި ޓްވީޓެއްގައި ވިދާޅުވީ ހާލުކޮޅު ރަނގަޅު ކަމަށެވެ. އެ ޓްވީޓްގައި ރައީސް ވަނީ އެ މަނިކުފާނަށް ހެޔޮ ދުއާކޮށްދެއްވި އެންމެންނަށް ޝުކުރު އަދާކުރައްވައިފަ އެވެ.
ޚިޔާލުތައް