ޞާލިޙް 12 މީހުންނާއެކު ދަތުރުކުރި ލޯންޗެއްގެ ވިންޑް ސްކްރީން ތަޅައިގެން ގޮސް ގެއްލުން ވެއްޖެއެވެ.
މެރިން ޕޮލިސް އިން މައުލޫމާތު ދީފައިވާ ގޮތުން، މިއަދުގެ 08:08 ހާ އިރު އއ. އަތޮޅުން 12 މީހުންނާއެކު މާލެއަށް ދަތުރު ކުރަމުން ދިޔަ “ސަނޯރާ ވޭކް” ނަމަކަށް ކިޔާ ލޯންޗެއް ކ. ގިރާވަރު ކައިރިން ވިންޑްސްކްރީން ތަޅައިގެން ގޮސް ލޯންޗް ތެރެއަށް ވަނީ ރާޅު އަރާފައެވެ.
އެގޮތުން ލޯންޗަށް ރާޅު އަރަމުން ދިޔުމާ ގުޅިގެން، އެ ލޯންޗުން ދަތުރު ކުރި 12 މީހުން ރައްކާތެރި ކަމާއެކު މާލެ ގެނެވިފައި ވާކަމަށްވެސް މެރިން ޕޮލިސް އިން ވަނީ މައުލޫމާތު ދީފައެވެ.
މި ދުވަސްވަރަކީ ރާއްޖެއަށް މޫސުން ގޯސް ދުވަސް ވަރަކަށް ވާތީ ދަތުރު ފެށުމުގެ ކުރިން މޫސުމާއި ބެހޭ އެންމެ ފަހުގެ މައުލޫމާތު ހޯދުމަށް ފުލުހުން ވަނީ އިލްތިމާސްކޮށްފައެވެ. އަދި ދަތުރރުފަތުރުކުރުމުގައި މޫސުމަށް ޚާއްސަ ސަމާލުކަމެއް ދިނުމަށް މޫސުމާ ބެހޭ ޤައުމީ އިދާރާއިންވެސް ވަނީ އިލްތިމާސްކޮށްފައެވެ.
ޚިޔާލުތައް