އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާގެ މުވައްޒަފުންނަށް އަމާޒުކޮށްގެން 3 ދުވަހުގެ “ޖެންޑަރ ސެންސިޓައިޒޭޝަން އަދި މެއިންސްޓްރީމިންގ ޓްރެއިނިންގ އޮފް ޓްރެއިނަރސް (ޓީއޯޓީ)” ޕްރޮގްރާމެއް ފަށައިފިއެވެ.
މި މަހުގެ 22 ވަނަ ދުވަހުން 24 ވަނަ ދުވަހުގެ ނިޔަލަށް ކުރިއަށް ގެންދާ މި ޕްރޮގްރާމްގެ މައިގަނޑު މަޤުސަދަކީ އެހެން ފަރާތްތަކާއި މުއައްސަސާތަކަށް ކުރިއަށް ގެންދެވޭނެ ތަމްރީނު ލިބިފައިވާ ފެސިލިޓޭޓަރުންގެ މައި ގްރޫޕެއް މިނިސްޓްރީގައި އުފެއްދުމުވެ. މި ޓީއޯޓީގެ ފެސިލިޓޭޓަރުންގެ ގޮތުގައި ބައިވެރިވެވަޑައިގަންނަވަނީ މިދާއިރާގައި ފުންނާބުއުސް ދެބޭފުޅުން ކަމުގައިވާ ފެމިލީ ޕްރޮޓެކްޝަން އޮތޯރިޓީ (އެފްޕީއޭ)ގެ ސީއީއޯ އާމިނަތު ޝިރާނީ ނައީމް އަދި ހޯޕް ފޯ ވިމަންގެ ޗެއާޕަރސަން އަޙްމަދު އަންވަރު އެވެ.
މި ޓީއޯޓީގެ ސަބަބުން އެންމެހާ މުވައްޒަފުންނަށް “ޖެންޑަރ ރެސްޕޮންސިވް ބިހޭވިއަރތަކާއި”، މިންތީގެ ހަމަހަމަކަމާ ގުޅުންހުރި މަފްހޫމްތަކާއި މަސައްކަތްތައް ދެނެގަނެ، މިންތީގެ ހަމަހަމަކަމަށް މަސައްކަތްކުރާ ފަރާތްތަކުގެ ނެޓްވޯކެއް އުފެއްދި، އެންމެހާ މުވައްޒަފުންގެ މެދުގައި މިންތީގެ ހަމަހަމަކަން ގާއިމްކުރުމަށް އެއް ގޮތަކަށް އަދި އެއް ބަހުރުވައަކުން މަސައްކަތްކޮށް ކުރިމަގުގައި ޓްރެއިނިންތައް ހިންގުމަށް މަގުފަހިވެގެންދާނެއެވެ.
ޚިޔާލުތައް