އަންހެނުންގެ ބައިވެރިވުން ހިމެނޭ ކުދި އަދި މެދު ފަންތީގެ ދަނޑުވެރިކަމުގެ ވިޔަފާރިތަކަށް މާލީ އެހީ ހޯދުމަށް ޕްރޮޕޯސަލް ހުށަހެޅުމުގެ ފުރުސަތު ހުޅުވާލައިފިއެވެ.
ދަނޑުވެރިކަމާއި ދިރޭތަކެއްޗާ ބެހޭ ވުޒާރާއިން ބުނީ މި ފުރުސަތު ހުޅުވާލާފައިވަނީ ކޮމަން ފަންޑް ފޯ ކޮމޯޑިޓީސްގެ ފަރާތުންކަމަށާއި މި ފުރުސަތު ހާއްސަ ކުރެވިފައިވަނީ ރާއްޖެފަދަ ތަރައްގީވަމުން އަންނަ ކުދި ޖަޒީރާ ގައުމުތަކަށް ކަމަށެވެ.
މި ފުރުސަތުގެ ދަށުން ލޯނަށް އެދުމަށް ހުޅުވާލާފައިވާ ކެޓެގަރީތަކަކީ:
- ދަނޑުވެރިކަމުގެ އީޖާދީ އައު ޓެކްނޮލޮޖީތައް
- ދެމެހެއްޓެނެވި ދަނޑުވެރިކަމަށް
- އިޔާދަކުރަނިވި ހަކަތައިގެ ހައްލުތަކަށް
- ޑިޖިޓަލް ދަނޑުވެރިކަމަށް
- މޫސުމާއި ރައްޓެހި އުސޫލުތަކަށް
- ބްލޮކް ޗެއިންފަދަ ޒަމާނީ ޓެކްނޮލޮޖީ ބޭނުންކޮށްގެން އެކުއިޓީ ކަށަވަރުކުރުމަށް
ދަނޑުވެރިކަމާބެހޭ ވުޒާރާއިން ބުނެފައިވަނީ ލޯނަށް އެދި ޕްރޮޕޯޒަލް ހުށަހަޅާ ޕްރޮޖެކްޓްތައް ވާންޖެހޭނީ އޮޕަރޭޝަނަލީ އަދި މާލީގޮތުން ދެމެހެއްޓެނެވިކަމާއެކު އިގްތިސާދީ އިޖުތިމާއި އަދި ތިމާވެށީގެ ގޮތުން ދެމެހެއްޓެނެވި ޕްރޮޖެކްޓަކަށް ކަމަށެވެ.
މި ފައިސާގެ އެހީއަށް އެދި ޕްރޮޕޯސަލް ހުށަހެޅުމުގެ ފުރުސަތު ހުޅުވާލާފައިވަނީ 29 ސެޕްޓެމްބަރު 2025 ގެ ނިޔަލަށެވެ.
ޚިޔާލުތައް