މި މަހުގެ 14 ވަނަ ދުވަހުން ފެށިގެން ގެއްލިގެން ހޯދަމުންދާ މާލެ، ގ. ގާރނެޓް، އުމުރުން 30 އަހަރުގެ ޙަޞަން ޔާމީން ސިނަމާލެ ބްރިޖްމަތިން ފުންމާލާ މަންޒަރު ފެނިފައިވާކަމަށް ފުލުހުން ބުނެފިއެވެ.
ޔާމީން ގެއްލިގެން ފުލުހުންނަށް ރިޕޯޓްކުރީ 14 ޖުލައި ގައި ނަމަވެސް އޭނާ މާލޭގައި ދިރިެުޅޭ ގެއިން ނިކުމެގެން ދިޔައީ ޖަުލައި 11 ވަނަ ދުވަހުގެ 21:25 ހާއިރެވެ. އޭގެ ފަހުން އޭނާގެ ޚަބަރެއް ނުވެގެން އާއިލާއިން ފުލުހުންނަށް ރިޕޯޓްކޮށްފައިވާއިރު އޭނާ ހޯދުމުގެ މަސައްކަތް ފުލހުން އަންނަނީ އެދުވަހުން ފެށިގެން ކުރަމުންނެވެ. ނަމަވެސް މިއަދު މީޑިއާތަކަށް މައުލޫމާތު ދެމުން ފުލުހުން ބުނެފައިވަނީ އޭނާ ހޯދުމަށް ސީސީޓީވީ ފުޓޭޖްތައް ދިރާސާކުރަނިކޮށް، 13 ޖުލައިގެ ފަތިހު 03:24 ހާއިރު އޭނާ ސިނަމާލެ ބްރިޖުން މޫދަށް ފުންމާލާ މަންޒަރު ފެނިފައިވާކަމަށާއި، އެކަން އާއިލާއާވެސް މިހާރު ހިއްސާކޮށްފައިވާނެކަމަށެވެ.
މެރިން ޕޮލިހާއި މޯލްޑިވްސް ނޭޝަނަލް ޑިފެންސް ފޯސް، އެމްއެންޑީއެފްގެ ކޯސްޓް ގާޑް ގުޅިގެން އޭނާ ހޯދުމުގެ މަސައްކަތް މިހާރު ދަނީ ކުރަމުންކަމަށް ފުލުހުން ވަނީ ބުނެފައެވެ.
ޚިޔާލުތައް