މިނިވަންކަން ދެމެހެއްޓުމަށް ގައުމީ އަދި ފަރުދީ ފުދުންތެރިކަން އިތުރުކުރުން މުހިންމުކަމަށް ކުރީ ރައީސް އިބްރާހީމް މުޙައްމަދު ޞާލިޙް ވިދާޅުވެއްޖެއެވެ.
ރައީސް ސޯލިހު މިފަދައިން ވިދާޅުވީ، ދިވެހިރާއްޖޭގެ ފަހުރުވެރި މިނިވަންދުވަހުގެ މުނާސަބަތުގައި މިއަދު ކުރެއްވި ޕޯސްޓެއްގައެވެ.
މިއަދު ދިވެހިރާއްޖެއަށް މިނިވަންކަން ލިބުނުތާ 60 އަހަރު ފުރޭ އުފާވެރި މިނިވަން ދުވަހުގެ ތަހުނިޔާ، އެންމެހާ ދިވެހި ރައްޔިތުންނަށް ރައީސް ސޯލިހު ވަނީ އަރިސްކުރައްވާފައެވެ. ރައީސް ސޯލިހުގެ މެސެޖުގައި އިތުރަށް ބަޔާންކުރައްވާފައި ވަނީ، ގައުމީ މިނިވަންކަން ދެމެހެއްޓުމަށްޓަކައި އިގްތިސާދީ ގޮތުންނާއި އިޖްތިމާޢީ ގޮތުން ފުދުންތެރި ބަޔަކަށް ވުމުގެ މުހިންމުކަމެވެ.
އަދި ދިވެހީންނަކީ އަބަދުވެސް ދިވެހިންގެ ކަންކަމުގައި އެންމެ ފަހު ބަސް ބުނާ ބަޔެއް ކަމުގައި ލެއްވުމަށާއި، ގައުމިއްޔަތުގެ ނަވުގެ މަންޒިލު އަމިއްލައަށް ކަނޑައަޅާ، އަދި ކުރިމަގު އަމިއްލައަށް ކޮށައި ބައްޓަންކުރާ ބަޔެއްގެ ގޮތުގައި އަބަދުމެ ލެއްވުން އެދި ރައީސް ޞާލިޙް ވަނީ ދުއާ ކުރައްވާފައެވެ.
ޚިޔާލުތައް