ޞާލިޙް މާލޭ ޗާންދަނީ މަގުގައި ހުންނަ އެމްޑީޕީގެ ދަޑިކޮށި ޖަގަހަ، މައި ހަރުގެ އަށް ރޭ ބަޔަކު ކަޅު ތެޔޮ ޖަހައިފިއެވެ.
ފުލުހުން ބުނީ މި މައްސަލަ ފުލުހުންނަށް ރިޕޯޓް ލިބުނީ ރޭ 1:30 ގައި ކަމަށެވެ. މި މައްސަލައާއި ގުޅިގެން މ . ސްޓާރ މުހައްމަދު ރަޒީން 49 ވަނީ ފުލުހުންގެ ބެލުމުގެ ދަށަށް ގެންގޮސްފައި ކަމަށެވެ.
މި މައްސަލަ ފުލުހުން ގެންދަނީ ތަހްގީގް ކުރަމުން ކަމަށްވެސް ފުލުހުން ވަނީ ބުނެފައެވެ.
އެމްޑީޕީ ހަރު ގެއަށް ކަޅުތެޔޮ ޖަހާފައިވާއިރު، އިއްޔެ އެމްޑީޕީން ވަނީ ބޮޑު ހިނގާލުމެއް ބާއްވާފައެވެ. އެއީ އެމްޑީޕީއަށް 20 އަހަރު ވުމާއި ގުޅިގެން ކުރިއަށް ގެންދިޔަ ހަރަކާތެކެވެ. ހަރުގެއަށް ކަޅުތެޔޮ ޖަހާފައިވާތީ އެޕާޓީ ގެ މީހުން ދަނީ އެކި ގޮތަށް ވާހަކަ ދައްކަމުންނެވެ. އެގޮތުން ބައެއް މީހުން ބުނީ އެމްޑީޕީ ހަރުގެއަށް ކަޅު ތެޔޮ ޖަހާފައިވަނީ އެމްޑީޕީގެ އެއްވުން ފެނި ބަޔަކަށް ހަޖަމް ނުވެގެން ކަމަށެވެ. ނޫނީ ހަރަކާތުގައި ބައިވެރިވި މީހުން ފެނި ކަންބޮޑުވެގެން ކަމަށެވެ.
ޚިޔާލުތައް