ހއ. އަތޮޅުން ފެށިގެން ލ. އަތޮޅާ ހަމައަށް ވައިޓް އެލަރޓް ނެރެފި

ވައިގަދަވާނެ ކަމަށް ލަފާކޮށް ގައުމީ މޫސުމާ ބެހޭ އިދާރާ، މެޓް އޮފީހުން ރާއްޖޭގެ ބޮޑު ސަރަހަށްދަކަށް ވައިޓް އެލަރޓް ނެރެފިއެވެ.

މެޓުން އެލަރޓް ނެރެފައިވަނީ ހއ. އަތޮޅުން ފެށިގެން ލ. އަތޮޅަށެވެ. އެއީ މިއަދު ހަވީރު 16:00 އިން ފެށިގެން މިރޭ 21:00 އަށެވެ.

އެލަރޓުގައި ބުނެފައިވަނީ ބޯކޮށް ވާރޭވެހުމާއެކު ގުގުރާނެ ކަމަށް ލަފާކުރެވޭ ކަމަށެވެ. އަދި ވިލާގަނޑުގައި ގަޑިއަކު 40 މޭލަށް ވައިގަދަވާނެ ކަމަށް ވެސް ލަފާކޮށްފައިވެއެވެ.

މެޓް އޮފީހުން ކުރިން އޮތީ މިއަދު ހެނދުން 10:00 އިން ހަވީރު 16:00 އަށް ހއ އިން މ އަތޮޅާ ދެމެދަށްވެސް ވައިޓް އެލަރޓް ނެރެފައެވެ.