މުހައްމަދު ޝިހާބް މާލެއިން ހުޅުލެއަށް ކަނޑުމަގުން ދިއުމަށް މިހާތަނަށް އާއްމުކޮށް ބޭނުންކުރަމުން އައި ފެރީ ސްޓޭންޑު ބަދަލުކޮށް ހުޅުލޭ ފެރީ، ޓާމިނަލް އިން ފުރާ ގޮތަށް ހަމަޖައްސައިފިއެވެ.
އެއާޕޯރޓް ފެރީ އޮޕަރޭޓަރސް އެސޯސިއޭޝަނުން އިހަށްދުވަހު ނެރެފައިވާ އާއްމު ނޯޓިސްގައިވާ ގޮތުން މިއަދު 25 ފެބުރުއަރީން ފެށިގެން މާލެ-ހުޅުލޭ ފެރީ މާލެއިން ފުރާނީ އެމްޓީސީސީގެ ހުޅުމާލެ ފެރީ ޓާމިނަލް (ފެންނާ ގިމަތަ) އިން ކަމަށް ބަޔާންކޮށްފައި ވެއެވެ.
ފާއިތުވި އަހަރު މާލެ-ހުޅުލެ ބްރިޖު ހުޅުވުމާއި ގުޅިގެން ކަނޑުމަގުން ހުޅުލެއަށް އަދި ހުޅުމާލެއަށް ދަތުރުކުރާ މީހުން ވަރަށް ބޮޑަށް މަދުވެ އެމްޓީސީސީގެ ފެރީ ޓާމިނަލް ވަނީ ވަރަށް ބޮޑަށް ހުސްވެފައެވެ. ދަތުރުތައް ވަނީ ވަރަށް ބޮޑު މަދުވެފައެވެ.
މިބަދަލާއެކު ފެރީ ދަތުރުވެރިންނަށް ވަރަށް ބޮޑުތަން ފަސޭހަވެ ފެންވަރު ރަނގަޅު ޚިދުމަތެއް ލިބިގެންދާނެ ކަމަށް ބެލެވެއެވެ.
ޚިޔާލުތައް