އިބްރާހިމް ލަތީފް ފުވައްމުލަކުގެ ބަދަރުގެ ޖާގައިގެ ދަތިކަން ހައްލުކުރުމަށް ޑެންމާކް ސަރުކާރުން އިތުރު 22 މިލިއަން ރުފިޔާ ޚަރަދުކުރުމަށް ހަމަޖެހިފައިވާ ކަމަށް އެމްޑީޕީގެ ރައީސް މުހައްމަދު ނަޝީދު ވިދާޅުވެއްޖެއެވެ. ރައީސް ނަޝީދު މިހެން ވިދާޅުވީ ފުވައްމުލަކު އުތުރު ރައްޔިތުންނާ ބައްދަލުކުރައްވާ މިއަދު ދެއްކެވި ވާހަކަފުޅުގައެވެ. އާންމު ފަރާތަކުން ކުރި ސުވާލަކަށް ޖަވާބު ދެއްވަމުން ރައީސް ނަޝީދު ވިދާޅުވީ ފުވައްމުލަކު ބަދަރު ތަރައްގީކުރި ޑެންމާކްއިން (ސަރުކާރުން) ފުވައްމުލަކުގެ ބަދަރަށް ދިމާވެފައިވާ ޖާގައިގެ ދަތިކަން ހައްލުކުރުމަށް 22 މިލިއަން ރުފިޔާ ހަމަޖައްސާ، މަސައްކަތް ފެށުމުގެ ކުރިން ކުރަންޖެހޭ ދިރާސާކުރުމަށް ބޭނުންވާ ކޮންސަލްޓެންޓުން ވަރަށް އަވަހަށް ފުވައްމުލަކަށް އަންނާނެކަމަށެވެ.
ފުވައްމުލަކުގެ ބަދަރު ބޭނުންކުރުމަށް ފަށާފައިވަނީ 2003 ވަނައަހަރުއެވެ. ފާއިތުވީ 16 އަހަރުތެރޭ ފުވައްމުލަކުގެ ބަދަރު ބޭނުންކުރާ އޮޑިދޯނިފަހަރު އިތުރުވުމުގެ އިތުރުން ގިނަ އަދަދެއްގެ ސަފާރީތައްވެސް ފުވައްމުލަކުގެ ބަދަރު ބޭނުންކުރަން ފެށުމާއިއެކު ބަދަރުގެ ޖާގައިގެ ދަތިކަން ވަނީ ދިމާވާންފަށާފައެވެ. ޑެންމާކްގެ ހޯގާޑް ކުންފުނިން ތަރައްގީކުރި ބަދަރު ކުޑަކަމުގެ ޝަކުވާއޭރުވެސް ބައެއް ރައްޔިތުން ދިޔައީ ކުރަމުންނެވެ.
ފުވައްމުލަކުގެ ބަދަރު ޑިޒައިންކޮށްފައިވަނީ ބޭރުތޮށިގަނޑުވެސް ބޭނުންކުރެވޭ ގޮތަށެވެ. 2017 ވަނަ އަހަރުތެރޭ ފުވައްމުލަކުގެ ބަދަރު މަރާމާތުކުރި ނަމަވެސް، މޫސުން ރަގަޅު ދުވަސްތަކުގައި ނޫނީ ބަދަރުގެ ބޭރުތޮށިވެސް ބޭނުމެއް ނުކުރެއެވެ.
ޚިޔާލުތައް
2 ވަނަ ވަގުތު ނޫސް ހަމަ މީހަކު އެއްްްޗެކޭ ބުނާ އިރަށް ރަން ބުއްދި އަށް އަރާ އެއްޗެއް ލިޔެލަނީ.ކޮބާ ތިޔަ ކަމުގަ ސަރުކާރުގެ ބަސް ރައީސް ނަޝީދު ތި ވިދާޅުވީ ސަރުކާރުގެ ބަސް ކަމަށްތަ ތި ބުނަނީ.ރައްޔިތުންނަށް ޢޮޅުވާލުން!!!!
ޜައީސްމީހާ މިހާރު އޮޅިއްޖެ އެހެންނާފަހެ މިފަދަ ޕްރޮޖެކްޓް ތަކުގެ ވާހަކަ ރައްޔިތުންނާ ހިއްސާ ކުރުމަކީ ރައީސްގެ ކަމެއް ކަމަށް ދެކެން އެކަމަކު މިފަދަ ހުރިހާ ކަމެއް ކުރާތަން މިފެންނަނީ ފޭބި ރައީސްމީހާ