އިބްރާހިމް ލަތީފް ލޭމައްޗަށް ދިއުމާއި ހަކުރުބަލި ހުންނަ މީހުންނަށް ޚާއްސަކޮށްގެން ގުރުދާގެ (ކިޑްނީގެ) ބަލިތަކާއި ބެހޭ މަޢުލޫމާތު ދިނުމުގެ ވަރަށް މުހިއްމު ބައްދަލުވުމެއް ފުވައްމުލަކު ހޮސްޕިޓަލުގައި އަންނަ ހޮނިހިރު ދުވަހު ބޭއްވުމަށް ހަމަޖެހިފައިވާ ކަމަށް ފުވައްމުލަކު ހޮސްޕިޓަލުން ހާމަކުރެއެވެ. މިބައްދަލުވުން އޮންނާނީ އަންނަ ހޮނިހިރު ދުވަސް ކަމަށްވާ 22 ޖޫން ވަނަ ދުވަހު ހެދުނު 9.30 ގައި ފުވައްމުލަކު ހޮސްޕިޓަލުގެ މީޓިން ރޫމުގައެވެ.
މިބައްދަލުވުމުގައި ހަކުރު ބައްޔާއި ލޭމައްޗަށް ދިއުމާއި ކިޑުނީ ބައްޔާއި ހުރިގުޅުމާއި ބެހޭ މައުލޫމާތު ދިނުމުގެ އިތުރުން، ކިޑުނީ ބަލިތަކާއި ބެހޭ މައުލޫމާތާއި އެބަލިން ރައްކާތެރިވުމާއި ގުޅޭ މައުލޫމާތު ދެވޭނެއެވެ. މީގެ އިތުރުން، ލޭގެ ޕްރެޝަރ ބެލުމާއި ހަކުރު ހުރި މިންވަރުވެސް ބަލައިލެވޭނެ ކަމަށް ހޮސްޕިޓަލުން ހާމަކުރެއެވެ.
ކިޑުނީ ގެ ބަލިތަކަކީ ފުވައްމުލަކާއި ރާއްޖޭގައިވެސް އާންމު ބައްޔެކެވެ. މިބަލީގެ ސަބަބުން ކިޑުނީ ބަދަލު ކޮށްފައިވާ ފަރާތްތަކާއި ކިޑުނީ ބަދަލުކުރަންޖެހިފައިވާ ފަރާތްތައް ގިނައެވެ.
ޚިޔާލުތައް