ސާއިމް މޫސާ ފުވައްމުލަކު ދިގުވާނޑު އަރުއްފަންނު ސަރަހައްދުގައި ބާބަކިއު ހަނދާނެ ސަރަހައްދެއް ހުދުމަށް ދިގުވާނޑު ކައުންސިލުން ނިންމައިފިއެވެ.
މިކަލް ނޫހަ މައުލޫމާތު ދެއްވަމުން ދިގުވާނޑު ކައުންސިލްގެ މެމްބަރ އަލީ ޒައިދު (ޒައިޑޭ) މިއަދު ވިދާޅުވީ އަރުއްފަންނު ސަރަހައްދުގައި ހެދުމަށް ހަމަޖެހިފައިވާ ބާރބަކިއު އެރިއާގެ އަމަލީ މަސައްކަތް މި އަންނަ ހަފްތާގެ ތެރޭގައި ފެށޭވަރުވާނެ ކަމަށާއި އަދި މި މަސައްކަތް 15 ވަރަކަށް ދުވަހުގެ ތެރޭގައި އެއްކޮތް ނިންމާލެވޭ ވަރު ވާނެ ކަމަށެވެ.
މި މަސައްކަތް ނިމުމަށްފަހު މިސަރަހައްދުގައި ބާރބަކިއު ހަނދާފަރާތްތަކުން މި ސަރަހައްދުގެ ސާފްތާހިރުކަމަށް އިސްކަން ދެއްވުމަށް ދިގުވާނޑު ކައުންސިލްގެ ފަރާތުން އެިދލައްވައެވެ.
“މި ސަހަރައްދު ބޭނުންކުރާ ފަރާތްތަކުން،ބާރބަކިއު ހެދުމަށްފަހު އުކާލަންޖެހޭ ތަކެތި ޑަސްބިނަށް އެޅުމަކީ އަޅުގަނޑުމެންގެ (ދިގުވާނޑު ކައުންސިލް) ގެ ވަރަށް ބޮޑު އެދުމެއް” ޒައިޑޭ ވިދާޅުވިއެވެ.
އާންމުކޮށް މުޅި ރަށުގެ ރައްޔިތުންނަށް ބޭނުންކުރެވޭ ގޮތަށް ދިގުވާނޑު ކައުންސިލުން ހަދުމަށް ހަމަޖެހިފައިވާ މި ބާރބަކިއު އެރީއާގައި 2 ބާރބަކިއު ޕިޓް އާއި 2 މޭޒްގެ އިތުރުން، ވަށައިގެން ބެންޗެ ޖަހުމަށް ވަނީ ހަމަޖެހިފައިވެއެވެ.
ޚިޔާލުތައް