މުހައްމަދު ޝިހާބް އެމްއެންޑީއެފްގެ ކޯސްޓްގާޑުގެ ޓީމަކާއި ފުވައްމުލަކު ޕޮލިސް ސްޓޭޝަނުގެ ޓީމަކާއި ދެމެދު އިއްޔެ ހަވީރު ފުވައްމުލަކު ރަސްމީ ބޯޅަ ދަނޑުގައި ކުޅެވުނު ފުޓުސަލް މެޗު ނިމުނީ 6-6 ން ދެޓީމު އެއްވަރު ވެގެންނެވެ. ކޯސްޓްގާޑުން މިހާރު ފުވައްމުލަކަށް ކުރަމުންދާ ދަތުރެއްގެ ތެރެއިން ކުޅެވުނު މިމެޗަކީ ސަލާމަތީ ބާރުތަކުގެ މުވައްޒަފުންގެ މެދުގައި އެކުވެރިކަން ބަދަހި ކުރެވުމުގެ ގޮތުން ކުޅެވުނު މެޗެކެވެ.
ކޯސްޓްޑުގެ މިދަތުރުގައި ފުވައްމުލަކު ތައުލީމީ މަރުކަޒުގެ ދަރިވަރުންނަށް މައުލޫމާތު ދިނުމުގެ ސެޝަންތަކެއް ބޭއްވުމުގެ އިތުރުން ހޭޒްގެ ރެއިންބޯ ޔުނިޓުގެ ދަރިވަރުންނަށް ކޯސްޓްގާޑު ޝިޕަށް ވިޒިޓު ކުރުމަށް ފުރުސަތު ދިނުމަށް ހަމަޖެހިފައިވާ ކަމަށް މައުލޫމާތު ލިބެއެވެ.
ފުވައްމުލަކަށް ކޯސްޓްގާޑުގެ ވިޒިޓްތައް އެހާ އާއްމުނުވި ކަމުގައި ވިޔަސް މަދު މަދުން ކޯސްޓްގާޑުގެ ދެކުނު ގޮފީގެ އުޅަނދުތައް ފުވައްމުލަކުގެ ބަނދަރުން ފެނެއެވެ. ނަމަވެސް ރަށުގެ އިޖުތިމާއީ ކަންކަމުގައި ބައިވެރިވާތަން ފެނިފައެއް ނުވެއެވެ.
ކޯސްޓްގާޑުގެ މިފަދަ އާއްމު ޚިދުމަތަކީ ފުވައްމުލަކުގެ ގިނަބަޔަކު ބަލައިގެންނާނެ އަދި އިތުރަށް ލިބުމެށް އެދޭ ކަންކަން ކަމުގައި މިކަލް ނޫހާއި ވާހަކަ ދައެއްކި ފުވައްމުލަކު ރައްޔިތަކު ހާމަކުރިއެވެ.
ޚިޔާލުތައް