މުހައްމަދު ޝިހާބް ފުވައްމުލަކުގައި ނަޒާހަތްތެރިކަމުގެ ފޯވައްސެއް ފާހަނގަ ކުރަމުންދާއިރު އެންމެ ފުރަތަމަ ނަޒާހަތްތަރި ވާންޖެހޭނީ އޭސީސީ ކަމަށް އިދިކޮޅު އެމްޑީޕީގެ ފުވައްމުލަކު އުތުރު ދާއިރާގެ ރައީސް އިބްރާހިމް ސައީދު ވިދާޅު ވެއްޖެއެވެ. ސައީދުގެ ފޭސްބުކްގައި އާއްމު ކުރައްވާފައިވާ ގޮތުން އޭސީސީގެ މެންބަރުންގެ ނަޒާހަތްތެރިކަމާއި މެދު ވަނީ ތުހުމަތުތަކެއް ކުރައްވާފައެވެ.
އޭސީސީ (އެންންޓި ކަރަޕްޝަން ކަމިޝަން) ގެ މެމްބަރުންގެ މުސާރައާއި ނުބައްދަލު އަގުބޮޑު ދިރުއުޅުއްވުގެ ހަގީގަތް އާއްމުނަށް ހާމަކޮށް ދޭން ޖެހޭ ކަމަށް ސައީދު ވިދާޅުވިފައި ވެއެވެ. އަދި އެކަމާއި ރައްޔިތުން ސުވާލު އުފައްދާ ކަން ވެސް ހާމަކޮށްފައި ވެއެވެ. މިކަލް ނޫހަށް މައުލުމާތު ދެއްވަމުން ސައީދު ވިދާޅުވީ 2.5 މިލިޔަން ރުފިޔާގެ އެޕާޓްމެންޓެއް އޭސީސީގެ ރައީސަށް ލިބޭ މުސާރައިން ގަނެވޭނެކަމަށް ގަބޫލުނުކުރެވޭ ކަމަށެވެ. އެއީ ނަޒާހަތްތެރި ބޭފުޅެއް ކަމުގައި ވާނަމަ ރައްޔިތުންނަށް އެމުއާމަލާތު ސާފުކޮށް ދީ ރައްޔިތުންގެ ހިތްތަކުން އެބޭފުޅުން ލޯބި ހޯއްދަވައިގަންނަން ޖެހޭ ކަމަށެވެ. ނަމަވެސް އެއިގެ އެއްވެސް ކަމެއް ނެތި އެހެން މީހުން ނަޒާހަތްތެރި ކުރުވުމަށް އުޅުއްވީމަ ބަލައިގަންނަން ދަތީ ކަމަށް ސައީދު ވިދާޅުވިއެވެ.
ނަޒާހަތްތެރި ވާން ޖެހެނީ ވަކި ބަޔެއްތޯ ސައީދު ސުވާލު އުފެއްދެވިއެވެ؟ ސަރުކާރުގެ ބޮޑު ކަރަޕްޝަން އޮތްވައި އާދައިގެ ނިކަމެތި ރައްޔިތުމީހާގެ ކުދިކުދި ކަރަޕްޝަން މައްސަލަ ބަލައި ހުކުމް ކުރެވެމުންދާއިރު މުޅި ދައުލަތަށް ގެއްލުން ދެނިވި ބޮޑެތި ކޮރަޕްޝަންތައް ހުރިގޮތަށް ބަހައްޓަވާފައި ރަށްރަށަށް އަންނާތީ ސުވާލު އުފެދެނީ ކަމަށެވެ.
ވަކިން ޚާއްސަކޮށް އޭސީސީގެ ރައީސް ހަސަން ލުތުފީގެ އަގުބޮޑު ދިރިއުޅުއްވުން އޭނާގެ ނަޒާހަތްތެރިކަމާއި މެދު ސުވާލު އުފައްދާ ކަމަށް ހާމަކުރައްވާފައި ވެއެވެ. އޭސީސީގެ މެންބަރުންނަކީ ވިޔަފާރި ކުރެއްވުން ގާނޫނީ ގޮތުން މަނާ ބަޔަކަށް ވާއިރު އެބޭފުޅުންގެ މުސާރައާއި ނުބައްދަލު ދިރިއުޅުއްވުން އެބޭފުޅުންނާއި މެދު އާއްމުން ޝައްކުގެ ނަޒަރަކުން ބެލުމަށް ފުރުސަތު ހުޅުވިގެންދާ ކަމަށް ދޭހަކޮށްދޭ ކަމަށް ސައިދު ވިދާޅުވިއެވެ.
މާކެޓް އަގަށްވުރެ ދަށް އަގެއްގައި މާލޭ ރެހެންދި ފްލެޓުން (އަގު ބޮޑު ފްލެޓެއް) އޭސީސީގެ ރައީސް ހަސަން ލުތުފީއަށް މިސަރުކާރުން ވަނީ ދީފައިއެވެ. މިކަމާއި ގުޅިގެން އިދިކޮޅު އެމްޑީޕީން ވަނީ ކަންބޮޑުވުން ފާޅުކޮށް އޭސީސީގެ ނަޒާހަތްތެރިކަމާއި މެދު ސުވާލު އުފައްދާފައެވެ.
ފުވައްމުލަކުގައި މިއަދު ވަނީ ނަޒާހަތެރިކަމުގެ ހަފުތާއެއް ފާހަނގަކުރަން ފަށާފައެވެ. އެގޮތުން ސްކޫލު ކުދިންގެ ކުއިޒް މުބާރާތަކާއި ގްރުއާން މުބާރާތެއް މިއަދު ވަނީ ފަށާފައެވެ.
ޚިޔާލުތައް