މުހައްމަދު ޝިހާބް ކުޅަދާނަ ވަކީލާ އައިޝަތު މުހައްމަދުގެ ޝަކުވާއެއް، ހައިސިއްޔަތު ނެތް ސުޕުރީމް ކޯޓަށް ކުރީގެ ރައީސް ޔާމީނު އަބްދުލް ގައްޔޫމު ލައްވައިފިއެވެ. އަލަް ްވުޖޫދު ކުރެވުު ބާ ކައުންސިލްގެ ގާނޫނާއި ގުޅިގެން ވަކީލުންގެ ކަންތައްތައް ބެލެހެއްޓުމަކީ މިހާރު ބާ އެސޯސިއޭޝަންގެ ކަމެކެވެ.
ނަމަވެސް ކުރީގެ ރައީސްް ޔާމީން އަބްދުލް ގައްޔޫމު ސުޕްރީމް ކޯޓުގެ އުއްތަމަ ފަނޑިޔާރު ޑރ. އަބްދުﷲ ދީދީ އަށް ފޮނުއްވި ސިޓީއެއްގައި ވިދާޅުވެފައި ވަނީ ފާއިތުވި ފެބްރުއަރީ މަހު ކްރިމިނަލް ކޯޓުގައި ބޭއްވުނު އެމަނިކުފާނުގެ މަނީ ލޯންޑްރިން މައްސަލައިގެ ބަންދުގެ މުއްދަތު އިތުރު ކުރުމުގެ ޝަރީއަތުގެ އަޑުއެހުމުގައި ދައުލަތުގެ ވަކީލާ އައިޝާ ދޮގު ހަދާފައިވާ ކަމަށެވެ.
ދައުލަތުގެ ވަކީލާ އައިޝާގެ މައްސަލައެއް ކަމަށް ބުނެ ކުރީގެ ރައީސް ޔާމީން ސުޕްރީމް ކޯޓަށް މައްސަލަ ހުށަހެޅިކަމުގައި ވިޔަސް، މިހާރު އަމަލު ކުރަމުންދާ ދިވެހިރާއްޖޭގެ ޤާނޫނީ ފަންނުގެ ޤާނޫނުގެ ދަށުން ވަކީލުންނާއި މެދު ފިޔަވަޅު އެޅުމުގެ ބާރެއް ސުޕްރީމް ކޯޓަކަށް ނޯވެއެވެ. ވަކީލުންގެ އެފަދަ ކަމަކާއި ގުޅޭ އެއްވެސް ހައިސިއްޔެތެއް ސުޕްރީމް ކޯޓަކަށް ނޯވެއެވެ.
އަލަށް އުފެދުނު ގާނޫނުގައި ވާގޮތުން ޤާނޫނީ ވަކީލުންގެ ޙައްޤުތަކާއި އިމްތިޔާޒުތައް ޙިމާޔަތްކުރުމާއި، ޤާނޫނީ ވަކީލުކަން ކުރުމުގެ ހުއްދަ ދީ، ޤާނޫނީ ވަކީލުންގެ މަސައްކަތްތަކާ ގުޅޭ އެންމެހައި ފަންނީ ކަންކަން ރެގިއުލޭޓުކޮށް، ފިޔަވަޅު އަޅައި ބެލެހެއްޓުމާއި، ޤާނޫނީ ވަކީލުންގެ ޚިދުމަތުގެ އުޞޫލުތައް ކަނޑައެޅުމާއި، ޤާނޫނީ ވަކީލުންގެ މަސައްކަތް ތެދުވެރިކަމާއި އިންޞާފުވެރިކަމާއެކު ކުރިއަށްދާކަން ކަށަވަރުކުރުމަކީ މިހާރު ބާ ކައުންސިލުން ކުރަން ޖެހޭ ކަމެކެވެ.
ދައުލަތުގެ ވަކީލަކު ޝަރީއަތުގައި ދައްކާ ވާހަކައަކީ ހަމައެކަނި އޭނާގެ ރައުޔެއް ނޫންކަމަށް ގަބޫލުކުރަން ޖެހެއެވެ. އެއީ ދައުލަތުގެ ތަހުގީގީ އިދާރާތަކުން ޕީޖީ އޮފީހަށް ފޮނުވާ މައުލޫމާތުގެ މައްޗަށް ދައްކާ ވާހަކަތަކެކެވެ. ވީއިރު އެއީ މުޅިން ސައްހަ ނޫން މައުލޫމާތެއް ކަމުގައި ވިޔަސް އަދި އެވަކީލަކު (އައިޝާ) ދޮގު ހެދިކަމަށް ބެލުމުގެ ޖާގައޮތް ކަމެއް ނޫނެވެ.
އެގޮތުން ބަލާއިރު ރައީސް ޔާމީން ސުޕްރީމް ކޯޓަށް ހުށަހެޅި އެމައްސަލަ ބަލައިގަންނާނެ ކަމަކަށް ނުބެލެވެއެވެ. މައްސަލއާއި ގުޅޭގޮތުން ގުޅޭ ގޮތުން ސުޕްރީމް ކޯޓުން އަދި އެއްވެސް އެއްޗެއް ނުބުނެއެވެ.
ކުރީގެ ރައީސް ޔާމީނު އައިޝާގެ މައްޗަށް ދޮގު ހެދިކަމުގެ ތުހުމަތު ކުރައްވާ އިރު، ލައިވު ކުރެވުނު ޝަރީއަތުގައި ރައީސް ޔާމީނު އިތުރުފުޅު ހައްދަވާފައިވާ ކަން ރައީސް ޔާމީނުގެ ކުރީގެ ވީޑިއޯތަކުންނާއި އެހެންިހެން މަސްދަރުތަކުން ސާބިތުވެއެވެ.
‘އަޅުގަނޑުގެ އެކައުންޓުގައި އޮތީކީ ހުރީ އެއް މިލިއަން ޑޮލަރެއް ނޫން. އޭރު ވެސް އަޅުގަނޑުގެ އެކައުންޓުގައި އެ އެކައުންޓުގައި ތިން ހަތަރު މިލިޔަން ޑޮލަރު އެބަހުރި” ކުރީގެ ރައީސް އަބްދުﷲ ރައީސް ޔާމީނު ޝަރީއަތުގައި ވިދާޅުވި ނަމަވެސް އޭސީސީއިން އާންމު ކޮށްފައިވާ ރިޕޯޓުން އެނގޭ ގޮތުގައި އެމަނިކުފާނުގެ ޑޮލަރު އެކައުންޓް ހުޅުވުމަށް ޖަމާކޮށްފައިވާ 250 ޑޮލަރު ފިޔަވައި ދެން އެކައުންޓަށް ޖަމާކޮށްފައި ވަނީ އެސްއޯއެފުން ޖަމާކޮށްފައިވާ އެއްމިލިއަން އެމެރިކާ ޑޮލަރު އެކަންޏެވެ. އޭގެ ކުރިން ރައީސް ޔާމީންގެ ނަމުގައި އިސްލާމިކް ބޭންކުން ހުޅުވާފައިވާ އެ ކައުންޓަށް އެއްވެސް ފައިސާއެއް ޖަމާވެފައި ނުވާކަން އޭސީސީއިން ޔަގީން ކޮށްދެއެވެ.
ޝަރީއަތުގެ މަޖިލީހުގައި ވާހަކަ ދައްކަވަމުން ޔާމީނު ވިދާޅުވީ އެސްއޯއެފްގެ ފައިސާ ޖަމާވިކަން އެމަނިކުފާނަށް، އޭސީސީގެ ހަސަން ލތުފީ 2016ގައި އެންގުމުގެ ކުރިން އެއްވެސް ފަރާތަކުން، ބޭންކުން ވެސް އަންގާފައި ނުވާ ކަމަށެވެ. ނަމަވެސް ޝަރީއަތުގެ މަޖުލީހަށް ހުށަހެޅުނު ހެކިންގެ ބަޔާނުން އެނގުނީ އެފައިސާ ޖަމާކުރަން ގޮސް ބޭންކުގައި ހުރެގެން ރައީސް ޔާމީނު އެކައުންޓަށް އެފައިސާ ޖަމާކުރިކަން ރައީސް ޔާމީނާއި ފޯނުން ގުޅައިގެން ބުނި ކަމަށެވެ.
ފާއިތުވި ޖެނުއަރީ މަހުގައި ކުރިގެ ރައީސްް ޔާމީިނު ދެއްވި ޕްރެސް އެއްގައި ވިދާޅުވީ ފިނިފެންމާ ލޯންޗުކޮޅުގައި ހިނގި ހާދިސާއަށް ފަހު އެމަނިކުފާނު ފައިސާއެއް ބޭނުންފުޅުވެގެން އަދީބު ގާތު އެދުމުން، އެމަނިކުފާނުގެ އެކައުންޓަށް، އެމަނިކުފާނުގެ ފައިސާއިން އެއް މިލިއަން ޑޮލަރު ޖަމާކުރި ކަމަށް އަދީބް ވިދާޅުވި ކަމަށެވެ.
މިވާހަކަތައް ދިމާވަނީ ކޮންގޮތަކުން ތޯއެވެ؟ މިފަދަ ވާހަކަތަކަށް ބުނާނީ ދޮގުހެދުން ނޫން ދެން ކޮންކަމެއް ބާވައެވެ؟
މިއީ އަމިއްލައަށް ދޮގުހައްދަވާފަ އެކަން ހާމަވާން ފެށުމުން ރައީސް ޔާމީނު ފައްޓަވައިގެން އުޅުއްވާ ކުޅިވަރެއް ބާވައެވެ؟
ޓީވީ ތަކުން ލައިވު ކުރެވުނު ކުރީގެ ރައީސް ޔާމީނުގެ ޝަރީއަތުގައި ދައުލަތުގެ ފަރާތުން ވަކާލާތު ކުރެއްވި އާއިޝަތު މުހައްމަދު ވަނީ ގިނަ ބައެއްގެ މަގުބޫލުކަން ހޯދައްދަވާފައެވެ. އެއީކީ ކޮންމެހެން ރައީސް ޔާމީނު އައިޝާއާއި ދިމާލަށް ދޮގު ހެދިކަމަށް ބުނަންް ޖެހޭ ސަބަބެއް ނޫނެވެ. އޭނާ އަދާކުރީ އޭނާގެ ވަޒީފާގެ ޒިންމާއެވެ.
ދޫ ފަރިތަކަމާއެކު ޝަރަީއަތުގެ މަޖުލީހުގައި ސުވާލުތަކަށް އައިޝާ ޖަވާބު ދެމުން ދިޔައިރު ގިނަބައެއްގެ ތައުރީފު އޮހެމުން ދިޔައީ ބަރާބަރަށް ސުވާލަށް ޖަވާބު ދިނުމާއި އެއިގެ އިތުރުން ހުށަހަޅަން ބޭނުންވާ ޕޮއިންޓްތައް ހުށަހެޅުމުގައި ގެންގުޅުނު ފުރިހަމަ ސާފު ސާދާ ގޮތްތަކުންނެވެ.
ޚިޔާލުތައް
ޝަކުވާ އަކީ ލާ ނުވަތަ ލައަވާ އެއްޗެއަތޯ؟ އެއީ، ތަނެއްގައި ކުރާ / ކުރައްވާ، ނުވަތަ ތަނަކަށް ނުވަތަ މީހެއްގެ ކާރިއަށް ނުވަތަ ބޭޅެއްގެ އަރިހަށް އުފުލާ/އުފުއްލަވާ އެއްޗެއް. ޝަކުވާއެއް ދަންނަވައިވެސްފާނެ، އެކަމަކު ޝަކުވާ ލެއްވުމަކީ ދުވަހަކުވެސް، މި ނޫނީ، އަޑުއިވުނު / ފެނުނު އާބާރާތެއް ނޫން. ޞައްހަ ކަމުގައި ނުބެލެވޭ.