މުހައްމަދު ޝިހާބް ދިގުވާނޑު ކައުންސިލުން ފަންސާސް ލެޑް ހޮޅިބުރި ޏ.އަތޮޅު ތައުލީމީ މަރުކަޒަށް (އޭއީސީ) އަށް ހަދިޔާކޮށްފިއެވެ. ދިގުވާނޑު ކައުންސިލުން މިހަދިޔާކުރި ލެޑް ހޮޅިބުރިތައް ބޭނުން ކޮށްގެން އެސްކޫލުން ކަރަންޓު ހޯދުމަށް ކުރެވޭ ހޭދަ ކުޑަކުރެވިގެންދާނެކަމަށް ވެއެވެ. އިއްޔެ ހެނދުނު ޏ.އޭއީސީއާއި މިތަކެތި ހަވާލުކޮށްދެއްވީ ދިގުވާނޑު ކައުންސިލްގެ ޒިންމާދާރުވެރިޔާ މުހައްމަދު ވަހީދުއެވެ.
މީގެ ކުރިން ދިގުވާނޑު ކައުންސިލާއި އެހެން ގިނަ ކައުންސިލްތަކަކުން ވަނީ ފުވައްމުލަކުގެ ގިނަ ގެތަކަކަށް ލެޑް ހޮޅިބުރިތައް ހިލޭ ބަހާފައެވެ. އަދި ގިނަ ބަޔަކު އެހޮޅި ބުރިތައް ބޭނުންކުރަމުން އަންނަން ފާހަނގަކުރެވެއެވެ.
މިކަލް ނޫހަށް އެނގިފައިވާ ގޮތުގައި މި ލެޑް ހޮޅިބުރިތަކަކީ އެނަޖީ މިނިސްޓްރީ މެދުވެރިކޮށް ރާއްޖޭގެ ރައްޔިތުންނަށް ޗައިނާ ސަރުކާރުން ދިން ޚާއްސަ އެހީތަކެއްގެ ގޮތުގައި ދީފައިވާ ހޮޅިބުރިތަކެއް ކަމަށެވެ.
ޚިޔާލުތައް